- રામ મંદિરમાં ભગવાન રામલલાની પ્રાણ પ્રતિષ્ઠામાં ચમત્કારીક ઘટના
- ભગવાનના દર્શનાર્થે પહોંચ્યા કપિરાજ, ભક્તોમાં કુતૂહલનો વિષય
- હનુમાનજી રામલલાના દર્શન કરવા આવ્યાને લઇ અનેક તર્ક-વિતર્ક
22 જાન્યુઆરી 2024ના રોજ અયોધ્યાના ભવ્ય રામ મંદિરમાં ભગવાન રામલલાનો પ્રાણ પ્રતિષ્ઠા કરવામાં આવી હતી. બીજા જ દિવસે ભગવાન રામના દર્શન કરવા લાખો લોકો એકઠા થયા હતા. આ દરમિયાન અચાનક એક કપિરાજ પણ રામ મંદિર ગર્ભગૃહમાં પહોંચ્યા હતા. આ કપિરાજને રામ મંદિર ગર્ભગૃહમાં પહોંચવાને લઇ ભક્તોમાં કુતૂહલનો વિષય બન્યો હતો. મંદિરની સુરક્ષા માટે તૈનાત સુરક્ષાકર્મીઓએ આ સંબંધમાં પોતાનો અનુભવ જણાવતા કહ્યું કે તેમને એવું લાગ્યું કે હનુમાનજી રામલલાના દર્શન કરવા આવ્યા છે
ભગવાનના દર્શનાર્થે પહોંચ્યા કપિરાજ
મળતી માહિતી મુજબ, અયોધ્યામાં રામલલાના પ્રાણ પ્રતિષ્ઠાના એક દિવસ બાદ મંગળવારે સાંજે એક કપિરાજ ગર્ભગૃહમાં પ્રવેશ કર્યો હતો. લગભગ 5:50 વાગ્યે, આંતરિક ગર્ભગૃહની પવિત્ર ભવ્યતાથી પ્રભાવિત થયા વિના, એક વ્યક્તિ દક્ષિણના દરવાજામાંથી પ્રવેશ્યો અને ભગવાન રામની આદરણીય ઉત્સવ મૂર્તિ પાસે પહોંચ્યો. શ્રી રામ જન્મભૂમિ મંદિર ટ્રસ્ટે જણાવ્યું હતું કે બહાર તૈનાત સુરક્ષા કર્મચારીઓ, શરૂઆતમાં અણધાર્યા મહેમાનથી ગભરાઈને, મૂર્તિને નુકસાન પહોંચાડી શકે તેવા ડરથી કપિરાજ તરફ દોડ્યા હતા. કોઈપણ અડચણરૂપ થયા વીના કપિરાજ ઉત્તરીય દરવાજા તરફ જતા પહેલા ગર્ભગૃહને સુંદર રીતે ઓળંગી ગયો. તેને બંધ જોઈને, કપિરાજ ફક્ત પૂર્વ તરફ વળ્યો અને શાંતિથી પૂર્વી દરવાજાની બહાર નીકળી ગયો, ભયભીત ભક્તોની ભીડમાંથી પસાર થઇને મંદિર બહાર જતા રહ્યા હતા.
હનુમાનજી રામલલાના દર્શન કરવા આવ્યાને લઇ અનેક તર્ક-વિતર્ક
ટ્રસ્ટ દ્વારા કરવામાં આવેલી પોસ્ટમાં કહેવામાં આવ્યું છે કે, “આજે લગભગ 5:50 વાગ્યે, એક કપિરાજ દક્ષિણના દરવાજાથી ગુડ મંડપ દ્વારા ગર્ભગૃહમાં પ્રવેશ્યા અને ઉત્સવ મૂર્તિની નજીક પહોંચ્યો. બહાર તૈનાત સુરક્ષાકર્મીઓએ કપિરાજને ત્યાં આવતા જોયા, ‘સુરક્ષા કર્મચારીઓ એ વિચારીને કપિરાજ તરફ દોડ્યા કે કદાચ તે ઉત્સવની મૂર્તિને જમીન પર પછાડી દેશે. પરંતુ પોલીસકર્મીઓ કપિરાજ તરફ દોડ્યા કે તરત જ કપી શાંતિથી ઉત્તરના દરવાજાથી પૂર્વ તરફ જતા રહ્યા. જોકે સમગ્ર દર્શ્ય જોતા ભક્તોએ એવી માન્યતા લઇ લીધી છે કે, રામલલાના દર્શન માટે સાક્ષાત હનુમાનજી આવ્યા છે. આ સમગ્ર ઘટનાને જોતા ભક્તોમાં કુતૂહલનો વિષય બન્યો હતો.
