ઉત્તરાયણ માત્ર ગુજરાતમાં જ નહીં, દેશના વિવિધ રાજ્યોમાં પણ ઉજવાય છે મકરસંક્રાંતિ

• મકરસંક્રાંતિની ભારતમાં વિવિધ રીતે ઉજવણી કરવામાં આવે છે
  
• બંગાળમાં પોષસંક્રાંતિ કે પોષપર્વ તરીકે મકરસંક્રાંતિ ઉજવાય છે
  
• ગુજરાતમાં ઉત્તરાયણ નિમિત્તે દાન-પુણ્યનો અનેરો મહિમા છે
  

આજે મકરસંક્રાંતિના દિવસે દેશભરના અલગ-અલગ વિસ્તારોમાં અલગ-અલગ રીતે ઉજવણી કરવામાં આવે છે., જેમ કે બંગાળમાં પોષસંક્રાંતિ કે પોષપર્વ તરીકે ઓળખાય છે મકરસંક્રાંતિ તે સિવાય પણ બીજા રાજ્યમાં ઉજવાય છે મકરસંક્રાંતિ. તો ચાલો તમને જણાવીએ બીજા રાજ્યોમાં મકરસંક્રાંતિની ઉજવણી વિશે.

મકરસંક્રાંતિના દિવસે દાન-પુણ્યનો મહિમા

ગુજરાતમાં મકરસંક્રાંતિને ઉત્તરાયણ, બંગાળમાં પોષ સંક્રાંતિ અથવા પોષ પર્વ, દક્ષિણ ભારતમાં પોંગલ અને આસામમાં મકરસંક્રાંતિને માઘ બિહુ અથવા બિહુ તરીકે ઉજવવામાં આવે છે. આજે મકરસંક્રાંતિના દિવસે દેશભરના અલગ-અલગ વિસ્તારોમાં અલગ-અલગ રીતે ઊજવણી કરવામાં આવે છે. આ દિવસથી જ તમામ શુભ કાર્યોની શરૂઆત થાય છે. આ શુભ અવસર પર લોકો ગંગામાં સ્નાન કરે છે અને ઘાટ પર મેળાઓનું આયોજન કરવામાં આવે છે. મકરસંક્રાંતિના દિવસે દાન કરવાથી પુણ્ય મળે છે.

બંગાળમાં મકરસંક્રાંતિની ઊજવણી

બંગાળમાં મકરસંક્રાંતિ વિશેષ રીતે ઊજવવામાં આવે છે અને રાજ્યમાં મકરસંક્રાંતિને પોષસંક્રાંતિ કે પોષપર્વ તરીકે ઓળખવામાં આવે છે. આ દિવસે ગંગાસાગર ઘાટ પર મેળાનું આયોજન કરવામાં આવે છે અને આ મેળામાં મોટી સંખ્યામાં લોકો ઉમટી પડે છે.

દક્ષિણ ભારતમાં મકરસંક્રાંતિની ઊજવણી

દક્ષિણ ભારતમાં મકરસંક્રાંતિને પોંગલ કહેવામાં આવે છે. આ તહેવાર ચાર દિવસ સુધી ઉજવવામાં આવે છે જેમાં પ્રથમ દિવસ ભોગી પોંગલ તરીકે ઊજવવામાં આવે છે અને બીજા દિવસને સૂર્ય પોંગલ તરીકે ઊજવવામાં આવે છે તેમજ ત્રીજા દિવસને મટ્ટુ પોંગલ જ્યારે ચોથા દિવસને કન્યા પોંગલ તરીકે ઊજવવામાં આવે છે. આ દિવસે અહીં ભગવાન કૃષ્ણની પૂજા કરવામાં આવે છે.

આસામમાં મકરસંક્રાંતિની ઊજવણી

આસામમાં મકરસંક્રાંતિને માઘ બિહુ કે બિહુ તરીકે ઓળખવામાં આવે છે. આ તહેવાર પર લોકોના ઘરમાં ભાતની વિવિધ વાનગીઓ બને છે અને તે ઉપરાંત મકરસંક્રાંતિના અવસર પર એક સપ્તાહ સુધી આ પર્વની ઊજવણી થતી હોય છે.

ગુજરાતમાં મકરસંક્રાંતિની ઊજવણી

જ્યારે ગુજરાતમાં મકરસંક્રાંતિને ઉત્તરાયણ તરીકે ઓળખવામાં આવે છે. આ તહેવાર પર 2 દિવસના મહોત્સવ તરીકે ઊજવણી કરવામાં આવે છે. મકરસંક્રાંતિના દિવસે પતંગ મહોત્સવનું આયોજન કરવામાં આવે છે. જેમાં દૂર દૂરથી મોટી સંખ્યામાં લોકો આવે છે. ગુજરાત ઉપરાંત રાજસ્થાન અને એમપીમાં પણ પતંગ ચગાવવામાં આવે છે.