આવો જાણીએ કેવી હશે ભારતની પ્રથમ લકઝરી ટ્રેન

• પેલેસ ઓન વ્હીલ્સ અયોધ્યા, મથુરા અને કાશીની ટુર કરશે
  
• આમાં ફક્ત ભારતીય મુસાફરો જ મુસાફરી કરી શકશે
  
• મુસાફરોને મળશે વિશેષ સુવિધાઓ

વિશ્વની ટોચની લક્ઝરી ટ્રેનોમાંની એક પેલેસ ઓન વ્હીલ્સ હવે મુસાફરોને ધાર્મિક યાત્રા પર પણ લઈ જશે. આ ટ્રેન રાજધાની દિલ્હીથી શરૂ થશે અને શિવ નગર બનારસ જશે અને પછી રામ નગરી અયોધ્યા જશે. સ્પેશિયલ ટ્રેન મથુરા અને અન્ય ધાર્મિક સ્થળોની મુલાકાત લીધા બાદ છ દિવસમાં પરત ફરશે. આમાં ફક્ત ભારતીય મુસાફરો જ મુસાફરી કરી શકશે. એવી અપેક્ષા છે કે આ ટ્રેન મે મહીના સુધીમાં પાટા પર આવી જશે.

કયાથી શરૂ થશે ટ્રેન

આ ટ્રેન રાજધાની દિલ્હીથી શરૂ થશે અને શિવ નગર બનારસ જશે અને પછી રામ નગરી અયોધ્યા જશે. સ્પેશિયલ ટ્રેન મથુરા અને અન્ય ધાર્મિક સ્થળોની મુલાકાત લીધા બાદ છ દિવસમાં પરત ફરશે. ખાસ વાત એ છે કે જે ધાર્મિક માર્ગો પરથી ટ્રેન પસાર થશે ત્યાં રામ અને કૃષ્ણની ધૂન સંભળાશે.મળતી માહિતી મુજબ, આ ટ્રેન પહેલીવાર ધાર્મિક સ્થળોની યાત્રા પર જઈ રહી છે. તેથી, મુસાફરી દરમિયાન ફૂડ મેનુમાં ફેરફાર કરવામાં આવ્યો છે. નવા ફેરફાર હેઠળ મુસાફરોને ન તો દારૂ પીરસવામાં આવશે અને ન તો લંચ કે ડિનરમાં લસણ-ડુંગળીનું શાક મળશે. સામાન્ય મુસાફરી દરમિયાન, નોન-વેજ અને દારૂ ટ્રેનમાં આપવામાં આવે છે, કારણ કે ઘણા વિદેશી અને સ્થાનિક પ્રવાસીઓ પણ તેમાં રહે છે. ટ્રેન ફૂડમાં આ ફેરફાર 42 વર્ષ પછી થવા જઈ રહ્યો છે. ખરેખર, અત્યાર સુધી આ ટ્રેનનું સંચાલન RTDC દ્વારા થતું હતું. પેલેસ ઓન વ્હીલ્સના ડાયરેક્ટર પ્રદીપ બોહરાના જણાવ્યા અનુસાર આ ટ્રેન સાત વર્ષથી ખાનગી હાથમાં આપવામાં આવી છે. ગુજરાતની ક્યુબ કન્સ્ટ્રક્શન કંપની પ્રાઈવેટ લિમિટેડ તેનું સંચાલન કરે છે. તેની કામગીરી મે મહિનામાં શરૂ થશે. આ છ દિવસની ધાર્મિક યાત્રા દિલ્હીથી શરૂ થશે. પેલેસ ઓન વ્હીલ્સ દિલ્હીથી અયોધ્યા, વારાણસી, પ્રયાગરાજ, મથુરા જશે.

કેટલુ ચૂકવવુ પડશે ભાડુ

આરટીડીસીએ આ ટ્રેન 8 મહિના સુધી ચલાવી હતી. પરંતુ હવે ગુજરાતની કંપની તેને આખું વર્ષ ચલાવવાની તૈયારી કરી રહી છે. તેનો રૂટ પ્લાન પણ બનાવવામાં આવી રહ્યો છે. બે મહિના સુધી ધાર્મિક યાત્રા થશે. ધાર્મિક યાત્રામાં સ્થાનિક પ્રવાસીઓ જ હશે. તેથી પ્રવાસ દરમિયાન તેમને વિશેષ છૂટ આપવામાં આવશે. હાલમાં આ ટ્રેનના નવા રૂપમાં 7 કરોડ રૂપિયાનો ખર્ચ કરવામાં આવ્યો છે. આ લક્ઝરી ટ્રેનમાં એક રાતની મુસાફરી 70 હજારથી 95 હજાર રૂપિયા સુધીની છે. આ ટ્રેનમાં મુસાફરી કરવાનું સેમી ડીલક્સ ભાડું 70 હજાર રૂપિયા પ્રતિ દિવસ છે. જ્યારે ડીલક્સ કોચમાં મુસાફરી કરવા માટે મુસાફરોને રોજના 95 હજાર રૂપિયા ચૂકવવા પડે છે. જ્યારે સુપર ડીલક્સનું ભાડું લગભગ 2 લાખ રૂપિયા પ્રતિ દિવસ છે. આ કોચમાં મુસાફરી કરવા માટે તમારે લગભગ 13 લાખ રૂપિયાનું ભાડું ચૂકવવું પડશે.

પ્રથમ લકઝરી ટ્રેન

આ ભારતની પ્રથમ લક્ઝરી ટ્રેન છે, જે 26 જાન્યુઆરી 1982ના રોજ શરૂ થઈ હતી. હવે આ ટ્રેનની ચોથી પેઢી પાટા પર છે, એટલે કે તેનું ચાર વખત નવીનીકરણ કરવામાં આવ્યું છે. આ ટ્રેન સંપૂર્ણ એસી અને વર્લ્ડ ક્લાસ સુવિધાઓથી સજ્જ છે. આ ટ્રેનના એસી કોચને સેલોન નામ આપવામાં આવ્યું છે. તેમાં બેડરૂમ, લાઉન્જ, પેન્ટ્રી, રસોડું, ડાઇનિંગ કાર, વોલ-ટુ-વોલ ગાલીચા અને વ્યક્તિગત સેવાઓથી માંડીને સ્ટોક કરેલ બાર સુધીની વિશ્વ-વર્ગની સુવિધાઓ છે.