'હું જીતીને જ જઈશ' સરફરાઝ ખાનના ભાઈએ વર્લ્ડકપ વિશે કહી મોટી વાત

• અંડર-19 વર્લ્ડકપમાં મુશીર ખાનનું શાનદાપ પ્રદર્શન
  
• મુશીર ખાનના 5 મેચમાં 83.5ની એવરેજથી 334 રન
  
• અંડર-19 વર્લ્ડકપમાં મુશીર ખાન ટોપ સ્કોરર પણ છે
  

અંડર-19 વર્લ્ડકપમાં સરફરાઝ ખાનના નાના ભાઈ મુશીર ખાનના બેટ વડે શાનદાર પ્રદર્શન કર્યું છે. મુશીર ખાનની શાનદાર બેટિંગના આધારે ભારત સેમીફાઈનલમાં જગ્યા બનાવવામાં સફળ રહ્યું હતું. જે બાદ હવે સેમીફાઈનલ પહેલા મુશીર ખાને વર્લ્ડકપને લઈને નિવેદન આપ્યું છે. મુશીર ખાન આ સમયે શાનદાર ફોર્મમાં છે. મુશીર ટુર્નામેન્ટનો ટોપ સ્કોરર પણ છે. ઉપરાંત, તેણે આ ટૂર્નામેન્ટમાં અત્યાર સુધીમાં બે સદી ફટકારી છે. હવે મુશીર ભારતને વર્લ્ડકપનો ખિતાબ જીતતો જોવા માંગે છે. જેના માટે તેણે તાજેતરમાં એક ઇન્ટરવ્યુ દરમિયાન નિવેદન આપ્યું છે.

સંપૂર્ણ ફોકસ વર્લ્ડકપ જીતવા પર

ભારત માટે આ ટૂર્નામેન્ટમાં બેટ અને બોલથી સારૂ પ્રદર્શન કરનાર મુશીર ખાને ICC સાથે વાત કરતા કહ્યું કે ટીમના તમામ ખેલાડીઓ વર્લ્ડકપનો ખિતાબ જીતવા માંગે છે. જેના માટે ટીમના તમામ ખેલાડીઓનું ધ્યાન માત્ર વર્લ્ડકપ જીતવા પર છે. પોતાના પ્રદર્શન અંગે મુશીરે કહ્યું કે તે આ વર્લ્ડકપમાં માત્ર સારૂ પ્રદર્શન કરવા માંગે છે. વધુમાં કહ્યું કે, હું મારા પ્રદર્શનથી ખુશ છું પરંતુ જ્યાં સુધી હું વર્લ્ડકપ જીતીશ નહીં ત્યાં સુધી હું સંતુષ્ટ નહીં થઈશ. અને જ્યાં સુધી આ ટૂર્નામેન્ટમાં સૌથી વધુ રન બનાવવાની વાત છે તો હું અત્યારે તેના વિશે વિચારી રહ્યો નથી કારણ કે આપણે ફક્ત વર્લ્ડકપ જીતવા માંગીએ છીએ.

મોટા ભાઈ પાસેથી ઘણું શીખ્યો

સરફરાઝ ખાન વિશે મુશીર ખાને કહ્યું કે મેં મારા મોટા ભાઈ સરફરાઝ ખાન પાસેથી ઘણું શીખ્યું છે કે તે માત્ર પોતાની ટીમને જીતાડવા માટે કેવી રીતે વિચારે છે. હું તેની બેટિંગ પણ જોઉં છું, તે કેવી રીતે બેટિંગ કરે છે. જેમાંથી મને ઘણું શીખવા મળે છે. તેણે વધુમાં કહ્યું કે તે ઘરેલુ ક્રિકેટમાં સતત રન બનાવી રહ્યા છે. તેનું ધ્યાન માત્ર રન બનાવવા પર છે. તેના પછી જે પણ પરિણામ આવે, હું તેના વિશે વધુ વિચારતો નથી અને મારું સંપૂર્ણ ધ્યાન માત્ર રન બનાવવા પર છે.

મુશીર ખાન ટુર્નામેન્ટમાં ટોપ સ્કોરર

18 વર્ષનો યુવા ઓલરાઉન્ડર મુશીર ખાન માત્ર એક શાનદાર બેટ્સમેન નથી પણ એક ઉત્તમ સ્પિન બોલર પણ છે. મુશીર ખાને અત્યાર સુધી વર્લ્ડકપમાં 5 મેચ રમી છે, જેમાં તેણે 334 રન બનાવ્યા છે. આ સમયગાળા દરમિયાન તેની બેટિંગ એવરેજ પણ શાનદાર રહી છે. મુશીરે 5 મેચમાં 83.5ની એવરેજથી 334 રન બનાવ્યા છે. આ સાથે તે અંડર-19 વર્લ્ડકપમાં શિખર ધવન પછી બીજો બેટ્સમેન બની ગયો છે જેણે વર્લ્ડકપમાં બે કે તેથી વધુ સદી ફટકારી હોય.