- સ્વાતંત્ર્ય પર્વ પર ગૂગલે સ્પેશિયલ ડૂડલ બનાવ્યું
- ભારતીય કારીગીરીની ઝલક જોવા મળશે
- દેશ આજે 78મો સ્વાતંત્ર્ય દિવસ ઉજવી રહ્યો છે
આજે 15મી ઓગસ્ટ 2024ના અવસરે ભારત હર્ષોલ્લાસ સાથે પોતાનો 78મો સ્વાતંત્ર્ય દિવસ ઉજવી રહ્યો છે. સ્વતંત્રતા દિવસના પર્વે દેશમાં જુદાજુદા કાર્યક્રમોનું આયોજન કરવામાં આવ્યું છે. પીએમ મોદીએ આજે સતત 11મી વાર લાલ કિલ્લાની પ્રાચીરથી રાષ્ટ્રીય ધ્વજ ત્રિરંગો ફરકાવ્યો છે. આ ઉપરાંત પીએમ મોદીએ દેશવાસીઓને સ્વાંતંત્ર્ય પર્વની શુભેચ્છા પાઠવીને દેશવાસીને સંબોધન કર્યું છે. ભારતની આઝાદીની ઉજવી ટેક જાયન્ટ ગૂગલ પણ ઉજવી રહ્યું છે. ગૂગલે આ પ્રસંગે એક વિશેષ પ્રકારનું ડૂડલ બનાવ્યું છે.
ગૂગલે એક ખાશ થીમ ધરાવતું ડૂડલ બનાવી ભારતની આઝાદી દિવસને સેલિબ્રેટ કર્યું છે. ગૂગલે પોતાના ડૂડલમાં આર્કિટેકચરની થીમ દર્શાવી છે. આ થીમને વૃંદા ઝવેરીએ તૈયાર કરી છે. જાણો ગૂગલ ડૂડલ અંગે વિગતે જાણો.
સ્વાતંત્ર્ય પર્વ પર ગૂગલે સ્પેશિયલ ડૂડલ બનાવ્યું
ઉલ્લેખનીય છે કે, ગૂગલ વિશ્વભરમાં યોજાતા દરેક પર્વ અથવા વિશેષ કાર્યક્રમ કે ઘટના પર એક સ્પેશિયલ ડૂડલ તૈયાર કરે છે. આજે ભારતીયો માટે વિશેષ દિવસ છે. આજે આખો દેશ પોતાનો 78મો સ્વાતંત્ર્ય દિવસ સેલિબ્રેટ કરી રહ્યો છે. ભારતના વિશેષ દિવસે ગૂગલે ઈન્ડિપેન્ડસ ડે ડૂડલનું સર્જન કર્યું છે. જો તમે સર્ચ એન્જિનમાં કંઈક સર્ચ કરવા જશો તો તમને આજે સૌથી પહેલા આ સ્પેશિયલ ડૂડલ જ સ્ક્રિન પર જોવા મળશે.
ભારતીય કારીગીરીની ઝલક જોવા મળશે
ગૂગલે ડૂડલની થીમ ભારતીય આર્કિટેકચરને સમર્પિત કરી છે. આમાં દેશના જુદાજુદા સ્થળોની સંસ્કૃતિઓને એકસાથે દર્શાવ્યા છે. ગૂગલના આ ડૂડલમાં તમને રંગબેરંગી દરવાજા અને બારીઓ જોવા મળશે. ઉલ્લેખનીય છે કે, આમાં તમને જુદીજુદી કારીગીરીની ઝલક પણ જોવા મળશે. ઘણા વર્ષો પહેલા ભારતના ઘરોમાં આ પ્રકારના દરવાજા અને બારીઓનો ઉપયોગ કરવામાં આવતો હતો. તમે જેવું ગૂગલ ડૂડલ પર ક્લિક કરશો એટલે તમને 15મી ઓગસ્ટ 2024નું એક ડેડિકેટેડ પેજ જોવા મળશે.
