- બોરસદના અનેક વિસ્તારો પાણીમાં ગરકાવ
- ફતેપુરા વિસ્તારમા કેડસમા પાણી ભરાયા
- બોરસદમાં પાણી ભરાતા લોકો વિફર્યા અને MLA રમણ સોલંકીનો કર્યો ઘેરાવો
સમગ્ર રાજ્યમાં વરસાદી માહોલ છે, ત્યારે આણંદ તેમાંથી કેવી રીતે બાકી રહી શકે. આણંદ અને તેની આસપાસના તમામ વિસ્તારોમાં વહેલી સવારથી જ વરસાદી માહોલ છે. ત્યારે આણંદના બોરસદના તો અનેક વિસ્તારો જળમગ્ન બન્યા છે અને મોટાભાગના વિસ્તાર પાણીમાં ગરકાવ થયા છે.
ફતેપુરા વિસ્તારમા કેડસમા પાણી ભરાયા
બોરસદના ફતેપુરા વિસ્તારમાં તો જળબંબાકારની સ્થિતિ છે. આ વિસ્તારમાં કેડસમા પાણી ભરાયા છે અને વરસાદી પાણી લોકોના ઘરોમાં ફરી વળ્યા છે, ત્યારે લોકોની ઘરવખરી અને અન્ય સામાન પણ પાણીમાં તબાહ થઈ ગયો છે અને સ્થાનિકોને મુશ્કેલી સહન કરવાનો વારો આવ્યો છે.
લોકોએ MLA રમણ સોલંકીનો કર્યો ઘેરાવો
ત્યારે બોરસદના અક્ષરનગરમાં પણ ભારે વરસાદના કારણે વરસાદી પાણી ભરાયા છે અને આ વિસ્તારમાં પાણી ભરાતા સ્થાનિકો વિફર્યા છે અને ધારાસભ્ય રમણ સોલંકીનો ઘેરાવો કર્યો છે અને પોતાનો રોષ વ્યક્ત કરી રહ્યા છે.
વડોદરામાં વહેલી સવારથી વરસાદ
વડોદરા શહેરમાં વહેલી સવારથી જ મેઘરાજા વરસી રહ્યા છે અને અત્યાર સુધી 6 ઈંચ જેટલો વરસાદ ખાબક્યો છે, જેના કારણે શહેરમાં અને આસપાસના વિસ્તારોમાં વરસાદના કારણે ઠેર ઠેર પાણી ભરાયા છે અને જનજીવન ખુબ જ ખરાબ રીતે પ્રભાવિત થયુ છે. અનેક રસ્તાઓ પર પાણી ભરાતા રસ્તાઓ બંધ કરવામાં આવ્યા છે. ત્યારે શહેરમાં ભારે વરસાદથી જળબંબાકારની પરિસ્થિતિ છે, ત્યારે એનડીઆરએફની એક ટીમ તૈનાત કરવામાં આવી છે. ભારે વરસાદની સ્થિતિમાં બચાવ અને રાહત માટે NDRFની એક ટીમ વડોદરા ખાતે ડીપ્લોય કરવામાં આવી છે. સ્ટેટ ઈમરજન્સી ઓપરેશન સેન્ટર દ્વારા NDRFની ટીમ ડીપ્લોય કરવા માટે આદેશ કરવામાં આવ્યા હતા.
વડોદરામાં NDRFની એક ટીમ તૈનાત
શહેરમાં ભારે વરસાદથી જળબંબાકારની પરિસ્થિતિ છે, ત્યારે એનડીઆરએફની એક ટીમ તૈનાત કરવામાં આવી છે. ભારે વરસાદની સ્થિતિમાં બચાવ અને રાહત માટે NDRFની એક ટીમ વડોદરા ખાતે ડીપ્લોય કરવામાં આવી છે. સ્ટેટ ઈમરજન્સી ઓપરેશન સેન્ટર દ્વારા NDRFની ટીમ ડીપ્લોય કરવા માટે આદેશ કરવામાં આવ્યા હતા.
