આરજે માહવાશ આજકાલ સમાચારમાં છે, ખાસ કરીને જ્યારથી તેનું નામ ભારતીય ક્રિકેટર યુઝવેન્દ્ર ચહલ સાથે જોડાવાનું શરૂ થયું છે. જ્યારે ફેન્સને લાગવા લાગ્યું કે ચહલ અને ધનશ્રીના સંબંધોમાં કોઈ સમસ્યા છે, ત્યારે તે આરજે આરજે માહવાશ સાથે જોવા મળ્યો, જેનાથી ચર્ચાઓ વધુ તીવ્ર બની.
પરંતુ આરજે માહવાશે આ બધી ચર્ચાઓને નકારી કાઢી છે. તેને એક મુલાકાતમાં પોતાના ભૂતકાળના સંબંધો અને વર્તમાન સંબંધોની સ્થિતિ વિશે પણ વાત કરી. એક ઈન્ટરવ્યુમાં જ્યારે આરજે માહવાશે તેના સંબંધ વિશે પૂછ્યું ત્યારે તેને સ્પષ્ટ કહ્યું કે તે હાલમાં સિંગલ છે. તેણે કહ્યું કે તે કેઝ્યુઅલ ડેટિંગમાં માનતી નથી અને જ્યારે પણ તે કરશે ત્યારે તે ફક્ત લગ્ન માટે જ કરશે.
આરજે માહવાશે રિલેશનશિપને લઈને કર્યો મોટો ખુલાસો
આરજેએ એમ પણ કહ્યું કે આજના સમયમાં લગ્નનો ખ્યાલ તેના માટે થોડો વિચિત્ર છે, તેથી તે હાલમાં લગ્ન કરવાનું ટાળી રહી છે અને હજુ સુધી લગ્ન કરવાનું મન બનાવ્યું નથી. આ જ ઈન્ટરવ્યુમાં, આરજે માહવાશે જણાવ્યું હતું કે તેની સગાઈ ફક્ત 19 વર્ષની હતી ત્યારે થઈ હતી. પરંતુ તેમનો સંબંધ તૂટી ગયો કારણ કે તેના ભૂતપૂર્વ બોયફ્રેન્ડે તેની સાથે એક વાર નહીં, પરંતુ ત્રણ વાર છેતરપિંડી કરી હતી.
આરજે માહવાશે જણાવ્યું કે શરૂઆતમાં પરિવારને કારણે તેને ચૂપ રહેવાનું વધુ સારું માન્યું, જેથી સગાઈ પછી લોકો વાત ન કરે. પરંતુ જ્યારે તેને ત્રીજી વખત છેતરવામાં આવી, ત્યારે તેને તે સહન કરવાનું બંધ કરી દીધું. આરજે માહવાશે કહ્યું, “પહેલી બે વાર હું ચૂપ રહી, વિચારીને કે લોકો મને બદનામ કરશે. પણ કેટલી વાર આ સહન કરી શકાય?”
આરજે માહવાશને આવ્યો પેનિક એટેક
આરજે મહવાશે વધુમાં જણાવ્યું કે તે સંબંધમાં તેને એટલો માનસિક તણાવનો સામનો કરવો પડ્યો કે તેણે પેનિક એટેક આવવા લાગ્યા અને સારવાર માટે ઈન્જેક્શન લેવા પડ્યા. ડોક્ટરો તેના માતાપિતાને પૂછતા કે શું થયું હતું, પરંતુ તે તેમને કંઈ કહી શકતી ન હતી કારણ કે તે પોતાના પરિવાર સાથે ઝઘડા પછી આ સગાઈમાં ફસાઈ ગઈ હતી. આરજેએ કહ્યું કો “ડોક્ટરો મારા માતા-પિતાને પૂછતા કે શું થયું છે, પણ હું તેમને કેવી રીતે કહી શકું કે જે છોકરા માટે હું લડી હતી તે જ મને દુઃખ આપી રહ્યો હતો.”
આરજે માહવાશે જણાવ્યું કે જ્યારે તે 21 વર્ષની થઈ ત્યારે તેણે આ સંબંધનો અંત લાવવાનો નિર્ણય લીધો. તેણે કહ્યું કે તેમને સમજાયું કે લોકો ગમે તે કહે, આત્મસન્માનથી વધુ મહત્વનું કંઈ નથી. તેણે એ પણ સ્વીકાર્યું કે તે સંબંધ પછી, તેને વારંવાર પોતાની જાત પર શંકા થવા લાગી. જ્યારે તેણે તેના મંગેતરના અન્ય છોકરીઓ સાથેના મેસેદ જોયા, ત્યારે તે વિચારવા લાગી કે શું તે ખરેખર સુંદર નથી કે તેના માટે લાયક નથી.
