- ઈઝરાયલની ઘણી આયરન ડોમ મિસાઈલ સિસ્ટમ હિઝબુલ્લાએ નષ્ટ કરી
- હમાસ અને ઈઝરાયલ વચ્ચે છેલ્લા 10 મહિનાથી ભીષણ યુદ્ધ યથાવત્
- હવે ઈઝરાયલ, હિઝબુલ્લા, હમાસ અને ઈરાન વચ્ચે સ્થિતિ તંગ
મિડલ ઈસ્ટમાં હમાસના વડા ઈસ્માઈલ હાનિયાની હત્યા બાદ સ્થિતિ તંગ છે. જેથી ઈરાન, હમાસ અને હિઝબુલ્લા વચ્ચે ગમે તે સમયે યુદ્ધ ફાટી નીકળે તેવી પરિસ્થિતિનું નિર્માણ થયું છે. આ દરમિયાન ઈઝરાયલ સાથે બદલો લેવા હિઝબુલ્લાએ પણ નવી રીત શોધી કાઢી છે. શનિવારે હિઝબુલ્લાના લડવૈયાઓએ દક્ષિણી લેબેનોનના ટાઉન અને ગામડાઓ પર હુમલાનો બદલો લીધો છે.
હુમલા બાદ હિઝબુલ્લાનું નિવેદન આવ્યું
જુદાજુદા સૈન્ય ઠેકાણાઓને ટાર્ગેટ બનાવતા ઈઝરાલના કબ્જો ધરાવતા વિસ્તાર એવા ઉત્તરમાં ઘણા ઓપરેશન પાર પાડયા. મળતી માહિતી પ્રમાણે હિઝબુલ્લાએ આ હુમલામાં ઈઝરાયલના ઘણા આયરન ડોમ મિસાઈલ સિસ્ટમ નષ્ટ કરી નાખી છે. હિઝબુલ્લાહે કહ્યું કે તેણે લેબનીઝ હસ્તકના કાફ્ર શુબા ટેકરીઓમાં અલ-સમાકા, રામિમ બેરેક્સ અને અલ-મલિકિયા સહિત અન્ય કેટલીક ઇઝરાયેલી સાઇટ્સને પણ નિશાન બનાવી છે.
આયરન ડોમ શું છે?
આયરન ડોમ એક ટૂંકી રેન્જની સપાટીથી હવાઈ સંરક્ષણ સિસ્ટમ છે. આ સિસ્ટમમાં રડાર અને તામિર ઇન્ટરસેપ્ટર મિસાઇલનો સમાવેશ થાય છે જે ઇઝરાયેલ પર હુમલો કરતી મિસાઇલો અથવા રોકેટને ટ્રેક કરે છે અને તેને નિષ્ક્રિય કરે છે. આયરન ડોમનો ઉપયોગ રોકેટ, તોપ અને મોર્ટાર તેમજ એરક્રાફ્ટ, હેલિકોપ્ટર અને યુએવીનો પ્રતિકાર કરવા માટે થાય છે.
ઈઝરાયેલના હુમલાનો બદલો લીધો
હિઝબુલ્લાએ એ પણ જણાવ્યું કે તેણે આ હુમલો શા માટે કર્યો હતો. નિવેદનમાં કહેવામાં આવ્યું છે કે આ રોકેટ હુમલો દક્ષિણ લેબનોનના ડોઇર ગામ પર ઈઝરાયેલના હુમલાનો બદલો લેવા માટે કરવામાં આવ્યો હતો. હિઝબુલ્લાહે દક્ષિણ લેબનીઝ શહેર મજદલ જુન સામે ઇઝરાયેલના આક્રમણના જવાબમાં જરીટ બેરેક પર ઘણી ભારે-કેલિબર બુરકાન મિસાઇલો પણ ફાયર કરી હતી. તે ઇઝરાયેલી આર્મીની પશ્ચિમી બટાલિયનના મુખ્ય મથક તરીકે સેવા આપે છે.
