- મૂળી તાલુકા ગ્રામ્યમાં બે જૂથ વચ્ચે સશસ્ત્ર અથડામણ
- મહિલાના આડા સંબંધ મામલે બોલાચાલી બાદ વાત વણસી હતી
- ઘટનાના પગલે ગામમાં ચુસ્ત પોલીસ બંદોબસ્ત તૈનાત કરી દેવાયો
મૂળીના લીમલી ગામમાં મહિલાના આડા સંબંધ બાબતે બોલાચાલી બાદ ટોળાએ તલવાર, છરી, લાક્ડી અને લોખંડના પાઇપ સહિતના ઘાતક હથિયારો વડે હુમલો કરી ગંભીર ઇજા પહોંચાડતા બંને જૂથના કુલ 29 સામે પોલીસે ફરિયાદ નોંધીને કાર્યવાહી હાથ ધરી છે.
મૂળી તાલુકાના લીમલી ગામે મંગળવારે મોડી રાતના સુમારે મહિલાના આડા સંબંધ મામલે બોલાચાલી બાદ વાત વણસી હતી. લીમલી ગામના નવઘણભાઇ ભરવાડના ગામની મહીલા સાથે આડા સંબંધ મામલે અણદાભાઇ વાટુકીયાએ કિરીટસિંહ બાલુભા પરમાર અને એમના દીકરા વિજયસિંહ સાથે માથાકૂટ કરી હતી. ત્યારબાદ એક સાથે 19 લોકોના ટોળાએ તલવાર, છરી, લોખંડના પાઇપ અને ધોકા સહિતના ઘાતક હથિયાર વડે હુમલો કરી ગંભીર ઇજા પહોંચાડાઇ હતી. આ મામલે યોગીરાજસીહ રાજેન્દ્રસિંહ પરમારે લીમલી ગામના 19 શખ્સો સામે પોલીસ ફરીયાદ નોંધાવી છે. બીજી તરફ ભૂપતભાઇ લાલજીભાઇ વાટુકીયા પોતાની દુકાને હતા ત્યારે દારૂ પીને બે યુવકોએ આવી ઝગડો કર્યા બાદ બીજા શખ્સો ઉપરાણુ લઇને દોડી આવ્યા હતા. ત્યારબાદ ખાનગી હથિયારમાંથી ફાયરીંગ કરી તલવાર, છરી અને પાઇપ વડે પણ હુમલો કરી ગંભીર ઇજા પહોચાડાઇ હતી. આ બંને પક્ષે હુમલા બાદ ઇજાગ્રસ્તોને સુરેન્દ્રનગરની અલગ-અલગ હોસ્પિટલમાં સારવાર અર્થે ખસેડાયા હતા. પોલીસને ઘટનાની જાણ થતાની સાથે જ મૂળી પોલીસ સહિત અન્ય વિસ્તારમાંથી પોલીસનો કાફલો લીમલી ગામે અને હોસ્પિટલ પર પહોંચી પરિસ્થિતિ કાબુમાં લેવા માટે ચુસ્ત બંદોબસ્ત ગોઠવી દેવાયો હતો.
પોલીસ મથકે કુલ 29 સામે નામજોગ ફરિયાદ નોંધાઈ
એક જૂથના 19 સામે ફરિયાદ : (1) અણદા ગીરધરભાઇ વાટુકીયા (2) વિપુલ અણદાભાઇ (3) સંજય અણદાભાઇ (4) વિષ્ણુ ગીરધરભાઇ (5) રાજેશ વિષ્ણુભાઇ (6) સુરેશ હેમુભાઇ (7) નવઘણ હેમુભાઇ (8) જયેશ શંકરભાઇ (9) દિનેશ કાનજીભાઇ (10) મનીષાબેન ભૂપતભાઇ (11) સજનબેન નવઘણભાઇ (12) વિપુલ અણદાભાઇની પત્ની (13) પ્રભુ લાલજીભાઇ (14) ભૂપત લાલજીભાઇ (15) હેમુ ગીરધરભાઇ (16) હીનાબેન સુરેશભાઇ (17) પાર્વતીબેન હેમુભાઇ (18) કાંતાબેન અણદાભાઇ (19) જોશનાબેન પ્રભુભાઇ.
બીજા જૂથના 10 સામે ફરિયાદ (1) કિરીટસિંહ બાલુભા પરમાર (2) વિજયસિંહ કિરીટસિંહ (3) યુવરાજભાઇ (4) રાજુભાઇ દશુભાઇ (5) શંભુભાઇ (6) પદુભા કિરીટસિંહ પરમાર (7) અશોકસિંહ દશુભા પરમાર (8) મુન્નાસીહ ટેમુભા પરમાર (9) ટીનાસીંહ ટેમુભા પરમાર (10) મીતરાજસીહ જીતુભા પરમાર
બંને જૂથના 12 લોકો ઇજાગ્રસ્ત થયા
લીમલી ગામે જૂથ અથડામણમાં કિરીટસિંહ બાલુભા પરમાર, વિજયસિંહ, યુવરાજસીહ પરમાર, અજયસિંહ, રાજેન્દ્રિંસંહ સાથે બીજા જૂથના નવઘણભાઇ હેમુભાઇ વાટુકીયા, મનીષાબેન અને પ્રભુભાઇ લાલજીભાઇ સહિત 12 લોકો ગંભીર રીતે ઘવાયા હતા.
મૂળી પોલીસે 4ને દબોચ્યા, અન્યોની તપાસ જારી
મૂળી પોલીસ મથકના પીએસઆઇ ડી.ડી.ચુડાસમાએ જણાવેલ કે લીમલીની જૂથ અથડામણમાં બંને જૂથના 29 સામે પોલીસ ફરીયાદ દાખલ કરી છે ચારની ધરપકડ કરી બીજાની શોધખોળ આદરી છે અને અનિચ્છનીય ઘટના ન બને એ માટે ગામમાં બે શીફટમાં ચુસ્ત પોલીસ બંદોબસ્ત ગોઠવી દેવાયો છે.
ખાનગી હથિયારથી ફાયરિંગ ઘટનાની તપાસ શરૂ કરાઇ
ફરિયાદમાં પિસ્તોલ જેવા ખાનગી હથિયારથી ફાયરીંગ કરાયાના જણાવ્યા બાદ પોલીસે કોણે લાયસન્સ વાળા કે ગેરકાયદે હથિયારમાંથી ફાયરીંગ કર્યું છે કે કેમ? આ બાબતની પોલીસે તપાસ હાથ ધરી છે.
ડોકટરના અભાવે દર્દીને રિફર કરાયા
ધીંગાણાના ઇજાગ્રસ્તોને તાત્કાલિક સારવાર માટે સૌપ્રથમ સુરેન્દ્રનગરની સી.જે.હોસ્પિટલમાં લઇ જવાયા હતા. પરંતુ ત્યાં સર્જન ડોકટરના અભાવે શહેરની સી.યુ.શાહ હોસ્પિટલમાં સારવાર અર્થે ખસેડાયા હતા.
