- કેટલાય વિસ્તારોમાં ઘટ્યું ઠંડીનું જોર
- બપોરના સમયે વધ્યો ગરમીનો પારો
- નલિયામાં લઘુત્તમ તાપમાન 10 ડિગ્રી નોંધાયુ
રાજ્યમાં ફેબ્રુઆરી માસથી જ બેવડી ઋતુનો વરતારો છે. જેમાં કેટલાય વિસ્તારોમાં ઠંડીનું જોર ઘટ્યું છે. બપોરના સમયે ગરમીનો પારો વધ્યો છે. તથા નલિયામાં લઘુત્તમ તાપમાન 10 ડિગ્રી નોંધાયુ છે. પાટનગર ગાંધીનગરમાં 15 ડિગ્રી તાપમાન છે. તેમજ અમદાવાદ અને ડિસામાં તાપમાન 16 ડિગ્રી છે.
ઠંડી ઘટતા મહત્તમ તાપમાનમાં પણ વધારો નોંધાયો
વડોદરામાં 17 ડિગ્રી, સુરતમાં 18 ડિગ્રી તથા રાજકોટ અને અમરેલીમાં પણ તાપમાન 18 ડિગ્રી તાપમાન છે. ઠંડી ઘટતા મહત્તમ તાપમાનમાં પણ વધારો નોંધાયો છે. રાજ્યભરમાં મિશ્ર ઋતુનો વર્તારો છે. રાજયના અનેક વિસ્તારોમાં ઠંડીનું જોર ઘટ્યું છે. રાજ્યમાં લઘુતમ તાપમાનનો પારો 2 થી 3 ડિગ્રી વધ્યો છે. જાન્યુઆરી માસની સાથે હવે શિયાળો પણ વિદાય લેવાની તૈયારીમાં છે. ચરોતર પંથકમાં હવે લઘુત્તમ તાપમાન 12 ડિગ્રીની આસપાસ રહેશે. તેમાં કદાચ વધારો થશે, પણ ઘટાડો થવાની શક્યતા નહિવત્ છે.
વાતાવરણ પલ્ટાવવાની સાથે આકાશ અંશતઃ વાદળછાયું રહેવાની શક્યતા
મોસમના અણસાર જોતા હવે આગામી થોડા દિવસો બાદ હવે ગરમ કપડાં પહેરવા નહીં પડે. મોસમમાં આવતા બદલાવ વચ્ચે વાતાવરણમાં પણ પલ્ટો આવવાની સંભવના છે. 31 જાન્યુઆરી અને 1લી ફેબ્રુઆરીના રોજ સવારના સમયમાં વાતાવરણ પલ્ટાવવાની સાથે આકાશ અંશતઃ વાદળછાયું રહેવાની શક્યતા છે. આ બે દિવસોમાં કમોસમી વરસાદની શક્યતા નહિવત્ છે. પોષ માસ તેના ઉતરાર્ધ તરફ આગળ વધી રહ્યો છે, ત્યારે હવે ઠંડીની મોસમ પૂર્ણ થવાના આરે છે. છેલ્લા ચાર દિવસમાં સવારના તાપમાનમાં સાડા ચાર ડિગ્રીનો વધારો થયો છે.
