- એક વર્ષથી જેલમાં કેદ છે ઈમરાન
- થોડા દિવસોમાં આઝાદ થઈ શકે છે
- ફરી રાજકારણમાં કરી શકે છે એન્ટ્રી
ઈમરાન ખાન પાસે પોતાની રાજકીય કારકિર્દી ટકાવી રાખવા માટે કોઈ વિકલ્પો બાકી રહ્યા નથી. ઈમરાન ખાન જાણે છે કે જો તેને જેલમાંથી બહાર આવીને સત્તાના શિખરે પહોંચવું હોય તો સેના જ એકમાત્ર રસ્તો છે. તેથી, ઈમરાન ખાને સેનાને લઈને પોતાના વલણમાં નરમાઈ બતાવી અને હવે તેઓ સેના સાથે વાતચીત માટે તૈયાર છે.
લગભગ એક વર્ષથી જેલમાં રહેલા ઈમરાન ખાન હવે થોડા દિવસોમાં બહાર આવશે. પાકિસ્તાનના પૂર્વ વડાપ્રધાન ફરી એકવાર સત્તામાં આવી શકે છે. ક્રિકેટની પીચ પર પોતાનું કૌશલ્ય સાબિત કરનાર ઈમરાન ખાન ફરી એકવાર રાજકીય પીચ પર વાપસી કરી શકે છે, એક સમયે પાકિસ્તાની સેનાની વિરૂદ્ધ ટિપ્પણી કરનાર ઈમરાન હવે સેના સાથે વાતચીત કરવા માટે તૈયાર છે.
આખી દુનિયા જાણે છે કે પાકિસ્તાનમાં સત્તાના શિખર પર એવા લોકો જ છે જેમને સેનાનું સમર્થન છે. એવું માનવામાં આવે છે કે પાકિસ્તાનમાં ઈમરાન ખાનની સત્તા ત્યારે જ ખરડાઈ જ્યારે તત્કાલીન આર્મી ચીફ જનરલ બાજવા સાથેના સંબંધો બગડ્યા. સરકાર જવાની સાથે જ ઈમરાન ખાનની મુસીબતો વધી ગઈ.
નિયાઝીની આર્મી ચીફ મુનીરને ઓફર
પાકિસ્તાનમાં યોજાયેલી સામાન્ય ચૂંટણીમાં કોઈ એક પક્ષને બહુમતી ન મળી હોવા છતાં નવાઝ શરીફ અને બિલાવલ ભુટ્ટોની પાર્ટીએ ગઠબંધન કરીને સરકાર બનાવી. નવી સરકારે તેમને ન માત્ર જેલમાં ધકેલી દીધા પરંતુ તેમની પાર્ટીને બરબાદ કરવાનો પ્રયાસ પણ શરૂ કર્યો. આવી સ્થિતિમાં ઈમરાન ખાન પાસે પોતાનું રાજકીય અસ્તિત્વ ટકાવી રાખવા માટે કોઈ વિકલ્પો બચ્યા નથી. ઈમરાન જાણે છે કે જો તેણે જેલમાંથી બહાર આવીને સત્તાના શિખરે પહોંચવું હોય તો સેના જ એકમાત્ર રસ્તો છે. તેથી, ઈમરાન ખાને સેનાને લઈને પોતાના વલણમાં નરમાઈ બતાવી અને હવે તેઓ વાતચીત માટે તૈયાર છે, જો કે ઈમરાને આ અંગે 3 મોટી શરતો પણ મૂકી છે.
1. પીટીઆઈનો ચોરાયેલો જનાદેશ પાછો મળવો જોઈએ
2. અટકાયત કરાયેલા તમામ પીટીઆઈ કાર્યકરોની મુક્તિ
3. પાકિસ્તાનમાં પારદર્શક ચૂંટણીઓ કરાવવામાં આવે
ઈમરાન ખાન સેના પ્રત્યે નરમ બન્યા છે
ઈમરાન ખાને આ વાતચીતની જવાબદારી વિપક્ષી નેતા મહેમૂદ ખાન અચકઝાઈને સોંપી છે. આ પહેલા પણ ઈમરાન ખાને પોતાની બહેન અલીમા અને પાર્ટીના નેતા ઓમર અયુબ દ્વારા આર્મી ચીફ અસીમ મુનીરને સંદેશ મોકલ્યો હતો. બંનેએ મીડિયાને આપેલા પોતાના નિવેદનમાં કહ્યું હતું કે શાહબાઝ સરકાર સેના, પીટીઆઈ અને જનતાને એકબીજાની વિરુદ્ધમાં ઉભો કરવાનો પ્રયાસ કરી રહી છે. આ નિવેદન માત્ર શાહબાઝ સરકાર વિરુદ્ધ જ નથી, પરંતુ તેમાં સેના પ્રત્યે નરમાઈ પણ જોવા મળી હતી. ઈશારા દ્વારા ઈમરાન ખાને સંદેશ આપ્યો કે તે સેનાની વિરુદ્ધ નથી.
