ચેખલા રાણી પ્રાથમિક શાળા ખાતે પ્રવેશોત્સવ, કન્યા કેળવણી મહોત્સવ ઉજવાયો

સૌરાષ્ટ્ર ગુજરાતમાં એકપણ ગ્રામીણ કે શહેરી વિસ્તારમાં વસતા બાળકો શિક્ષણની વંચીત ન રહે તે માટે ગુજરાત સરકાર દ્વારા શાળા પ્રવેશોત્સવ, કન્યા કેળવણીનો કાર્યક્રમ ચલાવી રહી છે. જે પૈકી ગુરુવારે ચેખલા રાણી પ્રાથમિક શાળા ખાતે શાળા પ્રવેશોત્સવ અને કન્યા કેળવણી મહોત્સવની ઉજવણી કરવામાં આવી હતી. આંગણવાડીમાં 4 બાળકો અને બાલવાટિકામાં 8 બાળકો અને ધોરણ 1માં 11 બાળકોને શાળા પ્રવેશ કરાવવામાં આવ્યો હતો. બાળકોને સ્કૂલબેગ સહિત શૈક્ષણિક કિટ અપાઇ હતી.
જિલ્લા પુરવઠા અધિકારી શ્વેતા પંડયા, નાયબ જિલ્લા શિક્ષણાધિકારી, સાદરા સી.આર.સી. સંજય પટેલ કાર્યક્રમમાં ઉપસ્થિત રહ્યા હતા અને નાના બાળ-બાલિકાને શૈક્ષણિક કિટ આપી શાળા પ્રવેશ કરાવ્યો હતો. કાર્યક્રમમાં ગામના સરપંચ કોકીલા ઘનશ્યામસિંહ ઝાલા, દાતા ઘનશ્યામસિંહ જીવુસિંહ ઝાલા અને ગ્રામજનો મોટી સંખ્યામાં હાજર રહ્યા હતા. બાળકોના કલરવથી આ કાર્યક્રમ ઘણો ઉલ્લાસપૂર્ણ રહ્યો હતો