- ધારાશાસ્ત્રીઓની કલેકટર કચેરીમાં લેખિત રજૂઆત
- જુનીયર વકીલો માટે પ્રથમ 3 વર્ષ સ્ટાઈપેન્ડની યોજના અમલમાં છે
- વકીલોને પ્રથમ વર્ષે 1000, બીજા વર્ષે 800 અને ત્રીજા વર્ષે 600 ચુકવવામાં આવે છે
ગુજરાત રાજયમાં જુનીયર વકીલો માટે પ્રથમ 3 વર્ષ સ્ટાઈપેન્ડની યોજના અમલમાં છે. ત્યારે આ રકમમાં વધારો કરવા અને નિયમીત રીતે ચૂકવવા રાજયપાલને સંબોધીને જિલ્લા કલેકટર કચેરીમાં આવેદનપત્ર અપાયુ છે. રાજયમાં જુનીયર વકીલો યોગ્ય રીતે પ્રેકટીસ કરી શકે તે માટે ડો. પી.જી.સોલંકી જુનીયર વકીલ સ્ટાઈપેન્ડ યોજના અમલમાં છે. જેમાં ગુજરાત સરકાર દ્વારા પ્રતીમાસ જુનીયર વકીલોને પ્રથમ વર્ષે 1000, બીજા વર્ષે 800 અને ત્રીજા વર્ષે 600 ચુકવવામાં આવે છે. પરંતુ આ રકમ ખુબ જ ઓછી અને અનીયમીત હોવાની રજુઆત જુનીયર વકીલોએ મંગળવારે કલેકટર કચેરીમાં કરી છે. જુનીયર વકીલો અભીષેક મકવાણા, હીમાલય ડોરીયા, મગનલાલ વાઘેલા સહિતનાઓએ રાજયપાલને સંબોધીને કરેલી આ રજુઆત કલેકટર કચેરીમાં આપતા જણાવ્યુ કે, હાલના મોંઘવારીના સમયમાં સ્ટાઈપેન્ડ રૂપે પ્રતીમાસ અપાતી આ રકમ ખુબ જ નજીવી છે. આ ઉપરાંત આ રકમ નીયમીત રીતે અનીમયીત મળે છે. આથી સ્ટાઈપેન્ડની આ રકમમાં વધારો કરવા અને તેની નીયમીત રીતે ચુકવણી કરવા રજુઆતના અંતે જણાવાયુ છે.
