કોલકાતા નાઈટ રાઈડર્સ અને રાજસ્થાન રોયલ્સ વચ્ચેની મેચ 4 મેના રોજ રમાઈ રહી છે. આ મેચમાં આન્દ્રે રસેલે ધૂમ મચાવી. તેને 22 બોલમાં તોફાની ફિફ્ટી ફટકારીને રાજસ્થાનના બોલરો માટે જીવન મુશ્કેલ બનાવી દીધું.
આન્દ્રે રસેલની તોફાની અડધી સદી પછી, તેની ઉંમર અંગે સવાલો ઉભા થયા હતા, ત્યારબાદ રસેલે ફની જવાબ આપીને શો ચોરી લીધો હતો.
આન્દ્રે રસેલે મચાવી ધૂમ
આન્દ્રે રસેલે 22 બોલમાં પોતાની અડધી સદી પૂર્ણ કરી. પોતાની ઈનિંગ દરમિયાન તેને 4 ચોગ્ગા સિવાય 6 છગ્ગા ફટકાર્યા. આન્દ્રે રસેલે 25 બોલમાં 57 રનની શાનદાર ઈનિંગ રમી. આ સમયગાળા દરમિયાન તેનો સ્ટ્રાઈક રેટ 228 હતો. વિસ્ફોટક ઈનિંગ્સ રમ્યા પછી, રસેલને પૂછવામાં આવ્યું કે તમે થોડા દિવસ પહેલા જ 37 વર્ષના થયા છો. આનો જવાબ આપતા રસેલે કહ્યું કે મને હજુ પણ એવું લાગે છે કે હું 27 વર્ષનો છું. ઉંમર ફક્ત એક નંબર છે.
પોતાની તોફાની ઈનિંગ્સથી, આ વિસ્ફોટક ઓલરાઉન્ડરે સાબિત કર્યું કે ઉંમર તેના માટે કોઈ ફરક નથી પાડતી. તમને જણાવી દઈએ કે રસેલે પોતાના છઠ્ઠા બોલ પર પોતાનું ખાતું ખોલાવ્યું હતું. પરંતુ આ પછી તેને રાજસ્થાનના બોલરોને હેરાન કર્યા. રસેલની તોફાની ઈનિંગ્સના આધારે, KKR એ છેલ્લી 5 ઓવરમાં 85 રન બનાવ્યા. રસેલ સિવાય, KKR તરફથી અન્ય કોઈ બેટ્સમેન અડધી સદી ફટકારી શક્યો નહીં.
KKRએ 206 રન બનાવ્યા
પ્રથમ બેટિંગ કરી રહેલા કેકેઆરને સારી શરૂઆત મળી શકી નહીં. ઓપનર સુનીલ નારાયણ 9 બોલમાં 11 રન બનાવીને આઉટ થયો હતો. આ સિવાય રહેમાનુલ્લાહ ગુરબાઝે 25 બોલમાં 35 રનની શાનદાર ઈનિંગ રમી હતી. તેના સિવાય અંગક્રિશ રઘુવંશીએ 31 બોલમાં 44 રન બનાવ્યા હતા. 15 ઓવર પછી KKRએ 121 રન બનાવ્યા હતા. પરંતુ આન્દ્રે રસેલની ધમાકેદાર ઈનિંગ્સને કારણે, KKR છેલ્લી 5 ઓવરમાં 85 રન બનાવવામાં સફળ રહ્યું. આ કારણે, KKR એ 20 ઓવર પછી 4 વિકેટ ગુમાવીને 206 રન બનાવ્યા.
