એમએસ ધોની સહિત આ દિગ્ગજ ખેલાડીઓ પણ છેલ્લી વખત IPLમાં જોવા મળશે

• IPL 2024ની હરાજી 19 ડિસેમ્બરે દુબઈમાં યોજાશે
  
• IPL 2024 મહેન્દ્ર સિંહ ધોની માટે છેલ્લી સિઝન
  
• શિખર ધવન કદાચ છેલ્લી વખત IPLમાં જોવા મળશે
  

IPL 2024 ઘણા દિગ્ગજ ખેલાડીઓ માટે છેલ્લી સિઝન સાબિત થઇ શકે છે. આ યાદીમાં ઘણા મોટા નામ સામેલ છે. એવુ માનવામાં આવે છે કે IPL 2024 ચેન્નઈ સુપર કિંગ્સના કેપ્ટન મહેન્દ્ર સિંહ ધોની માટે આ છેલ્લી સિઝન સાબિત થશે. આ સિવાય અમિત મિશ્રા, રિદ્ધિમાન સાહા, પીયૂષ ચાવલા, દિનેશ કાર્તિક અને શિખર ધવન કદાચ છેલ્લી વખત IPLમાં જોવા મળશે. IPL 2024ની હરાજી 19 ડિસેમ્બર 2023ના રોજ દુબઈમાં યોજાશે.

IPL 2024 માહી માટે છેલ્લી સિઝન હશે!

ચેન્નાઈ સુપર કિંગ્સના કેપ્ટન મહેન્દ્ર સિંહ ધોની 42 વર્ષના છે. જો કે,તેની ફિટનેસ શાનદાર છે, પરંતુ એવા સંકેતો મળી રહ્યા છે કે આગામી IPL બાદ કેપ્ટન કૂલ IPLને અલવિદા કહી દેશે. તે જ સમયે, અમિત મિશ્રા છેલ્લી વખત IPL મેચોમાં જોવા મળી શકે છે. અમિત મિશ્રા 41 વર્ષના છે. હાલમાં, તે કેએલ રાહુલની કપ્તાની હેઠળ લખનૌ સુપર જાયન્ટ્સનો એક ભાગ છે. આ સિવાય રિદ્ધિમાન સાહાનું નામ આ લિસ્ટમાં છે. કોલકાતા નાઈટ રાઈડર્સ સિવાય રિદ્ધિમાન સાહા IPLમાં ચેન્નાઈ સુપર કિંગ્સ અને ગુજરાત ટાઈટન્સ જેવી ટીમો માટે રમી ચૂક્યો છે, પરંતુ માનવામાં આવે છે કે 39 વર્ષીય સાહા IPL 2024માં છેલ્લી વખત જોવા મળશે.

આ દિગ્ગજ ખેલાડીઓ પણ છેલ્લી વખત IPLમાં જોવા મળશે…

પિયુષ ચાવલા IPLમાં સૌથી વધુ વિકેટ લેનારા બોલરોમાંથી એક છે. હાલમાં તે મુંબઈ ઈન્ડિયન્સ તરફથી રમી રહ્યો છે. આ પહેલા તે ઘણી ટીમો માટે રમી ચૂક્યો છે. ચાવલાના પ્રદર્શન તેમજ ફિટનેસને જોતા એવું માનવામાં આવે છે કે તે IPL 2024 પછી લીગનો ભાગ નહીં હોય. IPL ઈતિહાસના સૌથી સફળ બેટ્સમેનોમાંના એક દિનેશ કાર્તિક પણ આ યાદીનો એક ભાગ છે. કાર્તિક 37 વર્ષનો છે, તે હાલમાં RCBનો ભાગ છે. આ ખેલાડીઓ સિવાય IPL 2024 સિઝન પણ શિખર ધવન માટે છેલ્લી સિઝન સાબિત થઈ શકે છે. શિખર ધવન ઘણા સમયથી ભારતીય ટીમનો ભાગ નથી. જોકે, તે IPL પંજાબ કિંગ્સનું નેતૃત્વ કરે છે.