- કપાસના ભાવમાં અચાનક 15 થી 18 ટકાનો ઉછાળો નોંધાયો
- ખેડૂત આલમ મા ખુશાલી જોવા મળી રહી
- કપાસના ભાવ વધવા પાછળ મુખ્યત્વે ચાર કારણો જવાબદાર હોવાનું નિષ્ણાતો
કપાસના ભાવમાં છેલ્લા દસ દિવસ દરમિયાન અચાનક સુધારો થયો છે. કપાસના ભાવ 18 ટકા કેટલા વધી ગયા છે. જેને લીધે ખેડૂત આલમ મા ખુશાલી જોવા મળી રહી છે. કપાસના ભાવ વધવા પાછળ મુખ્યત્વે ચાર કારણો જવાબદાર હોવાનું નિષ્ણાતો માને છે. ફેરેન વાયદો, કપાસીયા અને રૂ ના ઉચકાયેલા બજારભાવ, માવઠાને લીધે કપાસની આવક ઘટશે તે પ્રકારની માર્કેટમાં ઊભી થતી સંભાવનાઓ, યાર્ન માર્કેટમાં માંગ વધતા નેશનલ અને ઇન્ટરનેશનલ બજારમાં ડિમાન્ડ આવતા તેની પણ અસર કપાસના બજાર ભાવ પર પડી છે.
રૂ અને કપાસિયાના ભાવમાં ઉછાળો આવતા કપાસના ભાવ પણ ઉચકાયા છે. સીસીઆઈ ના ટેકાના ભાવ રૂ.7000ની અંદર છે.જ્યારે બજારમાં કપાસનો ભાવ 1000 રૂપિયા જેટલો ભાવ ઉચકાતા હવે સીસીઆઇ ખરીદીમાંથી બહાર નીકળી ગઈ છે. બોડેલી બજાર સમિતિમાં આજે કુલ 280 સાધનો ભરી કપાસ વેચાણ અર્થે હરાજીમાં આવ્યો હતો. આજનો કપાસનો બજારભાવ 6800 થી 7900 પડયો છે.
બોડેલીમાં કપાસની હરાજી વેપારીઓ વચ્ચે તંદુરસ્ત સ્પર્ધા સાથે થઈ રહી છે કપાસ નો બજાર ભાવ એક અઠવાડિયા પહેલા આજના ભાવ કરતા 1000 રૂપિયા ઓછો હતો રૂ અને કપાસિયાના ભાવમાં અચાનક ઉછાળો આવ્યો છે રૂ ના ભાવ 56000 રૂપિયા પ્રતિ ખાંડી ના હતા જે 10% જેટલો ભાવ વધારો થતા 61000 પર પહોંચ્યો છે તે જ રીતે કપાસિયાના ભાવ માં 20% જેટલો ઉછાળો આવ્યો છે. 2300 થી 2,350 ના ભાવે વેચાતા કપાસિયા હવે 2700 થી 2800 ના ભાવે વેચાઈ રહ્યા છે. બજારોમાં રૂ અને કપાસિયા ના ભાવમાં વધારો થતા કપાસનો ભાવ પણ ઊંચકાયો છે ખેડૂતોને કપાસનો ભાવ હવે 7900 સુધી મળી રહ્યો છે.સીસીઆઈ નો ટેકાનો ભાવ આનાથી 1000 રૂ. ઓછો છે. કપાસનો ભાવ ઉચકાતા સીસીઆઈ ના અધિકારી હવે હરાજીમાં પણ ભાગ લેવા જતા નથી.
ન્યૂયોર્ક વાયદો 10 દિવસમાં સુધર્યો છે જેની પણ ભાવ પર અસર પડી છે
ફેરેન વાયદો સુધર્યો છે. ફેરેનમાં ખાસ કરીને ન્યૂયોર્કમાં કપાસનું ઉત્પાદન પ્રમાણમાં ખૂબ ઓછું હતું ભારતનું રૂપ દુનિયામાં સૌથી સસ્તુ છે. ભારતનું રૂ હવે દુનિયાના દેશોમાં એક્સપોર્ટ પણ થશે. યાન માર્કેટમાં કોઈ જ ડિમાન્ડ ન હતી. હવે માર્કેટ ખુલ્યું છેયાન બજારના વેપારીઓ ઉદ્યોગપતિઓને નફે મળતો થયો છે તેનો ફયદો મિલોને મળ્યો છે યાર્ડ માર્કેટને દોરડા એક્સપોર્ટ માટે મોટા પ્રમાણમાં ઓર્ડર મળી રહ્યા છે. બીજું કે કપાસ નો પાક ધાર્યો આવવાનો છે કે હવે માવઠું થવાને કારણે આવશે નહીં જેથી કપાસની શોર્ટ જ ઊભી થશે તેવી પણ બજારમાં ધારણા છે. સીસીઆઈ 40 થી 45 લાખ ગાંસડી અને મલ્ટીનેશનલ કંપનીઓએ 20 લાખ ગાંસડી રૂ ખરીદ કરી લીધુ છે.મોટા પ્રમાણમાં માલ માર્કેટમાંથી ઉઠી ગયો તેની પણ અસર બજાર ભાવ પર પડી છે.જેતપુરપાવી હરિઓમ જીનિંગ પર કપાસના ભાવ પ્રતિ કવીંટલ 7500 થી 7850 અપાઇ રહ્યા છે.
