- કીર સ્ટાર્મરે બ્રિટનની જનતાને કરેલા વાચદા અને સ્ટ્રેટેજીને લીધે જીત મળી
- ઋષિ સુનક વાયદાઓ અને નીતિઓમાં નિષ્ફળ રહેતા હારનો સામનો કરવો પડયો
- કીર સ્ટાર્મરની પાર્ટી લેબર પાર્ટીનો ચૂંટણીમાં ભવ્ય વિજય
બ્રિટનની જનરલ ચૂંટણીનું પરિણામ જાહેર થઈ ગયું છે. એક્ઝિટ પોલ પ્રમાણે પરિણામ પણ આવ્યુંમ ગયું છે. ઋષિ સુનકની કંઝર્વેટિવ પાર્ટીને હારનો સામનો કરવો પડયો છે જ્યારે લેબર પાર્ટીના કીર સ્ટાર્મર જીતીને બ્રિટનના નવા વડાપ્રધાન બનવા જઈ રહ્યા છે. જો કે સુનકની નીતિઓ, બ્રિટનમાં વસતા 25 લાખ ભારતીયોની નારાજગી અને કીર સ્ટાર્મરના વાચદા તેમજ રણનીતિને લીધે કીર સ્ટાર્મર જીત્યા છે.
ઋષિ સુનકની લોકપ્રિયતાનો ગ્રાફ કેમ ઘટયો ?
ઋષિ સુનકની લોકપ્રિયતાના ગ્રાફમાં ઘટાડો થવા પાછળ ઘણાબધા કારણો સામે આવ્યા છે. જેમ કે, ગેરકાયદે ઘૂસણખોરી રોકી ન શક્યા. કોરોના મહામારી દરમિયાન નબળી થયેલી અર્થવ્યસ્થાને મજબૂત કરી શક્યા. ના તો ઈમિગ્રેશન મુદ્દે લેબર પાર્ટીની નીતિઓને કોઈ વળતો જવાબ આપી શક્યા. આ ઉપરાંત બ્રેક્ઝિટ કરારને લઈ કોઈ ખાસ કામ ન કરી શક્યા. બ્રિટનમાં વધી રહેલી સતત મોંઘવારીને કાબૂ કરવામાં સુનક સરકાર વધુ કંઈ ન કરી શકતા લેબર પાર્ટીને આ બધાથી મોકળું મેદાન મળી ગયું હતું.
કીર સ્ટાર્મરે કઈ રીતે સુનકને પડકાર ફેંક્યો ?
બ્રિટનની ચૂંટણી પૂર્ણ થઈ ગઈ છે. એકિઝટ પોલના આંકડા પ્રમાણે લેબર પાર્ટી જંગી બહુમતી મેળવી ચુકવી છે. લેબર પાર્ટીના ઉમેદવાર કીર સ્ટાર્મર હવે બ્રિટનના નવા વડાપ્રધાન બનશે. કીર સ્ટાર્મર ચર્ચામાં આવી ગયા છે. 60 વર્ષીય કીર સ્ટાર્મરે ઘણા બધા મોરચે સુનકને પડકાર આપ્યો હતો. તેમને વર્ષ-2020માં સૌથી ખરાબ સમયમાંથી પસાર થઈ રહેલી પાર્ટીની કમાન પોતે સંભાળી અને બાદમાં તેઓએ વ્યહારિક પક્ષને પોતાની રાજનીતિક આધાર બનાવ્યો. કીર સ્ટાર્મરની ખ્યાતિ વકીલ તરીકે રહી છે. વર્ષ-2015માં સંસદમાં એન્ટ્રી મારી હતી. તેમને દાવો કર્યો કે બ્રિટનની જનતા એકવાર ફરીથી લેબર પાર્ટીની સત્તા ઈચ્છે છે.
કીર સ્ટાર્મર સતત ચાર વર્ષ સુધી વિપક્ષના નેતા રહ્યા હતા. તેમને કંઝર્વેટિવ પાર્ટીની નિષ્ફળતા અને તેની વિરુદ્ધ ઉઠતા આક્રોશને નજીકથી જોયો અને તેને પોતાની પાર્ટીની નીતિનો ખોરાક બનાવ્યો હતો. તેમને પાર્ટીને સૂત્ર આપ્યું કે સત્તા અને અર્થવ્યવસ્થાની સ્થિરતા માટે જનતા લેબર પાર્ટીને વોટ આપે. સરવેમાં આ તથ્ય સામે આવ્યું કે લેબર પાર્ટીને કંઝર્વેટિવ પાર્ટીથી બે ગણી બેઠકો વધુ મળી શકે છે. અને કીર સ્ટાર્મર વર્ષ-2010 પછી લેબર પાર્ટીને ફરીથી સત્તામાં લાવવામાં સફળ રહ્યા.
કીર સ્ટાર્મરના વાચદાથી બ્રિટન બદલશે ?
આજે બ્રિટનમાં જાહેર સેક્ટરમાં હડતાળ અને રાજકીય નેતૃત્વમાં વારંવાર પરિવર્તનથી જનતા નારાજ છે. કીર સ્ટાર્મરે આ મોરચે પોતાનું અભિયાન ચલાવ્યું અને જનતાને પોતાની તરફ આકર્ષિત કરવામાં સફળતા મેળવી. વર્ષ-2022માં થોડાક અઠવાડિયામાં બ્રિટનમાં બે વડાપ્રધાન બદલાઈ ગયા. બોરિસ જ્હોનસન અને લિઝ ટ્રસ અને ત્યારબાદ ઋષિ સુનક. આવામાં સ્ટાર્મરે પોતાની સ્ટ્રેટેજી વધુ મજબૂત બનાવી અને લેબર પાર્ટીથી સ્યાથી પરિવર્તનનું સૂત્ર આપ્યું અને જનતાને વાયદો કર્યો કે પાર્ટીથી પહેલા દેશ છે.
આ ચૂંટણીમાં સ્ટાર્મરે જનતાને એ વાયદો કર્યો હતો કે તેઓની પાર્ટી સરકાર બ્રિટનના જૂના આવાસ સંકટને ઓછું કરી શકે છે. અને કંગાળ જાહેર સેવાઓમાં વિશેષ કરીને આરોગ્ય સેવાઓને સારી કરશેય. કીર સ્ટાર્મરે એવો વાયદો કર્યો હતો તે આ સુધાર માટે તેઓની પાર્ટી સરકારમાં ટેક્સમાં વધારો નહીં ઝીંકે અને મોંઘવારી પર કાબૂ અને ખિસ્સા પર લગામ લગાવાની તેઓની રણનીતિ છે.
