- રાજયમાં ગાજવીજ સાથે વરસાદની આગાહી
- 20 જુન સુધી ચોમાસું આગળ પહોંચી જશે
- આગામી 7 દિવસ રાજયના મોટાભાગમાં વરસાદની આગાહી
અમદાવાદ હવામાન વિભાગે વરસાદને લઈ આગાહી કરી છે,જેમાં અગામી 20 જુન સુધી ચોમાસું આગળ વધી જશે,અગામી 7 દિવસ રાજયના મોટાભાગના શહેરોમાં વરસાદ થશે,સાયક્લોનિક સર્ક્યુલેશનના કારણે વરસાદની આગાહી કરાઈ છે.હાલમાં ચોમાસાનું આગમન નબળુ થયું હોવાથી ગતિ ધીમી છે.
આજે આ જગ્યાએ વરસાદની કરાઈ આગાહી
હવામાન વિભાગના અમદાવાદ કેન્દ્રના મોસમ વૈજ્ઞાનિક, રામાશ્રય યાદવના જણાવ્યા પ્રમાણે, આજે છૂટાછવાયા સ્થળો પર ગાજવીજ સાથે હળવાથી મધ્યમ વરસાદની આગાહી છે. આજે અમદાવાદ, દાહોદ, છોટાઉદેપુર, સુરત, નવસારી, નર્મદા, વલસાડ, તાપી, દમણ, દાદરા નગર હવેલી તથા સૌરાષ્ટ્ર અને કચ્છના તમામ જિલ્લાઓમાં ગાજવીજ સાથે વરસાદ થવાની શક્યતા છે.
આવતીકાલે આ જિલ્લામાં કરાઈ વરસાદની આગાહી
આવતીકાલે દાહોદ, છોટાઉદેપુર, સુરત, ડાંગ, નવસારી, વલસાડ, તાપી, દમણ, દાદરા નગર હવેલી તથા સૌરાષ્ટ્ર અને કચ્છના રાજકોટ, પોરબંદર, અમરેલી, ભાવનગર, જુનાગઢ, ગીર સોમનાથ, બોટાદ, દ્વારકા, દીવ તથા કચ્છમાં છૂટાછવાયા સ્થળો પર ગાજવીજ સાથે હળવાથી મધ્યમ વરસાદની આગાહી કરવામાં આવી છે.
19 જૂને આ જગ્યાએ વરસાદ પડવાની આગાહી
ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહિસાગરમાં વરસાદ પડવાી શક્યતાઓ દર્શાવી છે. આ ઉપરાંત, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં વરસાદ પડશે. સૌરાષ્ટ્રના વિસ્તારોની વાત કરીએ તો જૂનાગઢ, અમરેલી, ભાવનગર, ગીર સોમનાથ, બોટાદ અને દીવમાં ગાજવીજ સાથે વરસાદની શક્યતાઓ છે. ગુજરાતના આ વિસ્તારોમાં ભારે પવન સાથે વરસાદ પડશે.
20 જૂને આ જગ્યાએ વરસાદ પડવાની આગાહી
ખેડા, આણંદ, પંચમહાલ, દાહોદ, મહિસાગર સહિત વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, વલસાડ, દમણ અને દાદરા નગર હવેલીમાં ભારે વરસાદ પડશે. તેમજ સૌરાષ્ટ્રના જૂનાગઢ, અમરેલી, ભાવનગર, ગીર સોમનાથ, બોટાદ અને દીવમાં પણ વરસાદની આગાહી છે.
21 જૂને આ જગ્યાએ વરસાદ પડવાની આગાહી
આણંદ, પંચમહાલ, દાહોદ અને મહિસાગરમાં વરસાદની શક્યતાઓ છે ત્યારે વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ, દાદરા નગર હવેલી ઉપરાંત જૂનાગઢ, અમરેલી, ભાવનગર, ગીર સોમનાથ અને દીવસમાં ભારે પવન સાથે વરસાદની શક્યતાઓ છે.
