જમ્મુ-કાશ્મીરઃ પૂંછમાં સેનાના વાહન પર હુમલો, ફાયરિંગ કરીને આતંકીઓ ઉભી પૂંછડીએ ભાગ્યા

• જમ્મુ-કાશ્મીરના પૂંચમાં સેના પર આતંકી હુમલો
• આતંકવાદીઓએ સેનાના વાહનો પર ગોળીબાર કર્યો
• હુમલામાં કોઈને ઈજા થવાના સમાચાર નથી

જમ્મુ-કાશ્મીરના પૂંછમાં સેના પર આતંકી હુમલો થયો છે. પૂંછ જિલ્લામાં કૃષ્ણા ઘાટીના ખાનેતરમાં આતંકવાદીઓએ સેનાના વાહનો પર ગોળીબાર કર્યો હતો. પ્રાપ્ત માહિતી અનુસાર હુમલામાં કોઈને ઈજા થવાના સમાચાર નથી. હુમલા બાદ તરત જ સેનાના જવાનો એક્શનમાં આવ્યા અને સમગ્ર વિસ્તારને ઘેરી લીધો. હુમલામાં સામેલ આતંકીઓને પકડવા માટે સેના સમગ્ર વિસ્તારમાં સર્ચ ઓપરેશન ચલાવી રહી છે.

એક દિવસ પહેલા એટલે કે ગુરુવારે જમ્મુ-કાશ્મીર પોલીસના સુરક્ષા દળો દ્વારા રાજૌરીના માંજાકોટ વિસ્તારમાં સર્ચ ઓપરેશન હાથ ધરવામાં આવ્યું હતું. સર્ચ ઓપરેશન દરમિયાન, જમ્મુ અને કાશ્મીર પોલીસ અને સુરક્ષા દળોએ 4 ટિફિન બોમ્બ, IED, એક બુલેટ રાઉન્ડ, વોકી ટોકી સેટ અને અન્ય વસ્તુઓ જપ્ત કરી હતી.

રાજૌરી અને પૂંછમાં મોટા પાયે સર્ચ ઓપરેશન

વાસ્તવમાં, રાજૌરી અને પુંછમાં આતંકવાદને ખતમ કરવા માટે, સુરક્ષા દળો દ્વારા મોટા પાયે સર્ચ ઓપરેશન ચલાવવામાં આવી રહ્યું છે જેથી કરીને આ વિસ્તારમાં જ્યાં પણ આતંકવાદીઓ છુપાયેલા હોય, તેમને ન્યાય અપાવી શકાય. દરમિયાન આજે સુરક્ષા દળોએ રાજૌરીના માંજાકોટ વિસ્તારમાં સર્ચ ઓપરેશન હાથ ધર્યું હતું અને આ સર્ચ ઓપરેશન દરમિયાન સુરક્ષા દળોને મોટી સફળતા મળી હતી.