સ્વાસ્થ્ય પ્રત્યે સજાગ રહેવુ જરૂરી છે કારણ તમે સ્વસ્થ હશો તો કંઇક કામ કરી શકશો. જેથી અમુક સમયે સમયસર શરીરનુ ચેકઅપ કરાવવુ જરૂરી થઇ જાય છે. પરંતુ અમેરિકામાં એક ચોંકાવનારો કિસ્સો સામે આવ્યો. એક મહિલાએ મજાક મજાકમાં MRI સ્કેન કરાવી દીધુ અને પછી તે રિપોર્ટ આવ્યો તે ચોંકાવનારો હતો.
અમેરિકન મહિલાને મજાક પડી ભારે !
સારાહ બ્લેકબર્ન નામની એક અમેરિકન મહિલા કે જેને શરીરમાં કોઇ રોગ ન હતો કે એવા કોઇપણ લક્ષણો હતા નહી કે એમઆરઆઇ કરાવવુ પડે. પરંતુ તેને એક દિવસ એમઆરઆઇ કરાવવાની ઇચ્છા થઇ અને તેને એમઆરઆઇ સ્કેન કરાવ્યુ. પછી જે રિપોર્ટ આવ્યો તે જાણીએ તે મહિલા ખુદ ચોંકી ગઇ. તેના પરિવાર પર તો દુઃખનો પહાડ તૂટી પડ્યો. રિપોર્ટમાં ખુલાસો થયો કે મહિલાના શરીરનો એક ભાગ ફૂલી રહ્યો છે અને તે ગમે ત્યારે ફાટે તેવી સ્થિતિમાં છે.
મનના સંતોષ માટે મજાકમાં ગઇ MRI સ્કેન કરાવવા
સારાએ સોશિયસ મીડિયા પર પોતાનો આ ચોંકાવનારો અનુભવ શેર કર્યો. તેણે કહ્યું કે કેવી રીતે તેણે ફક્ત મનોરંજન માટે તેણે એમઆરઆઇ સ્કેન કરાવવાનું નક્કી કર્યું. એવું વિચારીને કે તેનાથી તેને માનસિક શાંતિ મળશે. પરંતુ તપાસ રિપોર્ટ જોયા પછી જાણે તેમના પગ નીચેથી જમીન સરકી ગઈ. આ 60 મિનિટનો ટેસ્ટ છે જેમાં આખા શરીરનું સ્કેન કરવામાં આવે છે અને મગજ અને કરોડરજ્જુ સહિત શરીરના મુખ્ય અંગોમાંથી લાખો ડેટા પોઈન્ટ મેળવવામાં આવે છે. આ ટેસ્ટ ખાસ કેસમાં જ કરવામાં આવે છે રૂટિન ચેકઅપમાં આવો કોઇ ટેસ્ટ કરાતો નથી, પરંતુ મજાક મજાકમાં કરાવેલો આ ટેસ્ટ સારા માટે જીવનરક્ષક સાબિત થયો.
શું થયો રિપોર્ટમાં ખુલાસો ?
રિપોર્ટમાં તેને સ્પ્લેનિક આર્ટરી એન્યુરિઝમ હોવાની ખબર પડી. જે ઘણુ ખતરનાક હોય છે. તેમાં ધમનીની દિવાલ નબળી પડી જાય છે અને ફૂલી જાય. તે દિવલ ફૂટવાથી વ્યક્તિનું મોત થાય છે. આથી તેને આ વિશે ખબર પડતા જ તેણે ડોક્ટરની સલાહ લીધી. ડોક્ટરે સ્પલીન હટાવવાની સલાહ આપી, સ્પીલન એટલે કે પેટ પાસે આવેલુ નાનુ અવયવ કે જે રક્ત શુદ્ધ કરવાનું કામ કરે છે. સર્જરી સફળ રહી.
સારાએ ભગવાનનો આભાર માન્યો છે કે ભલે તે ફક્ત મનોરંજન માટે પણ કદાચ ભગવાનની ઇચ્છાથી જ તેણે આ સ્કેન કરાવ્યું અને તેને સમયસર તેની ગંભીર સ્વાસ્થ્ય સમસ્યા વિશે ખબર પડી. જોકે, તેમણે એ પણ સ્વીકાર્યું કે આ નિર્ણયથી તેઓ ચિંતિત છે.
