અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ જાન્યુઆરીમાં શપથ લેવાના છે. 20 જાન્યુઆરીએ પદના શપથ લેતા પહેલા તેમને કોર્ટ તરફથી આંચકો લાગ્યો છે. અમેરિકન ન્યાયાધીશે હશ મની કેસમાં ટ્રમ્પની સજા રદ કરવાની અરજી ફગાવી દીધી છે.
હશ મની કેસમાં સુપ્રીમ કોર્ટની સજા રદ કરવાની ટ્રમ્પની અરજી કોર્ટે ફગાવી દીધી છે. મૈનહટ્ટનના જજ જુઆન એમ મર્ચેને ટ્રમ્પની અરજી ફગાવી દીધી હતી. ટ્રમ્પના સમર્થકોએ દલીલ કરી હતી કે આ કેસ ચાલુ રહેવાથી રાષ્ટ્રપતિ તરીકે ટ્રમ્પની ક્ષમતાઓ અવરોધશે અને તેઓ સરકાર સારી રીતે ચલાવી શકશે નહીં.
શું છે મામલો ?
ડોનાલ્ડ ટ્રમ્પે 2006માં એડલ્ટ સ્ટાર સ્ટોર્મી ડેનિયલ્સ સાથે શારીરિક સંબંધો બાંધ્યા હતા. 2016ની રાષ્ટ્રપતિ ચૂંટણી દરમિયાન આ બાબતની ખૂબ ચર્ચા થઈ હતી. સ્ટોર્મી આ ઘટનાને સાર્વજનિક કરવાની ધમકી આપી રહી હતી, ત્યારબાદ ટ્રમ્પે તેને ગુપ્ત રીતે પૈસા ચૂકવ્યા હતા. ટ્રમ્પને ડેનિયલ્સને $130,000 ની ચૂકવણી છુપાવવા માટે ખોટા બિઝનેસ રેકોર્ડ્સ માટે દોષિત ઠેરવવામાં આવ્યા છે.
અગાઉ સ્ટોર્મી ડેનિયલ્સે કોર્ટને કહ્યું હતું કે જ્યારે તેણે ટ્રમ્પને પહેલીવાર જોયા ત્યારે તેઓએ રેશમી પાયજામો પહેર્યો હતો. તે ઘટનાનું વર્ણન કરતાં સ્ટોર્મી ડેનિયલ્સે કહ્યું હતું કે ટ્રમ્પે મને એડલ્ટ ઈન્ડસ્ટ્રીમાં મારી કારકિર્દી વિશે પૂછ્યું હતું. તેણે પૂછ્યું હતું કે શું મેં સેક્સ્યુઅલી ટ્રાન્સમિટેડ ડિસીઝ (STD) માટે ટેસ્ટ કરાવ્યો છે.
ટ્રમ્પ 20 જાન્યુઆરીએ શપથ લેશે
ઉલ્લેખનીય છે કે ટ્રમ્પ 20 જાન્યુઆરી 2025ના રોજ અમેરિકાના 47માં રાષ્ટ્રપતિ તરીકે શપથ લેશે. રિપબ્લિકન પાર્ટીએ સેનેટ પર ફરીથી નિયંત્રણ મેળવ્યું છે, જ્યાં તેમની પાસે 52 બેઠકો છે જ્યારે ડેમોક્રેટ્સ પાસે 47 છે. રિપબ્લિકન પાસે હાઉસ ઓફ રિપ્રેઝન્ટેટિવ્સમાં પણ લીડ છે, જ્યાં તેમની પાસે 216 બેઠકો છે, જ્યારે ડેમોક્રેટ્સની પાસે 209 બેઠકો છે.
