અમેરિકામાં મોંઘવારી દરમાં આવ્યો ભારે ઉછાળો, વ્યાજદરમાં કાપની આશા ઠગારી નીવડી

• અમેરિકામાં ઘર, વીજળી અને મોટર વીમા મોંઘા થયા
• અમેરિકામાં મોંઘવારી દરમાં તોતિંગ ઉછાળો નોંધાયો
• વ્યાજ ઘટવાની વાટ જોતા લોકોની આશા પર પાણી ફરી વળ્યું

નવું વર્ષ-2024માં જે લોકો અમેરિકામાં વ્યાજ દરમાં ઘટાડા પછી ફેડરલ રિઝર્વ બેંકના વ્યાજ દર ઘટવાની આશા રાખી બેઠા હતા તેઓની આશાને આંચકો લાગ્યો છે. અમેરિકામાં વર્ષ-2023ના અંતમાં ફરીથી મોંઘવારી દરમાં વધારો આવ્યો છે. સરકારી ડેટા પ્રમાણે કંઝયુમર પ્રાઈસ ઈંડેકસમાં ડિસેમ્બર 2023 સુધી 3.4 ટકાનો વધારો જોવા મળ્યો છે. જે ગત ત્રણ મહિનામાં સૌથી વધુ છે.

અમેરિકામાં મોંઘવારી દરમાં વધારો થવાથી માર્ચ-2024 સુધી વ્યાજ દર ઘટવાની આશા પર પાણી ફરી વળ્યું છે. અર્થશાસ્ત્રીઓને 3.2 ટકા મોંઘવારી વધવાની આશા હતી. જે નવેમ્બર 2023માં 3.1 ટકા રહી હતી. કોર ઈંન્ફલેશન રેટ પણ વધુ રહ્યું હતું. મોંઘવારી દરમાં વધારાથી આ ડેટાથી અમેરિકી સ્ટૉક માર્કેટમાં ભારે ઘટાડાની સાથે કારોબાર કરી રહ્યો છે. ડાઓજોન્સ 192 પોઈન્ટ નીચે રહી 37,502 પોઈન્ટ પર ટ્રેડ કરી રહ્યો છે. આમ છતાં નેસડેકમાં સામાન્ય તેજી જોવા મળી હતી. એસએન્ડપી 500.53 ટકાના ઘટાડા સાથે કારોબારમાં રહ્યો.

 કોર ઈંફ્લેશન પ્રાઈસ ઈંફ્લેશન જેમાં ખોરાક અને એનર્જી સામેલ નથી. વાર્ષિક આધારે ડિસેમ્બર સુધી 3.9 ટકા વધારો આવ્યો છે. આમ છતાં નવેમ્બરના ચાર ટકાની સરખામણીમાં આ ઓછું છે. અર્થશાસ્ત્રીનો 3.8 ટકા દરથી વધવાની આશા છે. એક મહિના પહેલાની સરખામણીમાં કોર ઈંન્ફલેશનમાં 0.3 ટકાનો ઉછાળો આવ્યો છે.

બ્યૂરો ઑફ લેબર સ્ટેટિસ્ટિક્સના આંકડાઓ અનુસાર રહેવા, વીજળી અને મોટર વીમા આ દરમિયાન મોંઘા થયા છે. સતત બીજા મહિને વપરાશ થયેલી કારની કીંમતોમાં ભારે ઉછાળો આવ્યો છે. પહેલા પણ એવી આશા હતી કે વર્ષ-2024માં વ્યાજદરોમાં કાપ મુકાશે. હાલ તો વ્યાજદરોમાં કાપને લઈ શંકા થઈ રહી છે.

એકબાજું અમેરિકામાં મોંઘવારી દરમાં ઉછાળો આવ્યો તો 12 જાન્યુઆરી 2024માં ભારતમાં ડિસેમ્બર મહિનાના છૂટક મોંઘવારી દરના આંકડા પ્રસિદ્ધ કરવામાં આવશે.