- બિહારની સૌથી મોટી સરકારી હોસ્પિટલ PMCHમાં આગની ઘટના
- હોસ્પિટલ સ્ટાફે સ્થાનિક પોલીસ સ્ટેશન અને ફાયર બ્રિગેડને કરી જાણ
- ફારય વિભાગે આગ પર કાબૂ મેળવવા 3 કલાક કામગીરી હાથ ધરી
બિહારની સૌથી મોટી સરકારી હોસ્પિટલમાં અચાનક આગ લાગતા અફડાતફડી મચી ગઈ હતી. હોસ્પિટલના ઇમરજન્સી વોર્ડમાં દર્દીઓ અને તેમના પરિવારજનો અહી-ત્યાં દોડવા લાગ્યા હતા. હોસ્પિટલમાં હાજર લોકોએ જણાવ્યું હતું કે, ઈમરજન્સી વોર્ડમાં આગ લાગીની માહિતી મળતાની સાથે જ અનેક ફાયર ફાઈટર ઘટનાસ્થળે પહોંચ્યા હતા.
આજે ફરી એકવાર બિહારની સૌથી મોટી સરકારી હોસ્પિટલ એટલે કે પટનામાં PMCHમાં આગ લાગી છે. આગ લાગતા જ અફરાતફરીનો માહોલ સર્જાયો હતો. દર્દી અને દર્દીના પરિવારજનો અહી-ત્યાં દોડવા લાગ્યા હતા. હોસ્પિટલમાં હાજર લોકોએ જણાવ્યું કે ઈમરજન્સી વોર્ડમાં અચાનક આગ ફાટી નીકળી હતી અને થોડી જ વારમાં આગે વિકરાળ સ્વરૂપ ધારણ કરી લીધું હતું. હોસ્પિટલ સ્ટાફે તાત્કાલિક સ્થાનિક પોલીસ સ્ટેશન અને ફાયર બ્રિગેડને ઘટનાની જાણ કરી હતી.
ફારય વિભાગે આગ પર કાબૂ મેળવવા 3 કલાક કામગીરી હાથ ધરી
હોસ્પિટલમાં હાજર લોકોનું કહેવું છે કે, આગ એટલી ભયાનક અને ઝડપી હતી કે આગ પર કાબૂ મેળવવામાં ફાયર સ્કવોડના અધિકારીઓ અને કર્મચારીઓને ત્રણથી ચાર કલાકથી વધુ સમય લાગ્યો હતો. આગ લાગવાનું કારણ શોર્ટ સર્કિટ હોવાનું કહેવાય છે. ઘટના બાદ પટના સચિવાલય, કાંકરબાગ, પટના સિટી, લોદીપુર, દાનાપુરથી ફાયર સ્કવોડની ગાડીઓ ઘટનાસ્થળે પહોંચી ગઈ હતી. જણાવવામાં આવી રહ્યું છે કે આગ પર કાબૂ મેળવવા માટે ફાયર બ્રિગેડની 12 મોટી ગાડીઓ અને લગભગ અડધો ડઝન નાના વાહનોનો ઉપયોગ કરવામાં આવ્યો હતો. ત્યારબાદ ફાયર સ્કવોડને આગ પર કાબુ મેળવવામાં સફળતા મળી હતી.
