- ટી20 ક્રિકેટમાં 12000 રન પૂરા કરનારા પહેલા ભારતીય ખેલાડી
- આ સાથે દુનિયાના ચોથા બેટ્સમેન બની જશે વિરાટ કોહલી
- ભારતનો કોઈ પણ ખેલાડી આ રેકોર્ડ બનાવી શક્યો નથી
ભારતીય ક્રિકેટ ટીમના ખાસ બેટ્સમેન વિરાટ કોહલી આજે અફઘાનિસ્તાનની સામે ઈન્દોરમાં રમાનારી બીજી ટી20 ઈન્ટરનેશનલ મેચમાં તેની કરિયરની મોટી ઉપલબ્ધિ મેળવી શકે છે. ઈન્દોરની ટી20માં 35 રન બનાવવાની સાથે વિરાટ કોહલી ઈતિહાસ રચી દેશે. ઈન્દોરના હોલ્કર સ્ટેડિયમમાં આજે સાંજે 7 વાગ્યાથી ભારત અને અફઘાનિસ્તાનની વચ્ચે 3 મેચની ટી20 ઈન્ટરનેશનલ સીરીઝની બીજી મેચ રમાશે.
35 રન બનાવતા ઈતિહાસ રચી દેશે વિરાટ કોહલી
અફઘાનિસ્તાનની સામે ઈન્દોરમાં થનારી બીજી ટી20 ઈન્ટરનેશનલ મેચમાં 35 રન બનાવતાની સાથે કોહલી ખાસ રેકોર્ડ પોતાના નામે કરી લેશે. વિરાટ કોહલી એવું કરશે અને સાથે જ ઓવરઓલ ટી20માં 12000 રન પૂરા કરનારા ભારતના પહેલા અને દુનિયાના ચોથા નંબરના બેટ્સમેન બનશે. ભારતના કોી પણ બેટ્સમેન આજ સુધી આ મહારેકોર્ડ બનાવી શક્યા નથી. જો કોહલી આવું કરે છે તો તે ભારતીય ક્રિકેટના ઈતિહાસમાં એક મોટી સિદ્ધિ મેળવશે.
16 વર્ષથી રમી રહ્યા છે ટી20 ક્રિકેટ
વિરાટ કોહલીએ અત્યાર સુધી કુલ 374 ટી20 મેચ રમી છે. આ સમયે તેઓએ 41.40ની સરેરાશથી 11965 રન બનાવ્યા છે. આ સમયે તેનો સ્ટ્રાઈક રેટ 133.35 રહ્યો છે. આ ફોર્મેટમાં તેના નામે 8 શતક અને 91 અર્ધશતક નોંધાયા છે. ટી20 ઈન્ટરનેશનલ અને આઈપીએલમાં સૌથી વધારે રન બનાવનારા બેટ્સમેન છે. 11965 રનમાંથી 4008 રન તેઓએ ઈન્ટરનેશનલ લેવલ પર બનાવ્યા છે. તો આઈપીએલમાં તે 7263 રન બનાવી ચૂક્યા છે.
કોહલીએ અત્યાર સુધી બનાવ્યા છે 11965 રન
વિરાટ કોહલીએ અત્યાર સુધી 374 ટી20 મેચમાં 41.40ની સરેરાશથી 11965 રન બનાવ્યા છે. જો તે 35 રન બનાવી લેશે તો ટી20 ક્રિકેટમાં 12000 કે તેનાથી વધારે રન બનાવનારા ભારતના પહેલા અને દુનિયાના ચોથા નંબરના બેટ્સમેન બનશે. ઓવરઓલ ટી20 ક્રિકેટમાં અત્યાર સુધી ક્રિસ ગેલ, શોએબ મલિક અને કીરોન પોલાર્ડે પણ 12000 કે તેનાથી વધારે રન બનાવવાનો રેકોર્ડ પોતાના નામે કર્યો છે.
ટી20 ક્રિકેટમાં સૌથી વધારે રન
1. ક્રિસ ગેલ-વેસ્ટ ઈન્ડિઝ – 463 મેચમાં 14562 રન
2. શોએબ મલિક- પાકિસ્તાન – 525મેચમાં 12993 રન
3. કીરોન પોલાર્ડ – વેસ્ટ ઈન્ડિઝ- 639 મેચમાં 12430 રન
4. વિરાટ કોહલી- ભારત – 374 મેચમાં 11965 રન
5. એલેક્સ હેલ્સ- ઈંગ્લેન્ડ- 426 મેચમાં 11764 રન