ગત મંગળવારે (30 જુલાઈ) જેલમાં મીડિયા સાથે વાત કરતા ઈમરાન ખાને કહ્યું હતું કે પાકિસ્તાનને વર્તમાન સંકટમાંથી બચાવી શકાય છે કારણ કે સ્વતંત્ર અને નિષ્પક્ષ ચૂંટણી દ્વારા સરકાર સત્તામાં આવશે. તેમજ ઈમરાન ખાને દાવો કર્યો હતો કે તેમની પાર્ટીએ ક્યારેય સેનાની ટીકા કરી નથી.
PML-Nને ઈમરાનનું નિવેદન પસંદ આવ્યું નથી
નવાઝની પાર્ટીની નેતા મરિયમ ઔરંગઝેબે ઈમરાન ખાનના નિવેદન સામે વાંધો વ્યક્ત કર્યો છે. તેમણે કહ્યું છે કે જેઓ પોતાને સ્વ-ઘોષિત ક્રાંતિકારી ગણાવતા હતા અને ક્યારેય માફી નહીં માંગવાનો દાવો કરતા હતા તેઓ હવે સેના સાથે વાતચીતની વિનંતી કરી રહ્યા છે. PML-Nના અન્ય નેતા અને પાકિસ્તાન સરકારના મંત્રી અત્તા તરાર પણ ઈમરાન ખાનના આ નિવેદન પર વિરોધ નોંધાવ્યો છે. તરારે તેને દેશ વિરુદ્ધનું ષડયંત્ર ગણાવ્યું છે.
PPPનો સૂર નવાઝની પાર્ટીથી અલગ છે
પરંતુ બિલાવલ ભુટ્ટોની પાર્ટી, જે પાકિસ્તાનની સરકારનો ભાગ છે, ઈમરાન ખાનને લઈને અલગ વલણ ધરાવે છે. પાકિસ્તાન પીપલ્સ પાર્ટી (PPP)ના નેતા બિલાવલ ભુટ્ટોએ પણ થોડા દિવસો પહેલા કહ્યું હતું કે જો ઈમરાન ખાન અને તેમની પાર્ટી વાત કરવા માંગે છે તો તે તેના માટે તૈયાર છે.
PML-N દેશમાં નાણાકીય કટોકટીનું સંચાલન કરવામાં નિષ્ફળ
આ સિવાય તેમના પિતા અને રાષ્ટ્રપતિ આસિફ અલી ઝરદારી છેલ્લા કેટલાક દિવસોથી શાહબાઝ સરકાર પર પ્રહારો કરી રહ્યા છે. પાકિસ્તાનની આર્થિક કટોકટી માટે શેહબાઝ સરકારને જવાબદાર ઠેરવતા તેમણે કહ્યું કે PML-N દેશમાં નાણાકીય કટોકટીનું સંચાલન કરવામાં નિષ્ફળ રહી છે. આટલું જ નહીં, ઝરદારીએ એક ઈન્ટરવ્યુમાં કહ્યું કે અમે જાણીએ છીએ કે કેવી રીતે સરકારો બને છે અને કેવી રીતે પડી જાય છે. તેમના એક પછી એક નિવેદનોને કારણે એવી અટકળો લગાવવામાં આવી રહી હતી કે શેહબાઝ શરીફની પીએમએલએન અને ભુટ્ટોની પીપીપી વચ્ચે કંઇક સારું નથી ચાલી રહ્યું. આવી સ્થિતિમાં ઈમરાન ખાને સેનાને વાતચીત માટે આમંત્રણ આપવું એ પાકિસ્તાનમાં સત્તા પરિવર્તનનો સંકેત હોઈ શકે છે.
