ઉત્તરપ્રદેશના જાલૌન જિલ્લામાં ભારે વરસાદ અને કરા પડ્યાનો વીડિયો સામે આવ્યો…

જમ્મુ-કાશ્મીર, હિમાચલ પ્રદેશ અને ઉત્તરાખંડ સહિતના પહાડી વિસ્તારોમાં છેલ્લા કેટલાક દિવસોથી ભારે હિમવર્ષા થઈ રહી છે. ભારતીય હવામાન વિભાગ (IMD) મુજબ, પર્વતીય વિસ્તારોમાં હિમવર્ષા બુધવારે પણ ચાલુ રહેવાની શક્યતા છે. એટલું જ નહીં, તે મેદાની વિસ્તારને પણ અસર કરશે. જ્યાં મધ્યમથી ભારે વરસાદ થવાની સંભાવના છે. આ ઉપરાંત, કેટલાક સ્થળોએ તોફાની પવન સાથે છૂટાછવાયા કરા પડવાની પણ શક્યતા છે. IMD એ મેદાની વિસ્તારોમાં વરસાદ અને કરા પડવા માટે એલર્ટ પણ જારી કર્યું છે

ભારતીય હવામાન વિભાગ (IMD) એ સોમવારે આગાહી કરી છે કે, હરિયાણા અને રાજસ્થાનના ભાગોમાં હળવાથી મધ્યમ તીવ્રતાના વરસાદ સાથે વાવાઝોડાની શક્યતા છે. આગામી 2 કલાક દરમિયાન નરવાના, ફતેહાબાદ, બરવાલા, આદમપુર, હિસ્સાર (હરિયાણા) ભદ્ર (રાજસ્થાન) ના આસપાસના વિસ્તારોમાં હળવાથી મધ્યમ તીવ્રતાવાળા વાવાઝોડા સાથે વરસાદ પડશે એમ IMDએ X પર જણાવ્યું હતું.

અગાઉ રવિવારે, ઉત્તર ભારતના કેટલાક ભાગોમાં છીછરા ધુમ્મસનું એક સ્તર જોવા મળ્યું હતું, જેમાં ભારતીય હવામાન વિભાગે દિલ્હી, હરિયાણા અને ચંદીગઢમાં આગામી બે દિવસમાં કેટલાક સ્થળોએ હળવાથી મધ્યમ વરસાદની આગાહી કરી હતી. 2-દિવસીય IMD ની આગાહી મુજબ, “હરિયાણા, ચંદીગઢ અને દિલ્હીમાં 19 અને 20 ફેબ્રુઆરીએ ઘણી જગ્યાએ ગાજવીજ સાથે વાવાઝોડા અને વીજળીના કડાકા (40-50 kmph) સાથે હળવોથી મધ્યમ વરસાદ થશે. 19 અને 20 ફેબ્રુઆરીએ  અલગ-અલગ સ્થળોએ કરા પડવાની શક્યતા છે. તેણે 18 અને 20 ફેબ્રુઆરીએ જમ્મુ-કાશ્મીર-લદ્દાખ-ગિલગિટ-બાલ્ટિસ્તાન-મુઝફ્ફરાબાદ અને હિમાચલ પ્રદેશમાં અલગ-અલગ સ્થળોએ અને 19 અને 20 ફેબ્રુઆરીએ ઉત્તરાખંડમાં ભારે વરસાદની આગાહી કરી છે.