રશિયન રાષ્ટ્રપતિ પદની ચૂંટણીમાં પુતિનને ટક્કર આપનારી મહિલા નેતાની ઉમેદવારી રદ

• રશિયામાં માર્ચ 2024માં રાષ્ટ્રપતિની ચૂંટણી
• નવેમ્બરમાં ચૂંટણીમાં ઉમેદવારી કરવાની કરી હતી જાહેરાત
• યેકાટેરીનાના નોમિનેશનમાં ઘણી ભૂલો જોવા મળતા નિર્ણય

રશિયા-યુક્રેન યુદ્ધ યથાવત છે. તેવામાં રશિયન રાષ્ટ્રપતિ પદની ચૂંટણીને લઇ તડામાર તૈયારીઓ ચાલી રહી છે. રશિયામાં રાષ્ટ્રપતિ પદની ચૂંટણીમાં વ્લાદિમીર પુતિન સામે ઝૂકાવનાર મહિલા નેતા યેકાતેરિના દંતસોવાનુ ઉમેદવારીપત્ર જ રદ થઈ ગયુ છે.

રશિયન સામાન્ય ચૂંટણીમાં રાષ્ટ્રપતિ પુતિનને પડકારવાની તૈયારી કરી રહેલા ટીવી પત્રકારમાંથી રાજકારણી બનેલા યેકાટેરિના દંતસોવાનુ (40 વર્ષીય)નું નામાંકન રદ કરવામાં આવ્યું છે. વાસ્તવમાં યેકાટેરીનાના નોમિનેશનમાં ઘણી ભૂલો જોવા મળી હતી, જે બાદ તેનું નોમિનેશન રદ કરવામાં આવ્યું હતું. યેકાતેરિનાએ કહ્યું છે કે, તે આ નિર્ણય સામે રશિયાની સુપ્રીમ કોર્ટમાં અપીલ કરશે. 

રશિયામાં માર્ચ 2024માં રાષ્ટ્રપતિની ચૂંટણી

રશિયામાં માર્ચ 2024માં રાષ્ટ્રપતિની ચૂંટણી યોજાવાની છે. યુક્રેન પર રશિયાના હુમલા બાદ આ પ્રથમ ચૂંટણી છે. ડેન્ટોવાએ વચન આપ્યું હતું કે જો તે ચૂંટણી જીતશે તો યુક્રેન સામેની દુશ્મનાવટ બંધ કરશે. હવે દંતસોવાના નામાંકન રદ્દ થયા બાદ એવું માનવામાં આવે છે કે ચૂંટણીમાં પુતિનનો વિરોધ કરવો સરળ નહીં હોય. તમને જણાવી દઈએ કે દંતસોવાએ નવેમ્બરમાં રાષ્ટ્રપતિ પદની ચૂંટણી માટે પોતાની ઉમેદવારીની જાહેરાત કરી હતી. ડેન્ટોવા યુક્રેન યુદ્ધ વિરુદ્ધ સ્પષ્ટપણે બોલ્યા છે અને તેણીની ચૂંટણીમાં વિજય પછી યુક્રેન યુદ્ધનો અંત અને રાજકીય કેદીઓને મુક્ત કરવાની જાહેરાત કરી છે. 

યેકાતેરિના દંતસોવાના નોમિનેશનમાં ઘણી ભૂલો જોવા મળી

રશિયાના ચૂંટણી પંચે કહ્યું કે, રાષ્ટ્રપતિની ચૂંટણી માટે અત્યાર સુધીમાં 29 લોકોએ અરજી કરી છે. ડેન્ટોવા વ્યવસાયે ટીવી પત્રકાર રહી ચૂકી છે અને હાલમાં રાજકારણમાં સક્રિય છે. સાઇબિરીયામાં જન્મેલી, ડેન્ટોવા હાલમાં મોસ્કોની હદમાં આવેલા ટાવરમાં રહે છે. રશિયામાં, ચૂંટણી માટે નોમિનેશન પછી, ઉમેદવારને તેના સમર્થનમાં ત્રણ લાખ લોકોની સહીઓની જરૂર હોય છે, પરંતુ દાવો કરવામાં આવ્યો છે કે ડેન્ટોવાના નામાંકનમાં જ 100થી વધુ ભૂલો જોવા મળી છે.