જગત જમાદાર એવા અમેરિકામાં આગામી પાંચમી નવેમ્બરે રાષ્ટ્રપતિ પદની ચૂંટણી યોજાવાની છે. અમેરિકાની જનતાની સામે બે મુખ્ય દાવેદાર છે. રિપબ્લિકન પાર્ટીના ડોનાલ્ડ ટ્રમ્પ અને ડેમોક્રેટિક પાર્ટીના કમલા હેરિસ. બંને વચ્ચે ચૂંટણી યુદ્ધમાં દિવસેને દિવસે રસપ્રદ થતી જઈ હી છે. અમેરિકી ચૂંટણીમાં ગર્ભપાત, મોંઘવારી, હેલ્થ કેર, ઈમિગ્રેશન જેવા ઘણા મુદ્દા પર આ ચૂંટણી લડાઈ રહી છે.
ચૂંટણીના આશરે એક મહિના પહેલા વ્હાઈટ હાઉસનો આ ચૂંટણી જંગ રસપ્રદ થયો છે. ભલે રાષ્ટ્રપતિ ચૂંટણીમાં કમલા હેરિસ અને ડોનાલ્ડ ટ્રમ્પની વચ્ચે કાંટાની ટક્કર મનાઈ રહી હોય, પરંતુ નવા સરવેમાં કમલા હેરિસ નિર્ણાયક વધારો બનાવતી નજરે પડી રહ્યાં છે.
બે ખાનગી કંપનીના સરવેમાં લીડ
20થી 22 સપ્ટેમ્બરની વચ્ચે યોજાયેલા સરવેમાં 785 સંભવિત મતદાતાઓએ ભાગ લીધો છે. આ બંને સરવેમાં આવેલા પરિણામ અનુસાર, કમલા હેરિસને 50 ટકા લોકોનો ટેકો મળ્યો છે, જ્યારે ટ્રમ્પને 44 ટકા સમર્થ મળતું જોવા મળ્યું છે, જો કે CNN/SSRSના સરવેમાં બંને વચ્ચે માત્ર એક પોઈન્ટનું અંતર છે.
વ્હાઈટ હાઉસ સુધી જતી રેસ સરળ નથી
અમેરિકી રાષ્ટ્રપતિ ચૂંટણીમાં હવે આશરે એક મહિના જેટલો સમય બાકી છે, આવામાં સરવેના આંકડા પર નજર નાખીએ તો અંતર સાફ છે કે આ વખતે વ્હાઈટ હાઉસની લડાઈ કોઈપણ માટે સરળ નથી. જો કે, પ્રેસિડેન્શિયલ ડિબેટમાં જીત પછી કમલા હેરિસના પક્ષમાં સમર્થન અને લીડ જોવા મળી રહી છે, પરંતુ હજી પરિણામોને લઈ કોઈપણ આગાહી કરવી જલ્દી હશે.
વધુ બે સર્વેક્ષણમાં હાઈ પ્રોફાઈલ રેસ
ઈપ્સોસ/રોઇટર્સ સર્વેક્ષણમાં, હેરિસ નિર્ણાયક લીડ લઈ રહ્યો હોય તેવું લાગે છે, જ્યારે CNN/SSRS સર્વેક્ષણમાં, હરીફાઈ નજીક છે. 2074 સંભવિત મતદારોએ 18મી અને 21મી સપ્ટેમ્બર વચ્ચે હાથ ધરાયેલા આ સર્વેમાં ભાગ લીધો હતો. આંકડાઓની વાત કરીએ તો CNNના સર્વેમાં કમલા હેરિસને માત્ર એક પોઈન્ટની લીડ મળી રહી છે. સર્વેમાં હેરિસને 48 ટકા લોકોનું સમર્થન મળી રહ્યું છે જ્યારે ટ્રમ્પને 47 ટકા લોકોનું સમર્થન મળી રહ્યું છે. 21 જુલાઈના રોજ, જ્યારે જો બાઈડેને પ્રમુખપદની ચૂંટણી માટે કમલા હેરિસનું નામ આગળ કર્યું ત્યારે લગભગ તમામ સરવેમાં ટ્રમ્પ આગળ હતા. પરંતુ વ્હાઈટ હાઉસની રેસમાં સામેલ થયાના લગભગ બે અઠવાડિયા પછી, કમલા હેરિસે મોટાભાગના સરવેમાં આગેવાની લેવાનું શરૂ કર્યું, જે અત્યાર સુધી ચાલુ છે.
