- એક નંગ પાર્કિંગમાં 12 યુનિટ કાર પાર્કિંગ રહશે, પાંચ વર્ષનો કોન્ટ્રાક્ટ
- દાણાપીઠ ઓફિસના બિલ્ડિંગમાં પાર્કિંગ માટે સ્ટેન્ડિંગની મંજૂરી
- મ્યુનિ.સ્ટેન્ડિંગ ચેરમેને કહ્યું કે, જીફે કાર પાર્કિંગ ભાડે અપાશે
મ્યુનિ.ના દાણાપીઠ ખાતેના બિલ્ડીંગમાં દોઢ કરોડના ખર્ચે પ્રાયોગિક ધોરણે મિકેનીકલ રોટેસનલ પાર્કિંગ બનાવશે. જેમાં એક નંગ પાર્કિંગમાં 12 યુનિટ કાર પાર્કિંગ રહેશે. પાંચ વર્ષના કોન્ટ્રાક્ટથી આપવા માટેની દરખાસ્ત મ્યુનિ.સ્ટેન્ડિંગ કમિટીએ મંજુર કરી દીધી છે. ટ્રાફિકની સમસ્યાના નિવારણ માટે પાયલોટ પ્રોજેક્ટમાં સફળતા મળશે તો અન્ય વિસ્તારોમાં તેનો અમલ કરાશે.
મ્યુનિ.દ્વારા ઇ-ટેન્ડરમાં સૌથી ઓછા ભાવ ભરનાર ખાનગી કંપનીને પ્રતિ નંગ માટે રુપિયા 98 લાખના ભાવથી કામ સોંપાયું છે. આ સિવાય ટેન્ડરની રકમ ઉપરાંત 18 ટકા જીએસટી, ટ્રાન્સ્પોર્ટેશન, અન્ય ખર્ચ પણ કંપનીને ચૂકવવામાં આવશે. પાર્કિંગ સિસ્ટમનાં પાંચ વર્ષના કોમ્પ્રીહેન્સીવ ઓપરેશન અને એઇન્ટેન્ન્સ કોન્ટ્રાક્ટ માટે કુલ 23.03 લાખ સાથે કુલ 1,53,61,540 રકમ કંપનીને ચૂકવાશે. મ્યુનિ.સ્ટેન્ડિંગ ચેરમેને કહ્યું કે, જીફે કાર પાર્કિંગ ભાડે અપાશે. 45 સેકન્ડમાં કાર પાર્ક થશે. વિજળી ગૂલ થઇ હોય તેવા સમયે પણ મેન્યુઅલ ઓપરેશનથી ઉપર પાર્ક થયેલા વાહનો નીચે લાવી શકાય છે. પાયલોટ પ્રોજેક્ટ હોવાથી તેનો થોડાંક સમય સુધી અભ્યાસ કરાશે. જેમાં સફળતા મળશે તો અન્ય સ્થળોએ પણ તેનો અમલ કરાશે. આૃર્યની વાત એછેકે, મ્યુનિ. મિકેનેકલ રીટેશનલ કાર પાર્કિંગનો ઉપયોગ કરવાની શરુઆત કરે છે. પરંતુ ડેવલપર્સ દ્વારા નવી સ્કીમોમાં પૂરતા પાર્કિંગ અપાતા નથી, અથવા તો જ્યાં મિકેનીકલ પાર્કિંગની વ્યવસ્થા ઉભી થઇ શકતી હોય ત્યાં અમલ કરાવતી નથી. નિષ્ણાંતોએ કહ્યું કે, ટ્રાફિકની સમસ્યાનું રાતોરાત નિવારણ આવી શકશે નહીં. તેના માટે મ્યુનિ.એ વ્હાલાદવલાની નિતી છોડીને કડક અમલ કરાવવો પડશે.
આ ઉપરાંત મ્યુનિ.કોર્પોરેશનની સ્ટેન્ડિંગ કમિટીમાં હેરિટેજ રોડ પર પૂરતી સફાઇ થતી નહીં હોવાની મળેલી ફરિયાદો બાદ દિવસમાં ચાર વખત સફાઇની દરખાસ્તને મંજુરી અપાઇ છે. આ ઉપરાંત પ્રત્યેક દરવાજાના બ્યુટિફિકેશનનો પણ નિર્ણય કરાયો છે.
