વિરાટ કોહલીએ દુબઈના મેદાન પર બેટિંગ કર્યા વિના પણ ઇતિહાસ રચી દીધો છે. વિરાટ આંતરરાષ્ટ્રીય ક્રિકેટમાં ભારત માટે સૌથી વધુ કેચ લેનાર ખેલાડી બની ગયો છે. તેને રાહુલ દ્રવિડનો રેકોર્ડ તોડી નાખ્યો છે.
રવિન્દ્ર જાડેજાની બોલિંગમાં જોશ ઈંગ્લિસનો કેચ પકડ્યા બાદ વિરાટે આ સિદ્ધિ મેળવી. ટીમ ઈન્ડિયાના સ્ટાર બેટ્સમેને આંતરરાષ્ટ્રીય ક્રિકેટમાં અત્યાર સુધીમાં 335 કેચ પકડ્યા છે. ચેમ્પિયન્સ ટ્રોફીની પહેલી સેમીફાઈનલ મેચમાં ઓસ્ટ્રેલિયાએ ટોસ જીતીને પહેલા બેટિંગ કરવાનો નિર્ણય લીધો.
કોહલીએ રચ્યો ઈતિહાસ
વિરાટ કોહલી આંતરરાષ્ટ્રીય ક્રિકેટમાં ભારત માટે સૌથી વધુ કેચ લેનાર ખેલાડી બની ગયો છે. કોહલીએ આ મામલે રાહુલ દ્રવિડને પાછળ છોડી દીધો છે. કોહલીએ આંતરરાષ્ટ્રીય ક્રિકેટમાં 336 કેચ લીધા છે. જ્યારે દ્રવિડે 334 કેચ લીધા હતા. વિરાટે કાંગારૂ બેટ્સમેન જોશ ઈંગ્લિસનો કેચ પકડીને આ ખાસ સિદ્ધિ મેળવી.
તમને જણાવી દઈએ કે ODI ક્રિકેટમાં પણ ટીમ ઈન્ડિયા તરફથી સૌથી વધુ કેચ લેવાનો રેકોર્ડ કિંગ કોહલીના નામે નોંધાયેલો છે. કોહલીએ તાજેતરમાં મોહમ્મદ અઝહરુદ્દીનને પાછળ છોડીને આ રેકોર્ડ પોતાના નામે કર્યો છે. કોહલીએ 50 ઓવરના ફોર્મેટમાં વિશ્વ ક્રિકેટમાં સૌથી વધુ કેચ લેવાના મામલામાં રિકી પોન્ટિંગને પણ પાછળ છોડી દીધો છે.
ઓસ્ટ્રેલિયાની ટીમ 264 રનમાં ઓલઆઉટ
સેમીફાઈનલ મેચમાં પ્રથમ બેટિંગ કરતા, આખી ઓસ્ટ્રેલિયન ટીમ 264 રનમાં ઓલઆઉટ થઈ ગઈ. કેપ્ટન સ્ટીવ સ્મિથે શાનદાર બેટિંગ કરી અને 73 રનની મજબૂત ઈનિંગ રમી. એલેક્સ કેરીએ 61 રનનું યોગદાન આપ્યું. ટ્રેવિસ હેડ અને માર્નસ લાબુશેન સારી શરૂઆતનો લાભ લેવામાં નિષ્ફળ ગયા. મેક્સવેલે પોતાના પ્રદર્શનથી ઘણો નિરાશ કર્યો અને માત્ર 7 રન બનાવીને આઉટ થયો. બોલિંગમાં મોહમ્મદ શમીએ ભારત માટે ધૂમ મચાવી અને 3 વિકેટ લીધી. વરુણ ચક્રવર્તીએ પણ બે વિકેટ લીધી. રવિન્દ્ર જાડેજાના સ્પિનિંગ બોલનો જાદુ પણ બતાવ્યો અને તેને 40 રન આપીને 2 વિકેટ લીધી.
