ભારત અને પાકિસ્તાન વચ્ચે ચાલી રહેલા તણાવમાં એક મોટું પગલું જોવા મળ્યું છે. બંને દેશો વચ્ચે સરહદી વિસ્તારોમાં યુદ્ધવિરામ છે. યુએસ રાષ્ટ્રપતિ ડોનાલ્ડ ટ્રમ્પની પોસ્ટ પછી આ વાતની પુષ્ટિ થઈ. આ પરિસ્થિતિમાં, ભારતીય ક્રિકેટ કંટ્રોલ બોર્ડ ટૂંક સમયમાં ઈન્ડિયન પ્રીમિયર લીગ (IPL) 2025 ફરી શરૂ કરવા અંગે સત્તાવાર જાહેરાત કરી શકે છે.
તાજેતરમાં ભારત અને પાકિસ્તાન વચ્ચે વધતા તણાવને કારણે, શુક્રવારે IPL એક અઠવાડિયા માટે બંધ કરવામાં આવ્યું હતું. પરંતુ આ ટુર્નામેન્ટ ફરી ક્યારે શરૂ થશે તે અંગે નિર્ણય લઈ શકાયો નથી. પરંતુ હવે તાજેતરની પરિસ્થિતિ પછી, એવું માનવામાં આવે છે કે BCCI ટૂંક સમયમાં આ અંગે કેટલીક ગાઈડલાઈન જાહેર કરી શકે છે.
આવતીકાલે લેવાશે નિર્ણય
IPL 2025 ફરી શરૂ કરવા અંગેનો નિર્ણય આવતીકાલે એટલે કે 11 મેના રોજ લેવામાં આવી શકે છે. ભારત અને પાકિસ્તાન વચ્ચે યુદ્ધવિરામ પર થયેલા કરાર બાદ આ નિર્ણય લેવામાં આવ્યો છે. શનિવારે સાંજે 5 વાગ્યાથી ભારત અને પાકિસ્તાન બંને તરફથી ગોળીબાર બંધ કરી દેવામાં આવ્યો છે. આ પછી તરત જ, મીડિયા રિપોર્ટ મુજબ દાવો કરવામાં આવ્યો હતો કે IPL 2025 ટુર્નામેન્ટ આવતા અઠવાડિયે ફરી શરૂ થઈ શકે છે.
અધવચ્ચે જ રોકી દેવામાં આવી IPL 2025
IPL 2025 માં કુલ 57 મેચ પૂર્ણ થઈ હતી. 8 મેના રોજ ધર્મશાલામાં પંજાબ કિંગ્સ (PBKS) અને દિલ્હી કેપિટલ્સ (DC) વચ્ચે 58મી મેચ રમાઈ રહી હતી, પરંતુ તેને માત્ર 10.1 ઓવર પછી રોકી દેવામાં આવી હતી. આ મેચ ફરી રમાશે કે નહીં તે હજુ નક્કી થયું નથી. 8 મેના રોજ જ્યારે મેચ બંધ કરવામાં આવી ત્યારે પંજાબ કિંગ્સે 10.1 ઓવરમાં 1 વિકેટ ગુમાવીને 122 રન બનાવ્યા હતા. પ્રિયાંશ આર્યએ 34 બોલમાં 5 ચોગ્ગા અને 6 છગ્ગાની મદદથી 70 રન બનાવ્યા. પ્રભસિમરન સિંહ 28 બોલમાં 50 રન અને શ્રેયસ ઐયર (0) અણનમ રહ્યા.
હવે લીગ સ્ટેજમાં ફક્ત 12 મેચ બાકી છે, ત્યારબાદ 4 પ્લેઓફ મેચ રમાશે. અગાઉના શેડ્યૂલ મુજબ, ક્વોલિફાયર 1 અને એલિમિનેટર હૈદરાબાદમાં યોજાવાના હતા, જ્યારે ક્વોલિફાયર 2 અને ફાઈનલ કોલકાતામાં યોજાવાના હતા.
IPL એ ક્યારે ક્યારે સંકટનો કર્યો સામનો?
અગાઉ 2009 માં પણ લોકસભા ચૂંટણીને ધ્યાનમાં રાખીને, સુરક્ષા કારણોસર IPL દક્ષિણ આફ્રિકામાં યોજાઈ હતી. જ્યારે, 2020 માં, એપ્રિલ-મે મહિનામાં કોરોના રોગચાળાને કારણે, IPL સપ્ટેમ્બરમાં UAE માં યોજાઈ હતી. આગામી વર્ષે (2021), આ ટુર્નામેન્ટ ભારતમાં બાયો બબલમાં યોજાઈ હતી, પરંતુ ખેલાડીઓ કોરોના ચેપનો ભોગ બન્યા બાદ તેને બંધ કરી દેવામાં આવી હતી. આ ટુર્નામેન્ટ પાછળથી સપ્ટેમ્બરમાં પૂર્ણ થઈ.
