અમેરિકાથી 104 ગેરકાયદેસર ઇમિગ્રન્ટ્સને સેન્ય વિમાનોથી હરિયાણાના અમૃતસર પાછા મોકલવામાં આવ્યા છે. એમાં કેટલાક લોકો એવાં પણ છે જે લાખો રુપિયા ખર્ચીને ગેરકાયદેસર ડંકી રુટથી અમેરિકા ગયા હતા. 14 મહિના પહેલા પહોંચેલા અરુણ અને 5 મહિના પહોંચેલા અમનના પરિવારો દેવામાં ડૂબી ગયા છે. લાખો રુપિયા ખર્ચીને પરિવારજનોએ તેમને અમેરિકા મોકલ્યા હતા. પરિવારજનોએ પોતાની જમીન પણ વેચી દીધી હતી. તેમના પરિવારજનોના સભ્યોએ જણાવ્યું કે તેઓને અમેરિકા પહોંચવામાં કેટલી મુશક્લીઓનો સામનો કરવો પડ્યો હતો.
અમેરિકાથી પાછા ફરનારાઓમાં, હરિયાણાના અમન માત્ર 5 જ મહિનામાં પહેલાં જ અમેરિકા ડંકી માર્ગે ગયા હતા. તેમના પિતા ખેડૂત છે અને તેમણે 35 લાખ રુપિયા ખર્ચીને અમનને અમેરિકા મોકલ્યો હતો તેને અમેરિકા મોકલવો સરળ ન હતો. સગાસંબંધીઓ અને પરિચિતો પાસેથી લોન લઈને દિકરાને અમેરિકા મોકલ્યો હતો.
અમેરિકા પહોંચતા જ ઘરપકડ
અમનના પરિવારજનોને આશા હતી કે તેમનો દિકરો અમેરિકા જશે અને પૈસા કમાઈને તેમને ઘરે મોકલશે. ઘરની પરિસ્થતિમાં સુધારો આવશે, પરંતુ અમન અમેરિકા પહોંચતાની સાથે જ તેની ધરપકડ થઈ ગઈ હતી. ત્યારથી જ અમનનો પરિવાર દેવામાં ડૂબી ગયો છે. હવે તેમની આર્થિક સ્થિતિ ખૂબ જ ખરાબ છે. લાખો રુપિયા ખર્ચીને દિકરાને અમેરિકા મોકલ્યો હતો. પરંતુ હવે તેમના સપનાઓ તૂટી ગયા છે. અમનની જેમ હરિયાણાના કરનાલના રહેવાસી 24 વર્ષના અરુણ પણ અમેરિકાથી ભારત પાછા ફર્યા છે.
ભૂખ્યા- તરસ્યા-જંગલમાં ચાલ્યા, નદી પાર કરી
હરિયાણાના અરુણ પણ ડંકી રુટના માર્ગથી અમેરિકા ગયા હતા. કેટલાક સપનાઓ લઈને ગયેલા અમનને પણ ભારત પાછુ આવવું પડ્યુ હતું. અરુણના ભાઈ ગૌરવે આપવીતી જણાવતા કહ્યું હતુ કે ડંકી રુટથી અમેરિકા પહોંચવુ તેના ભાઈ માટે ખૂબ જ મુશ્કેલ હતું. કેટલા દિવસો તે ભૂખ્યા તરસ્યા રહ્યા, જંગલમાં ચાલ્યા, નદી પાર કરી. આટલુ જ નહીં જે બોટમાં 15થી16 લોકો બેસી શકે એટલામાં 20થી 25 લોકોને બેસાડવામાં આવ્યા હતા તે સમય પણ ઘણો કપરો રહ્યો હશે. આટલા બધા જોખમો પાર કરીને પણ તે અમેરિકા પહોંચ્યો હતો. ત્યાં જ તેને પોલિસે પકડી લીધો હતો. લાખો રુપિયા ખર્ચીને દિકરાને અમેરિકા મોકલ્યો હતો પરંતુ હવે તેમના સપનાઓ તૂટી ગયા છે. તેમણે પોતાની બધી બચત પણ દિકરાને અમેરિકા મોકલવામાં ખર્ચી દીધી હતી અને પોતાના પુત્રને અમેરિકા મોકલ્યો હતો અને સ્વપ્ન જોયું હતું પરંતુ તે શક્ય ન બન્યું અને તે તૂટી ગયું, તેમનો પુત્ર વિદેશમાં રહીને પૈસા કમાશે અને તેમના પરિવારજનોનુ જીવન સારું બનશે. પરંતુ તેને પાછો મોકલી દેવામાં આવ્યો.
જમીન વેચીને 45 લાખ ખર્ચ્યા
અરુણને વિદેશ મોકલવા માટે પરિવારે તેમની અડધો એકર જમીન પણ વેચી દીધી હતી. 12 લાખની લોન પણ લીધી હતી અને જેમતેમ કરીને 45 લાખ એકઠા કર્યા હતા. અરુણને 5 ભાઈ-બહેન છે. ભાઈ-બહેનોનુ ભવિષ્ય સુધરે પરિવારજન માટે કંઈક કરી શકે, આવતીકાલ સુધારી શકે પણ અરુણને ખબર ન હોતી કે આવનારો સમય તેના માટે દુઃખો ભરેલો રહેશે. પરિવારના સારા દિવસો માટે ઘરથી વિદેશ ગયેલા અરુણે એ વિર્ચાયું પણ નહીં હોય કે તે આ રીતે દેશમાં પાછો ફરશે.
