વાનખેડે મેદાન પર મુંબઈ ઈન્ડિયન્સનો બેટિંગ ક્રમ અપેક્ષાઓ મુજબ રહ્યો નથી. ગુજરાત ટાઈટન્સના બોલરોએ MI ને 20 ઓવરમાં 155 રનના સ્કોર સુધી મર્યાદિત રાખ્યું. મુંબઈ તરફથી સૂર્યકુમાર યાદવે સૌથી વધુ 35 રન બનાવ્યા.
આ દરમિયાન અંતિમ ઓવરોમાં, કોર્બિન બોશે 22 બોલમાં મહત્વપૂર્ણ 27 રન બનાવ્યા. બોશે ઈનિંગની છેલ્લી ઓવરમાં પ્રસિદ્ધ કૃષ્ણા સામે બે શક્તિશાળી છગ્ગા ફટકારીને શરૂઆત કરી. પરંતુ ત્રીજા જ બોલ પર, પ્રસિદ્ધએ બોશને આઉટ કરવા માટે પોતાની ગતિનો ઉપયોગ કર્યો. પ્રસિદ્ધનો બોલ બોશના હેલ્મેટ પર વાગ્યો અને ફિઝિયોને મેદાનમાં દોડી જવું પડ્યું.
બોશને હેલ્મેટ પર વાગ્યો પ્રસિદ્ધનો બોલ
મુંબઈ ઈન્ડિયન્સની ઈનિંગની છેલ્લી ઓવરમાં કોર્બિન બોશે જોરદાર સિક્સર ફટકારીને શરૂઆત કરી. આ પછી, બોશ આગળનો બોલ સીધો બાઉન્ડ્રી લાઈન પાર મોકલવામાં સફળ રહ્યો. મુંબઈના આ બેટ્સમેન ઓવરના ત્રીજા બોલને પણ બાઉન્ડ્રી લાઈનની બહાર મોકલવા માગતો હતો. પરંતુ પ્રસિદ્ધએ તેને પોતાની ગતિથી બોશને દંગ કરી દીધો. બોશ ઝડપથી સંપૂર્ણપણે છેતરાઈ ગયો અને બોલ ખૂબ જ જોરથી પાછો આવ્યો અને તેના હેલ્મેટ પર વાગ્યો.
બોશ થોડા સમય માટે અસ્વસ્થતા અનુભવતો જોવા મળ્યો, જેના કારણે ફિઝિયોને તાત્કાલિક મેદાન પર આવવું પડ્યું. નિયમો મુજબ, બોશનું ચેકઅપ કરવામાં આવ્યું અને તેનું હેલ્મેટ પણ બદલવામાં આવ્યું. આ પછી તરત જ, બોશે બીજા બોલ પર બે રન લેવાનો કરવાનો પ્રયાસ કરતી વખતે પોતાની વિકેટ ગુમાવી દીધી. તેને 22 બોલમાં બે છગ્ગા અને એક ચોગ્ગાની મદદથી 27 રન બનાવ્યા.
મુંબઈનો બેટિંગ ક્રમ ગયો નિષ્ફળ
ટોસ હાર્યા બાદ, મુંબઈ પહેલા બેટિંગ કરવા આવ્યું અને તેમની શરૂઆત સારી રહી નહીં. રિયાન રિકલ્ટન માત્ર 2 રન બનાવીને આઉટ થયો. રોહિત શર્માને 7 રનના સ્કોર પર અરશદ ખાન દ્વારા આઉટ કરવામાં આવ્યો. આ પછી, વિલ જેક્સ અને સૂર્યકુમાર યાદવે ટીમની ઈનિંગ્સની જવાબદારી સંભાળી. બંનેએ ત્રીજી વિકેટ માટે અડધી સદીની પાર્ટનરશિપ કરી. સૂર્યા 35 રન બનાવીને આઉટ થયો હતો. જેક્સે 35 બોલમાં 5 ચોગ્ગા અને 3 છગ્ગાની મદદથી 53 રન બનાવ્યા. તિલક અને હાર્દિક પંડ્યા સસ્તામાં પેવેલિયન પરત ફર્યા. બોશની 27 રનની ઈનિંગના આધારે, મુંબઈએ 20 ઓવરમાં 8 વિકેટ ગુમાવીને 155 રન બનાવ્યા.