IPL 2024 નું શેડ્યૂલ બે ભાગમાં આવ્યું કારણ કે લોકસભાની ચૂંટણીઓ પણ તે જ સમયે યોજાઈ રહી હતી. પહેલો ભાગ 22 માર્ચથી 7 એપ્રિલ સુધી ચાલ્યો હતો, જેમાં 21 મેચ રમાઈ હતી. આ પછી, જ્યારે ચૂંટણીની તારીખો નક્કી કરવામાં આવી, ત્યારે બાકીની મેચો અને પ્લેઓફ શેડ્યૂલ કરવામાં આવ્યા અને રમાયા. આ કારણે ટુર્નામેન્ટ સરળતાથી યોજાઈ શકી અને કોઈ સમસ્યા ન હતી.
22 એપ્રિલના પહલગામ આતંકવાદી હુમલાના એક પખવાડિયા પછી ભારતે પાકિસ્તાન અને પાકિસ્તાન અધિકૃત કાશ્મીરમાં આતંકવાદીઓના ઠેકાણાઓ પર મિસાઈલ હુમલા કર્યા હતા. પહલગામ હુમલામાં 26 લોકો માર્યા ગયા હતા. જમ્મુમાં હવાઈ હુમલાના એલાર્મ અને વિસ્ફોટ જેવા અવાજોના અહેવાલો વચ્ચે, ગુરુવારે ભારતના અનેક જિલ્લાઓમાં, જેમાં પંજાબના પઠાણકોટ, અમૃતસર, જલંધર, હોશિયારપુર, મોહાલી અને કેન્દ્રશાસિત પ્રદેશ ચંદીગઢનો સમાવેશ થાય છે, બ્લેકઆઉટ લાદવામાં આવ્યો હતો. અગાઉના દિવસે, લાહોર અને રાવલપિંડી સહિત અન્ય શહેરોમાં ભારતીય ડ્રોન હુમલાઓ બાદ પાકિસ્તાન સુપર લીગ (PSL) ને સંયુક્ત આરબ અમીરાત (UAE) માં ખસેડવામાં આવશે એવો નિર્ણય લેવામાં આવ્યો હતો.
પહેલા બાકીની મેચોનું આ પ્રમાણે હતું શેડ્યૂલ
58. પંજાબ કિંગ્સ વિરુદ્ધ દિલ્હી કેપિટલ્સ, 8 મે, સાંજે 7:30 વાગ્યે, ધર્મશાલા (રદ્દ મધ્યમાં)
59. લખનૌ સુપર જાયન્ટ્સ વિરુદ્ધ રોયલ ચેલેન્જર્સ બેંગ્લુરુ, 9 મે, સાંજે 7:30 વાગ્યે, લખનૌ
60. સનરાઈઝર્સ હૈદરાબાદ વિરુદ્ધ કોલકાતા નાઈટ રાઈડર્સ, 10 મે, સાંજે 7:30 વાગ્યે, હૈદરાબાદ
61. પંજાબ કિંગ્સ વિરુદ્ધ મુંબઈ ઈન્ડિયન્સ, 11 મે, બપોરે 3:30 વાગ્યે, ધર્મશાલા
62. દિલ્હી કેપિટલ્સ વિરુદ્ધ ગુજરાત ટાઈટન્સ, 11 મે, સાંજે 7:30 વાગ્યે, દિલ્હી
63. ચેન્નાઈ સુપર કિંગ્સ વિરુદ્ધ રાજસ્થાન રોયલ્સ, 12 મે, સાંજે 7:30 વાગ્યે, ચેન્નાઈ
64. રોયલ ચેલેન્જર્સ બેંગ્લુરુ વિરુદ્ધ સનરાઈઝર્સ હૈદરાબાદ, 13 મે, સાંજે 7:30 વાગ્યે, બેંગલુરુ
65. ગુજરાત ટાઈટન્સ વિરુદ્ધ લખનૌ સુપર જાયન્ટ્સ, 14 મે, સાંજે 7:30 વાગ્યે, અમદાવાદ
66. મુંબઈ ઈન્ડિયન્સ વિરુદ્ધ દિલ્હી કેપિટલ્સ, 15મે, સાંજે 7:30 વાગ્યે, મુંબઈ
67. રાજસ્થાન રોયલ્સ વિરુદ્ધ પંજાબ કિંગ્સ, 16મે, સાંજે 7:30 વાગ્યે, જયપુર
68. રોયલ ચેલેન્જર્સ બેંગ્લુરુ વિરુદ્ધ કોલકાતા નાઈટ રાઈડર્સ, 17મે, સાંજે 7:30 વાગ્યે, બેંગલુરુ
69. ગુજરાત ટાઈટન્સ વિરુદ્ધ ચેન્નઈ સુપર કિંગ્સ, 18મે, બપોરે 3:30 વાગ્યેસ અમદાવાદ
70. લખનૌ સુપર જાયન્ટ્સ વિરુદ્ધ સનરાઈઝર્સ હૈદરાબાદ, 18 મે, સાંજે 7:30 વાગ્યે, લખનૌ
71. ક્વોલિફાયર 1, 20 મે, સાંજે 7:30 વાગ્યે, હૈદરાબાદ
72. એલિમિનેટર, 21 મે, સાંજે 7:30 વાગ્યે, હૈદરાબાદ
73. ક્વોલિફાયર 2, 23 મે, સાંજે 7:30 વાગ્યે, કોલકાતા
74. ફાઈનલ, 25 મે, સાંજે 7:30 વાગ્યે, કોલકાતા
