અમેરિકામાં આગે છેલ્લા કેટલાક સમયથી કહેર મચાવ્યો છે. દેશના ઘણા વિસ્તારોમાં આગ લાગી છે. આગની જ્વાળાઓ વધી રહી છે, જેના કારણે લાખો લોકોને તેમના મકાનો ખાલી કરવાનો આદેશ આપવામાં આવી રહ્યો છે. તેવામાં દક્ષિણ કેલિફોર્નિયામાં પણ આગ લાગી છે. ઉત્તર લોસ એન્જલસમાં તાજેતરમાં આગ ફાટી નીકળી છે. ઉત્તર લોસ એન્જલસના સાન્ટા ક્લેરીટા ખીણમાં જ્વાળાઓ વધી રહી છે. છેલ્લા 48 કલાકમાં, ઉત્તર લોસ એન્જલસમાં અત્યાર સુધીમાં 10 હજાર એકરમાં આગ ફેલાઈ છે.
દક્ષિણ કેલિફોર્નિયામાં પણ ઘણા સ્થળોએ આગ
દક્ષિણ કેલિફોર્નિયામાં પણ ઘણા સ્થળોએ આગ ભભૂકી રહી છે. દક્ષિણ કેલિફોર્નિયામાં વિસ્તારોમાં પણ આગ ફેલાઈ રહી છે. દક્ષિણ કેલિફોર્નિયાના સાન ડિએગો વિસ્તારમાં બે સ્થળોએ આગના અહેવાલો મળ્યા છે. આગને કારણે, વધુ લોકોએ અસરગ્રસ્ત વિસ્તારને થોડા સમય માટે ખાલી કરવો પડ્યો. દક્ષિણ કેલિફોર્નિયામાં લાલ ધ્વજ ચેતવણી આપવામાં આવી છે, જેમાં આગને ગંભીર ગણાવી છે. આ વિસ્તારમાં આગને નિયંત્રિત કરવા માટે ઘણા પડકારો છે અને ગુરુવારે ફરી એકવાર પવન તીવ્ર બન્યા છે.યુએસએના કેલિફોર્નિયા રાજ્યમાં લોસ એન્જલસ શહેરમાં ભયંકર આગમાં ફાયરમેને હવે મોટા પ્રમાણમાં નિયંત્રણ કર્યું છે, જેના પછી ગુરુવારે આ હુકમ પાછો ખેંચાયો હતો, જેના હેઠળ હજારો લોકોને સલામત સ્થળે જવાનું કહેવામાં આવ્યું હતું.
ઉત્તર લોસ એન્જલસમાં ફેલાયેલી આગ હજુ 36% જ કાબુમાં આવી
ઉત્તર લોસ એન્જલસના સાન્ટા ક્લેરિતા ખીણમાં બુધવારે સવારે આગ લાગી હતી અને એક દિવસ કરતા પણ ઓછા સમયમાં, આ અગ્નિએ આશરે 41 ચોરસ કિલોમીટરના વિસ્તારમાં ઝાડ અને ઝાડીઓ સળગાવી દીધી હતી. છેલ્લા 48 કલાકમાં, આ આગ 10 હજાર એકરમાં ફેલાયેલી છે. નોર્થ લોસ એન્જલસમાં ફેલાઈ રહેલી આગને બુઝાવવા માટે ફાયર ફાઈટર સતત પ્રયાસ કરી રહ્યા છે. ઉત્તર લોસ એન્જલસમાં ફેલાયેલી આગ ગુરુવાર સાંજ સુધીમાં 36 ટકા કાબૂમાં આવી હતી. કેલિફોર્નિયા ફોરેસ્ટ્રી એન્ડ ફાયર પ્રોટેક્શન ડિપાર્ટમેન્ટે આ જાણકારી આપી.
