માલદીવનું વિપક્ષ ભારતના સમર્થનમાં ઉતર્યું, મુઈજ્જુ સરકારને એન્ટિ ઈન્ડિયા ગણાવી

• ભારત-માલદીવ વિવાદ વચ્ચે યુ-ટર્ન
• માલદીવના વિપક્ષના સભ્યોએ ભારતનું સમર્થ કર્યું
• મુઈજ્જુ સરકારને આ મુદ્દે ઘેરી

માલદીવની બંને વિપક્ષી પાર્ટીઓ માલદીવ્સ ડેમોક્રેટિક પાર્ટી (MDP) અને ધ ડેમોક્રેટ્સ ખુલ્લેઆમ ભારતના સમર્થનમાં આવ્યા છે. આ પક્ષોનું ભારત તરફી નિવેદન માલદીવ સરકારના તે નિવેદન બાદ આવ્યું છે જેમાં સરકારે કહ્યું હતું કે તેમણે માલે પોર્ટ પર ચીનના જહાજને રોકવાની મંજૂરી આપી છે.

વડાપ્રધાન મોદીની લક્ષદ્વીપની તસવીરો પર થયેલા વિવાદ બાદ ભારત અને માલદીવ વચ્ચેના સંબંધો તંગ છે. દરમિયાન, માલદીવની બે મુખ્ય વિપક્ષી પાર્ટીઓએ મુઈઝુ સરકારના ભારત વિરોધી વલણ પર ચિંતા વ્યક્ત કરી છે.

માલદીવની બંને વિપક્ષી પાર્ટીઓ ખુલ્લેઆમ ભારતના સમર્થનમાં આવી છે. આ પક્ષોનું ભારત તરફી નિવેદન માલદીવ સરકારના તે નિવેદન બાદ આવ્યું છે જેમાં સરકારે કહ્યું હતું કે તેમણે માલે પોર્ટ પર ચીનના જહાજને રોકવાની મંજૂરી આપી છે.

માલદીવની બંને પાર્ટીઓ, માલદીવ્સ ડેમોક્રેટિક પાર્ટી (MDP) અને ધ ડેમોક્રેટ્સે કહ્યું કે વર્તમાન સરકારનું ભારત વિરોધી વલણ ચિંતાજનક છે. કોઈપણ મોટા ભાગીદારને, ખાસ કરીને અમારા લાંબા સમયના સાથીથી અલગ પાડવું અમારા હિતમાં નથી.

 તેમણે સંયુક્ત પરિષદમાં કહ્યું કે માલદીવની સરકાર અને ભાવિ સરકારોએ દેશના લોકોના કલ્યાણ માટે તમામ ભાગીદાર દેશો સાથે કામ કરવું જોઈએ. માલદીવ માટે હિંદ મહાસાગરમાં સ્થિરતા અને સુરક્ષા મહત્વપૂર્ણ છે.

એમડીપીના અધ્યક્ષ અને પૂર્વ મંત્રી ફૈયાઝ ઈસ્માઈલ અને સંસદના ડેપ્યુટી સ્પીકર અહેમદ સલીમ સાથે ડેમોક્રેટ્સ પાર્ટીના પ્રમુખ હસન લતીફ અને સંસદીય જૂથના નેતા અલી અઝીમે સંયુક્ત પ્રેસ કોન્ફરન્સ યોજીને આ મુદ્દો ઉઠાવ્યો હતો.

બંને પક્ષોએ ઘણી મહત્વપૂર્ણ બાબતો પર સાથે મળીને કામ કરવા પ્રતિબદ્ધતા દર્શાવી અને દેશની વર્તમાન વિદેશ નીતિ અને પારદર્શિતા જેવા મુદ્દાઓ પર ચિંતા વ્યક્ત કરી. તમને જણાવી દઈએ કે માલદીવની 87 સભ્યોની સંસદમાં આ બંને પક્ષોના કુલ સાંસદોની સંખ્યા 55 છે.

ભારત અને માલદીવ વચ્ચે તણાવ કેવી રીતે શરૂ થયો?

હાલમાં જ વડાપ્રધાન મોદીની લક્ષદ્વીપની મુલાકાત બાદ માલદીવ સરકારના ત્રણ મંત્રીઓએ પીએમ મોદીની મુલાકાતની કેટલીક તસવીરો પર વાંધાજનક ટિપ્પણી કરી હતી. ત્યારથી બંને દેશો વચ્ચે રાજદ્વારી વિવાદ વધુ ઘેરો બન્યો હતો. આ મામલે વિવાદ વધ્યા બાદ આ ત્રણેય મંત્રીઓને સસ્પેન્ડ કરવામાં આવ્યા હતા.

બંને દેશો વચ્ચેના આ તણાવ વચ્ચે માલદીવના રાષ્ટ્રપતિ મુઈઝૂ ચીનની પાંચ દિવસની સરકારી મુલાકાતે ગયા હતા. આ પ્રવાસમાંથી પરત ફર્યા બાદ મુઈઝુ સતત ભારતને નિશાન બનાવી રહ્યો છે.

મુઈઝુ માલદીવ પરત ફરતાની સાથે જ તેણે સ્પષ્ટ શબ્દોમાં કહ્યું હતું કે અમારી સાથે દાદાગીરી કરવાનું લાયસન્સ કોઈની પાસે નથી. તેમણે કહ્યું હતું કે આપણે ભલે નાનો દેશ હોઈએ પરંતુ તે કોઈને આપણી સાથે ધમકાવવાનું લાયસન્સ નથી આપતું. જો કે મુઈઝુએ કોઈનું નામ લઈને સીધું આ નિવેદન આપ્યું નથી. પરંતુ એવું માનવામાં આવે છે કે તેમનું નિશાન ભારત તરફ છે.

આ પછી મુઈઝુએ ભારતને 15 માર્ચ પહેલા માલદીવમાંથી સૈનિકો હટાવવાનું કહ્યું હતું. તમને જણાવી દઈએ કે ચીનના સમર્થક ગણાતા મુઈઝુએ તેમની પાંચ દિવસીય ચીન મુલાકાત દરમિયાન રાષ્ટ્રપતિ શી જિનપિંગ સાથે મુલાકાત કરી હતી. તેમની મુલાકાત એવા સમયે થઈ જ્યારે માલદીવ સરકારના ત્રણ મંત્રીઓને વડાપ્રધાન નરેન્દ્ર મોદી વિરુદ્ધ વાંધાજનક ટિપ્પણી કરવા બદલ સસ્પેન્ડ કરવામાં આવ્યા હતા. આ મામલે ભારત અને માલદીવ વચ્ચે રાજદ્વારી વિવાદ વધી રહ્યો છે.