- ક્રિકેટર વેસુ પોલીસ સ્ટેશનમાં જવાબ લખાવવા આવ્યો
- પોલીસે અભિષેક શર્માને આપઘાત કેસમાં સમન્સ પાઠવ્યું
- અભિષેક શર્મા સાથે બ્રેકઅપ બાદ હતાશ હતી તાનિયા
વેસુમાં રહેતી ગ્લેમર ગર્લ તાનિયા સિંઘના આપઘાત કેસમાં તાનિયા અને અભિષેકના સંબંધમાં હતી. IPL ક્રિકેટર અભિષેક જવાબ આપવા પોલીસ સ્ટેશન પહોંચ્યો. IPL ક્રિકેટર અભિષેક શર્મા સુરત પહોંચ્યો છે. વેસુ પોલીસ સ્ટેશનમાં જવાબ લખાવવા આવ્યો છે ક્રિકેટર અભિષેક શર્મા.
બ્રેકઅપ બાદ તાનિયા હતાશ હતી
વેસુ પોલીસે અભિષેક શર્માને આપ્યુ હતું સમન્સ. અભિષેક શર્મા સાથે બ્રેકઅપ થયા પછી હતાશ હતી તાનિયા સિંઘ અને અવારનવાર સ્નેપચેટ પર તાનિયા મેસેજ કરતી હતી જેનો અભિષેક જવાબ આપતો જ ન હતો. પોલીસનું કહેવું છે કે, બે માસથી તાનિયા સાથે અભિષેક શર્માનું બ્રેકઅપ થવા છતાંય એ સતત એકતરફી મેસેજ કરતી હતી. તાનિયા લાગણીના સંબંધમાં છેલ્લા બે માસથી ભાંગી પડી હોવાનું પોલીસ માની રહી છે. IPL ક્રિકેટર અભિષેક અને તાનિયા વચ્ચે એવું શું બન્યું કે બે માસથી મેસેજ કરતી હોવા છતાં અભિષેક શર્મા જવાબ આપતો ન હતો. બંને વચ્ચે કયા કારણે બ્રેકઅપ થયું? એ રહસ્ય હાલ તપાસનો વિષય છે
પોલીસ કોલ ડિટેઈલને આધારે તપાસ કરી રહી છે
મોડલ તાનિયા સિંગ અપમૃત્યુ કેસમાં પોલીસ હજી પણ બ્લાઇન્ડ છે. પોલીસ હજી સુધી કોઈ ઠોસ દિશા કે નક્કર કારણ નક્કી કરી શકી નથી. તાનિયા સિંગના મોબાઈલમાં એક તરફી કરાયેલા મેસેજ અને કોલ મળી આવ્યાં છે. વેસુ પોલીસ હાલ ફક્ત કોલ ડિટેઈલ પર તપાસનો આધાર રાખી રહી છે.
અભિષેક શર્મા સાથેના કેટલાક ફોટા તેના મોબાઇલમાંથી મળ્યાં
વેસુ વિસ્તારમાં રહેતી ફેશન ડિઝાઇનર કમ મોડેલીંગ કરતી તાન્યા સિંઘના આપઘાત પ્રકરણમાં પરિજનોની હાથ ધરેલી પૂછપરછમાં પણ કોઇ ચોક્કસ કારણ બહાર નહીં આવતા હાલમાં મોબાઇલ ઉપર તપાસ કેન્દ્રિત કરી છે. બીજી તરફ IPLના ઓલરાઉન્ડ અભિષેક શર્મા સાથેના કેટલાક ફોટા તેના મોબાઇલમાંથી મળ્યા હોવાથી પોલીસે તે દિશામાં પણ તપાસ હાથ ધરી છે. વેસુ પોલીસે ગઈકાલે મૃતક તાનિયાના પરિવારજનો, સંબંધીઓ અને મિત્રવર્તુળના નિવેદન લીધા છે. માતાપિતા પણ અભિષેક સાથેના તાનિયાના સંબંધ અંગે જાણકારી નહીં હોવાનું જણાવ્યું છે. પોલીસ હાલ દરેક ખૂણેથી તપાસ કરી રહી છે.
