વૈષ્ણવી શર્માની હેટ્રિક અને 5 વિકેટની મદદથી ભારતે મંગળવારે ICC અંડર-19 મહિલા T20 વર્લ્ડ કપમાં મલેશિયાને 10 વિકેટથી હરાવ્યું. ગ્વાલિયરની વૈષ્ણવીએ આ સાથે ઈતિહાસ રચ્યો છે. તેણે ICC અંડર-19 મહિલા વર્લ્ડ કપમાં અત્યાર સુધીની સર્વશ્રેષ્ઠ બોલિંગ કરી હતી. તેણે માત્ર 5 રન આપીને 5 વિકેટ લીધી હતી.
ડાબોડી સ્પિનર વૈષ્ણવી શર્માની હેટ્રિક અને 5 વિકેટની મદદથી ભારતે મંગળવારે ICC અંડર-19 મહિલા T20 વર્લ્ડ કપમાં મલેશિયાને 10 વિકેટથી હરાવ્યું. ગ્વાલિયરની વૈષ્ણવીએ આ સાથે ઈતિહાસ રચ્યો છે. તેણે ICC અંડર-19 મહિલા વર્લ્ડ કપમાં અત્યાર સુધીની સર્વશ્રેષ્ઠ બોલિંગ કરી હતી. તેણે માત્ર 5 રન આપીને 5 વિકેટ લીધી હતી. આ મેચ આજે (21 જાન્યુઆરી) કુઆલાલંપુરના બ્યુમાસ ઓવલ મેદાન પર રમાઈ હતી. જ્યાં ભારતીય ટીમ દ્વારા શાનદાર બોલિંગ કરવામાં આવી હતી. વૈષ્ણવીને તેના શાનદાર પ્રદર્શન માટે પ્લેયર ઓફ ધ મેચનો ખિતાબ આપવામાં આવ્યો હતો. આ સાથે વૈષ્ણવીએ આ વર્લ્ડ કપમાં તેની પ્રથમ હેટ્રિક પણ નોંધાવી હતી.
ICC મહિલા અંડર-19 T20 વર્લ્ડ કપ (બોલિંગ ઇનિંગ્સ)
- વૈષ્ણવી શર્મા (ભારત): 4.0-1-5-5
- ઇ એન્ડરસન (ઇંગ્લેન્ડ): 4.0-1-12-5
- એમજી મૈસીરા (સ્કોટલેન્ડ): 3.5-15-5
પ્રથમ બોલિંગ કરવાનું પસંદ કરતા ભારતે મલેશિયાને 14.3 ઓવરમાં 31 રનમાં ઓલઆઉટ કરી દીધું હતું. વૈષ્ણવીએ 5 રનમાં 5 વિકેટ, આયુષી શર્માએ 8 રનમાં 3 વિકેટ અને જોશિતા વીજેએ 5 રનમાં એક વિકેટ લીધી હતી. ભારતે માત્ર 2.5 ઓવરમાં ટાર્ગેટ હાંસલ કરી લીધો હતો. ગોંગડી ત્રિશાએ 27 રન બનાવ્યા અને શાનદાર જીત નોંધાવી.
આ સાથે ભારત ગ્રુપ Aમાં ટોપ પર યથાવત છે. તેણે અત્યાર સુધીમાં 2 મેચ રમી છે અને બંનેમાં જીત મેળવી છે. હવે ભારતીય ટીમનો આગામી મુકાબલો 23 જાન્યુઆરીએ શ્રીલંકા સામે થશે. શ્રીલંકાના પણ 4 પોઈન્ટ છે, પરંતુ ભારતની રન એવરેજ (પ્લસ 9.1) શ્રીલંકા (પ્લસ 5.5) કરતા સારી છે.
પિચ દ્વારા આપવામાં આવેલા ટર્ન અને બાઉન્સનો પૂરો ફાયદો ઉઠાવતા વૈષ્ણવીએ મલેશિયાને એક પછી એક ફટકો આપ્યો હતો. તેણીએ સતત ત્રણ બોલમાં નુરીન બિંતી રોસલાન, નૂર ઇસ્મા દાનિયા અને સિટી નાઝવાનને આઉટ કર્યા હતા જ્યારે મલેશિયાનો સ્કોર નવ વિકેટે 30 હતો ત્યારે તેણે 14મી ઓવરમાં હેટ્રિક લીધી હતી. વૈષ્ણવીએ મેચ બાદ કહ્યું, ‘આ એક ડ્રીમ ડેબ્યૂ હતું, જેમાં મેં હેટ્રિક અને 5 વિકેટ લીધી હતી. હું ભારતના સિનિયર સ્પિનરો રાધા યાદવ અને રવિન્દ્ર જાડેજાને મારા રોલ મોડલ માનું છું.
