ભારતીય ક્રિકેટર કેએલ રાહુલ અને તેની પત્ની અથિયા શેટ્ટીના ઘરે એક બાળકીનો જન્મ થયો છે. રાહુલ અને અથિયાએ ઈન્સ્ટાગ્રામ દ્વારા પહેલીવાર માતા-પિતા બનવાની માહિતી આપી છે. તમને જણાવી દઈએ કે આ કારણોસર રાહુલ દિલ્હી કેપિટલ્સની પહેલી મેચ રમી શકી નથી.
આ કપલે ગયા વર્ષે નવેમ્બરમાં માહિતી આપી હતી કે અથિયા શેટ્ટી પ્રેગ્નેન્ટ છે. ભારતીય ટીમ 2025માં ચેમ્પિયન્સ ટ્રોફી જીતીને દુબઈથી પરત ફરી ત્યારથી એવી અટકળો શરૂ થઈ ગઈ હતી કે રાહુલ IPLની શરૂઆતની મેચો ચૂકી શકે છે.
અથિયા શેટ્ટીએ પોસ્ટ શેર કરી આપી જાણકારી
સોમવારે અથિયા શેટ્ટીએ ઈન્સ્ટાગ્રામ પર એક પોસ્ટ શેર કરીને આ સમાચારની જાહેરાત કરી. આ સમાચાર શેર કરતા, અથિયા શેટ્ટીએ બે હંસનું ચિત્ર પોસ્ટ કર્યું અને તેના પર લખ્યું હતું, “એક બાળકીના આશીર્વાદ”.
દિલ્હી કેપિટલ્સની પહેલી મેચમાં ન રમ્યો કેએલ રાહુલ
આ સમયે IPL 2025નો ઉત્સાહ ચાલી રહ્યો છે, જ્યાં સિઝનની ચોથી મેચ દિલ્હી કેપિટલ્સ અને લખનૌ સુપર જાયન્ટ્સ વચ્ચે રમાઈ રહી છે. દિલ્હી કેપિટલ્સના ખેલાડી કેએલ રાહુલ આ મેચનો ભાગ નહોતા. તેની ગેરહાજરીનું કારણ સામે આવ્યું છે. રાહુલ પિતા બનવાના હતા અને તેમની પત્ની અથિયા શેટ્ટી એક બાળકને જન્મ આપવાની હતી. આ કારણોસર તે મેચ રમી શક્યો નહીં અને તેની પત્ની સાથે હાજર રહ્યો.
રાહુલ અને આથિયાએ હજુ સુધી તેમની પુત્રીનું નામ જાહેર કર્યું નથી. તેમના ફેન્સની સાથે, ક્રિકેટ અને ફિલ્મ જગતની ઘણી પ્રખ્યાત હસ્તીઓએ તેમને આ ખુશખબર પર અભિનંદન પાઠવ્યા છે.
સેલેબ્સે આપી પ્રતિક્રિયા
કોમેન્ટ સેક્શનમાં તેમના માટે અભિનંદનનો વરસાદ વરસી રહ્યો છે. બોલીવુડ એક્ટર ટાઈગર શ્રોફે હાર્ટ ઈમોજી શેર કરીને તેમને આ ખુશખબર બદલ અભિનંદન આપ્યા છે. તેમને અભિનંદન આપનારાઓમાં કિયારા અડવાણી, અર્જુન કપૂર અને મૃણાલ ઠાકુર પણ સામેલ છે.
તમને જણાવી દઈએ કે કેએલ રાહુલ અને અથિયા શેટ્ટીના લગ્ન જાન્યુઆરી 2023 માં થયા હતા. કપલના લગ્ન અથિયા શેટ્ટીના પિતા સુનીલ શેટ્ટીના ખંડાલા સ્થિત ફાર્મહાઉસમાં થયા હતા. કપલના લગ્ન સેરેમનીમાં ફક્ત પરિવારના સભ્યો અને નજીકના મિત્રો જ હાજર રહ્યા હતા.
