પાકિસ્તાનનો આ વ્યકિત સત્તા માટે કલંક! હોદ્દો મળતા જ ભારતની સર્જિકલ સ્ટ્રાઈક?

પાકિસ્તાનના રાજકારણમાં કેટલાક ચહેરાઓ એવા છે જે સત્તામાં આવતાની સાથે જ ભારતની સર્જિકલ સ્ટ્રાઈકનો પડઘો પાડવાનું શરૂ કરી દે છે. સંરક્ષણ મંત્રાલય હોય કે અન્ય કોઈ ઉચ્ચ હોદ્દો જ્યારે પણ આ વ્યક્તિ ઉભરી આવી છે ત્યારે ભારતે પાકિસ્તાન સામે મજબૂત અને નિર્ણાયક લશ્કરી પ્રતિક્રિયા આપી છે.

ખ્વાજા આસિફનો હુમલાઓ સાથે છે જૂનો નાતો

ઇતિહાસ સાક્ષી છે કે ભારતની સર્જિકલ સ્ટ્રાઈક કોઈ નિવેદનબાજી પછી કરવામાં આવતી નથી પરંતુ પાકિસ્તાની શક્તિના ખાસ સમીકરણો સાથે જોડાયેલી છે. ત્યારે આ સમીકરણોમાં એક નામ વારંવાર ઉભરી આવે છે તે નામ છે પાકિસ્તાનના રક્ષામંત્રી ખ્વાજા આસિફ.

ખ્વાજા આસિફ 2013થી 2017 સુધી પાકિસ્તાનના રક્ષામંત્રી હતા. આ કાર્યકાળ દરમિયાન સપ્ટેમ્બર 2016માં ઉરી આતંકવાદી હુમલા બાદ ભારતે પાકિસ્તાન કબજા હેઠળના કાશ્મીરમાં સર્જિકલ સ્ટ્રાઈક કરી હતી.

ભારતીય સેનાનો પાકિસ્તાની આતંકવાદી લોન્ચપેડ પર હુમલો

ભારતીય સેનાએ રાતોરાત LOC પાર કરીને પાકિસ્તાની આતંકવાદી લોન્ચપેડ પર હુમલો કર્યો અને ડઝનબંધ આતંકવાદીઓને મારી નાખ્યા હતા. ભારત દ્વારા જાહેરમાં સ્વીકારવામાં આવેલી આ પહેલી ક્રોસ બોર્ડર કાર્યવાહી હતી. આ સર્જિકલ સ્ટ્રાઈક બાદ ખ્વાજા આસિફના નિવેદનોને ખોટા નિવેદનો અને ભારતના ડરથી ભરેલા જોવા મળ્યા હતા.

પેટ્રોલિયમ મંત્રી હતા ત્યારે પણ ભારતે કરી હતી કાર્યવાહી

ખાસ વાત એ છે કે ખ્વાજા આસિફનું નામ ફક્ત 2016ની સર્જિકલ સ્ટ્રાઈક સાથે જોડાયેલું નથી. આ પહેલા પણ જ્યારે તેઓ 2008માં પાકિસ્તાનના પેટ્રોલિયમ મંત્રી બન્યા હતા ત્યારે ભારતે મર્યાદિત પણ સચોટ જવાબી કાર્યવાહી કરી હતી. જાન્યુઆરી 2009માં ભારતીય સેનાએ પૂંછ સેક્ટરમાં નિયંત્રણ રેખા નજીક સ્થિત ‘ભટ્ટલ પોસ્ટ’ પર પાકિસ્તાન દ્વારા કરવામાં આવેલા ગોળીબારનો જવાબ આપ્યો હતો જેમાં ચાર પાકિસ્તાની સૈનિકો માર્યા ગયા હતા. આ કાર્યવાહી ભારતીય સેનાના ચોક્કસ જવાબનું પ્રતીક બની ગઈ જે ખ્વાજા આસિફે ખુરશી સંભાળ્યા પછી તરત જ બની હતી.

ભારત વિરોધી નિવેદનો માટે પ્રખ્યાત

આ ઘટનાઓને માત્ર સંયોગ કહી શકાય નહીં. હકીકતમાં ખ્વાજા આસિફ પાકિસ્તાનની શક્તિના તે ભાગનો ચહેરો છે જે વારંવાર ભારત વિરોધી નિવેદનો આપી રહ્યા છે અને ગુપ્ત રીતે આતંકવાદને ટેકો આપી રહ્યા છે. આ જ કારણ છે કે જ્યારે પણ તેઓ કોઈ મહત્વપૂર્ણ પદ પર આવે છે ત્યારે ભારત તરફથી બદલાની કાર્યવાહી વધુ નિર્ણાયક બની જાય છે. હાલના ઓપરેશન સિંદૂર સ્ટ્રાઈકને પણ આ શ્રેણીમાં જોવામાં આવી રહ્યું છે. જ્યારે ખ્વાજા આસિફે ફરીથી સંરક્ષણ અને વ્યૂહાત્મક બાબતોમાં વધતી ભૂમિકા ભજવી ત્યારે ભારતે એક સાથે છ પાકિસ્તાની સ્થળોને નિશાન બનાવ્યા.