ચેમ્પિયન્સ ટ્રોફી 2025 માટે હવે બહુ સમય બાકી નથી. આ ICC ટુર્નામેન્ટ માટે વિશ્વભરની આઠ ટીમો તૈયારી કરી રહી છે. આ દરમિયાન એક મોટા સમાચાર સામે આવ્યા છે. ચેમ્પિયન્સ ટ્રોફીથી ઓસ્ટ્રેલિયાને મોટો ઝટકો લાગ્યો છે.
ટીમના સ્ટાર બેટ્સમેન સ્ટીવ સ્મિથ ઈજાગ્રસ્ત થયો છે. સ્મિથ હાલમાં શાનદાર ફોર્મમાં છે. તેને બોર્ડર-ગાવસ્કર ટ્રોફીમાં બે સદી ફટકારી હતી. આ સિવાય તેને બિગ બેશ લીગમાં પણ સદી ફટકારી હતી. ઓસ્ટ્રેલિયાએ BGTમાં ભારતને 3-1થી હરાવ્યું.
બિગ બેશ લીગમાં થઈ ઈજા
સ્ટીવ સ્મિથને બિગ બેશ લીગ દરમિયાન આ ઈજા થઈ હતી. આ ઈજાને કારણે ઓસ્ટ્રેલિયન ટીમ મુશ્કેલીમાં મુકાઈ ગઈ છે કારણ કે થોડા દિવસો પછી કાંગારૂ ટીમને 2 મેચની ટેસ્ટ સિરીઝ માટે શ્રીલંકાનો પ્રવાસ કરવાનો છે. આ પ્રવાસ માટે તેમને ટીમના કેપ્ટન પણ બનાવવામાં આવ્યો છે. પેટ કમિન્સ ઈજા અને પેટરનિટી લીવને કારણે આ સિરીઝનો ભાગ નથી.
સ્મિથની ઈજા ઓસ્ટ્રેલિયાની મુશ્કેલીઓમાં વધારો
સિડની થંડર સામેની મેચ દરમિયાન ફિલ્ડિંગ કરતી વખતે તેને આ ઈજા થઈ હતી. આ કારણે, સ્મિથનું દુબઈમાં ટીમના તાલીમ શિબિર માટે પ્રસ્થાન મુલતવી રાખવામાં આવ્યું છે. સ્મિથ તેની ઈજા અંગે નિષ્ણાત પાસેથી વધુ સલાહ લેવા માંગે છે. ક્રિકેટ ઓસ્ટ્રેલિયાએ પોતાના નિવેદનમાં કહ્યું છે કે સ્મિથ આ અઠવાડિયાના અંત સુધીમાં વિદાય લઈ શકે છે.
શ્રીલંકા પ્રવાસ માટે ઓસ્ટ્રેલિયાની ટીમ
સ્ટીવ સ્મિથ (કેપ્ટન), શોન એબોટ, સ્કોટ બોલેન્ડ, એલેક્સ કેરી, કૂપર કોનોલી, ટ્રેવિસ હેડ, જોશ ઈંગ્લિસ, ઉસ્માન ખ્વાજા, સેમ કોન્સ્ટાસ, મેટ કુહનેમેન, માર્નસ લાબુશેન, નાથન લાયન, નાથન મેકસ્વીની, ટોડ મર્ફી, મિશેલ સ્ટાર્ક, બ્યુ વેબસ્ટર.
ચેમ્પિયન્સ ટ્રોફી માટે ઓસ્ટ્રેલિયન ટીમ
પેટ કમિન્સ (કેપ્ટન), એલેક્સ કેરી, નાથન એલિસ, એરોન હાર્ડી, જોશ હેઝલવુડ, ટ્રેવિસ હેડ, જોશ ઈંગ્લિસ, માર્નસ લાબુશેન, મિચેલ માર્શ, ગ્લેન મેક્સવેલ, મેટ શોર્ટ, સ્ટીવ સ્મિથ, મિચેલ સ્ટાર્ક, માર્કસ સ્ટોઈનિસ, એડમ ઝામ્પા.
