આજકાલ ડોમરાજૂ ગુકેશની ચર્ચા દરેક જગ્યાએ થઈ રહી છે. તેને નોર્વે ચેસ 2025 ટુર્નામેન્ટના છઠ્ઠા રાઉન્ડમાં દુનિયાના ટોપ ખેલાડી મેગ્નસ કાર્લસનને ક્લાસિકલ મેચમાં હરાવ્યો. જે બાદ ભારતના આ ચેસ સ્ટારે બધાને હેરાન કરી દીધા.
તમને જણાવી દઈએ કે ગુકેશની કાર્લસન સામે આ પહેલી જીત હતી. આ જીત પછી ડોમરાજૂ ગુકેશને અભિનંદન આપવાની પ્રક્રિયા ચાલુ છે. આ જીત બાદ વડા પ્રધાન નરેન્દ્ર મોદીએ પણ તેને અભિનંદન પાઠવ્યા છે.
પીએમ મોદીએ ડી ગુકેશને પાઠવ્યા અભિનંદન
પીએમ મોદીએ ગુકેશને અભિનંદન આપતા લખ્યું છે કે “ગુકેશની અસાધારણ સિદ્ધિ. બેસ્ટ ખેલાડીને હરાવવા માટે તેને અભિનંદન. નોર્વે ચેસ 2025 ના રાઉન્ડ 6 માં મેગ્નસ કાર્લસન સામેની તેની પ્રથમ જીત તેમની પ્રતિભા અને સમર્પણને દર્શાવે છે. હું તેને આગળ પણ સતત સફળતા મળે તેવી શુભેચ્છા પાઠવું છું.”
હાર બાદ કાર્લસન થયો ગુસ્સે
મેચ દરમિયાન મોટા ભાગે કાર્લસનની લીડ હતી, પરંતુ અંતના તબક્કામાં તે હારી ગયો હોય તેવું જોવા મળ્યું હતું. જેના કારણે તે દબાણ સહન કરી શક્યો નહીં. પછી ગુકેશે શાનદાર વાપસી કરી અને બાજી મારી લીધી. આ જીત સાથે ડી ગુકેશ પોઈન્ટ ટેબલમાં ત્રીજા સ્થાને પહોંચી ગયો. ગુકેશ સામે હાર બાદ કાર્લસન ગુસ્સે જોવા મળ્યો. તેનો ગુસ્સાવાળો વીડિયો સોશિયલ મીડિયા પર વાયરલ થઈ રહ્યો છે.
આ જીત ગુકેશ માટે યાદગાર બની ગઈ. ગુકેશ કાર્લસનને હરાવનાર બીજો ભારતીય બન્યો છે. આ પહેલા ભારતના પ્રજ્ઞાનાનંદ એ આ સિદ્ધિ હાંસલ કરી હતી. આ પહેલા ગુકેશને કાર્લસન સામે હારનો સામનો કરવો પડ્યો હતો. આ મેચ બંને વચ્ચે 27 મેના રોજ રમાઈ હતી. તમને જણાવી દઈએ કે કાર્લસન લગભગ એક વર્ષ પછી ક્લાસિકલ ચેસમાં પાછો ફર્યો હતો.
