- પરાલી ગામે મંદિર સામે જુગાર રમતા 13 પત્તા પ્રેમી પકડાયા
- પોલીસે રોકડ અને મોબાઈલ સહિત રૂ. 67,450નો મુદ્દામાલ જપ્ત કર્યો
- અમુક શખ્સો જુગાર રમતા હોવાની બાતમી મળતા રેડ કરાઈ હતી
સુરેન્દ્રનગર એલસીબી ટીમના પીઆઈ જે.જે.જાડેજાની સુચનાથી ટીમના વિજયસીંહ પરમાર, કુલદીપભાઈ, ભરતભાઈ સહિતનાઓ પાણશીણા પોલીસ મથક વિસ્તારમાં પેટ્રોલીંગ કરી રહ્યા હતા.
ત્યારે પરાલી ગામે આવેલા બુટમાના મંદિર પાસે ખુલ્લામાં અમુક શખ્સો જુગાર રમતા હોવાની બાતમી મળતા રેડ કરાઈ હતી. જેમાં અજયસીંહ મનહરસીંહ ઝાલા, જગદીશ હનાભાઈ કાણોતરા, ઉમર મહેમુદભાઈ ઉમડીયા, કલા હરીભાઈ સોયા, અબ્બાસ કાસમભાઈ ખીજાવાળા, દીપા સેલાભાઈ ધરજીયા, ભગા ધરમશીભાઈ કાણોતરા, પ્રભુ મેરાભાઈ કાલીયા, વિક્રમ દાનુભાઈ કાણોતરા, દેવુ શેલાભાઈ ધરજીયા, અરવિંદ રૂપસંગભાઈ ધોરાળીયા, નાગર રત્નાભાઈ ચૌહાણ અને અજુ ભગાભાઈ ધરજીયા ગંજીપાના વડે પૈસાની હારજીતનો જુગાર રમતા પકડાયા હતા. આ શખ્સો પાસેથી રોકડા રૂ. 35,450, રૂ. 32 હજારના 10 મોબાઈલ ફોન મળી કુલ રૂ. 67,450નો મુદ્દામાલ પોલીસ દ્વારા જપ્ત કરાયો હતો. તમામ જુગારિયાઓ સામે પાણશીણા પોલીસ મથકે ફરિયાદ નોંધાતા વધુ તપાસ એચ.એચ. જાડેજા ચલાવી રહ્યા છે.
માંડલમાં બે સ્થળેથી જુગાર રમતા 12 પકડાયા
માંડલ : માંડલ પોલીસ મથકના પોસઈને પેટ્રોલિંગ દરમિયાન બાતમી મળતા ગામના ઈન્દિરાનગર વિસ્તારમાં દરોડો પાડયો હતો. તેમજ સ્થળ પર એક રહેણાંક મકાનની બહાર જુગાર રમતા 4 શખ્સોને રૂ.10,150ના મુદ્દામાલ સાથે ઝડપી પાડયાં હતાં. જ્યારે માંડલ તાલુકાના ઓડકી ગામથી ટ્રેન્ટ જવાના રસ્તાની બાજુમાં આવેલ ખેતરના શેઢે આવેલ લીમડાની નીચે જુગાર રમતાં 8 શખ્સોને પોલીસે રૂ. 10,600ના મુદ્દામાલ સાથે ઝડપી પાડયા હતા.
