- ત્રણ વરસાદી સિસ્ટમ સક્રિય રહેતા વરસાદ રહેશે
- ઉત્તર અને મધ્ય ગુજરાતમાં હળવાથી મધ્યમ વરસાદ રહેશે
- માછીમારોને દરિયો ન ખેડવા સૂચના આપવામાં આવી
રાજ્યમાં 5 દિવસ સાર્વત્રિક વરસાદ રહેશે. જેમાં હવામાન વિભાગની આગાહી છે કે ત્રણ વરસાદી સિસ્ટમ સક્રિય રહેતા વરસાદ રહેશે. તેમાં દ્વારકા, પોરબંદર, ગીર સોમનાથ સહિત વિસ્તારોમાં ભારેથી અતિભારે વરસાદ રહેશે. ઉત્તર ગુજરાત અને મધ્ય ગુજરાતમાં હળવાથી મધ્યમ વરસાદ રહેશે. તથા દક્ષિણ ગુજરાત અને સૌરાષ્ટ્રમાં ભારે વરસાદ રહેશે.
માછીમારોને દરિયો ન ખેડવા સૂચના આપવામાં આવી
માછીમારોને દરિયો ન ખેડવા સૂચના આપવામાં આવી છે. આજે દ્વારકા, પોરબંદર, જૂનાગઢમાં રેડ એલર્ટ છે. જેમાં ગીર સોમનાથ, સુરત, નવસારીમાં વરસાદનું રેડ એલર્ટ છે. જેમાં વલસાડ, દાદરા નગર હવેલીમાં રેડ એલર્ટ તેમજ કચ્છ, જામનગર તથા અમરેલી, ભાવનગર અને ભરૂચ, નર્મદા, તાપીમાં અતિભારે વરસાદની આગાહી છે. તેમજ ડાંગમાં ઓરેન્જ એલર્ટ સાથે અતિભારે વરસાદની આગાહી છે. તથા મધ્ય ગુજરાત અને ઉત્તર ગુજરાતમાં યલો એલર્ટ અને બનાસકાંઠા, સાબરકાંઠા, અરવલ્લી, પાટણ, મહેસાણા, ખેડા, મહીસાગર તથા બોટાદ, અમદાવાદ, ગાંધીનગર અને વડોદરા, છોટાઉદેપુર, મહીસાગર તથા પંચમહાલ, મોરબી, સુરેન્દ્રનગરમાં વરસાદનું યલો એલર્ટ છે.
ધોધમાર વરસાદ વરસતા બાયપાસ નજીક પાણી ભરાયા
5 દિવસ માછીમારોને દરિયો ન ખેડવા સૂચના આપવામાં આવી છે. દ્વારકામાં ભારે વરસાદને પગલે ચારે તરફ પાણી જ પાણી જોવા મળી રહ્યું છે. રાજ્યમાં છેલ્લા 6 કલાકમાં 61 તાલુકામાં વરસાદ નોંધાયો છે. 6 તાલુકામાં 2 ઈંચથી વધુ વરસાદ પડ્યો છે. જ્યારે સૌથી વધુ દ્વારકામાં વરસાદ પડ્યો છે. દ્વારકામાં 6.5 ઈંચ, વેરાવળમાં 3.7 ઈંચ, તલાલામાં 3.4 ઈંચ, જૂનાગઢમાં 2.4 ઈંચ, વંથલીમાં 2.2, માણાવદર 1.2 ઈંચ વરસાદ પડ્યો છે. ગીર સોમનાથમાં ફરી વરસાદ થતા રોડ રસ્તાઓ પર પાણી ભરાવવાનું શરૂ થયુ છે. સોમનાથ નજીક નેશનલ હાઇવે પર પાણી ભરાયાં છે. ફરી સોમનાથ-વેરાવળમાં ધોધમાર વરસાદ વરસતા બાયપાસ નજીક પાણી ભરાયા છે.
