ગુજરાત ટાઇટન્સ અને મુંબઈ ઇન્ડિયન્સ IPL 2025 વચ્ચે નવમી મેચ 29 માર્ચ (શનિવાર) ના રોજ નરેન્દ્ર મોદી સ્ટેડિયમ, અમદાવાદ ખાતે IST સાંજે 7:30 વાગ્યે રમાશે, જેમાં સાંજે 07:00 PM પર સિક્કો ટૉસ થશે. આજે IPL 2025 ની નવમી મેચમાં ગુજરાત ટાઇટન્સ (GT) અને મુંબઈ ઇન્ડિયન્સ (MI) સામસામે આવશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. આ સિઝનમાં ગુજરાતે તેની પ્રથમ મેચ પંજાબ કિંગ્સ (PBKS) સામે રમી હતી, જેમાં તે 11 રનથી હારી ગયું હતું. મુંબઈ ઈન્ડિયન્સને ચેન્નાઈ સુપર કિંગ્સ (CSK) સામે 4 વિકેટે હાર સ્વીકારવી પડી હતી. આવી સ્થિતિમાં, બંને ટીમો આ મેચ જીતીને વર્તમાન સિઝનમાં પોતાનું ખાતું ખોલવાનો પ્રયત્ન કરશે.
બંને ટીમોની સંભવિત પ્લેઇંગ 11:
ગુજરાત ટાઈટન્સ : શુભમન ગિલ (કેપ્ટન), જોસ બટલર, (વિકેટ કીપર) , સાઈ સુદર્શન, શાહરુખ ખાન, રાહુલ તેવતીયા, રવિ શ્રીનિવાસન, સાઈ કિશોર, અર્શદ ખાન, રાશીદ ખાન, કગીસૉ રબાડા, મોહમ્મદ સિરાજ, પ્રસિદ્ધ ક્રિષ્ના.
મુંબઈ ઈન્ડિયન્સ : રોહિત શર્મા, રાયન રિકેલ્ટન (વિકેટકીપર), વિલ જેક્સ, સૂર્યકુમાર યાદવ (કેપ્ટન), તિલક વર્મા, નમન ધીર, રોબિન મિંજ, મિશેલ સેન્ટનર, દીપક ચહર, ટ્રેન્ટ બોલ્ટ, હાર્દિક પંડયા.
હાર્દિકની થશે વાપસી
આ મેચમાં મુંબઈ ઈન્ડિયન્સનો કેપ્ટન અને ગુજરાત ટાઈટન્સને પ્રથમ ટ્રોફી જીતાડનારા હાર્દિક પંડ્યાના વાપસી થશે. ગત સીઝનમાં સ્લો ઓવર રેટ બદલ તેના પર એક મેચનો પ્રતિબંધ લગાવવામાં આવ્યો હતો. તેથી તે સીઝનની પ્રથમ મેચ રમી શક્યો નહોતો. મુંબઈ ઈન્ડિયન્સને ચેન્નઈ સુપર કિંગ્સે 5 વિકેટથી હાર આપી હતી. જ્યારે ગુજરાત ટાઈટન્સને પંજાબ કિંગ્સે 12 રનથી હરાવ્યું હતું.
સ્હાટેડીયમની ઈ સ્કોરિંગ પિચ
અમદાવાદના નરેન્દ્ર મોદી સ્ટેડિયમાં રનનો વરસાદ થાય છે. આ પિચ પર આઈપીએલ 2023થી રમાયેલી કુલ 18 મેચમાંથી 12 મેચમાં 200ને પાર સ્કોર બન્યો છે. આ મેદાન પર રમાયેલી છેલ્લી મેચમાં પંજાબે 243 રનનો સ્કોર બનાવ્યો હતો, જેનો પીછો કરતી વખતે ગુજરાત ટાઈટન્સે 231 રન બનાવ્યા હતા. પ્રથમ ઈનિંગમાં પિચ પર ઉછાળના કારણે ફાસ્ટ બોલર્સને મદદ મળી શકે છે.
