રશિયા અને યૂક્રેન વચ્ચે યુદ્ધ ચાલી રહ્યું છે તેવામાં રશિયાના અધિકારીઓ ઉત્તર કોરિયા પહોંચ્યા છે. ઉત્તર કોરિયાના નેતા કીમ જોંગ ઉન સાથે રણનૈતિક ચર્ચાઓ કરવામાં આવનારી છે.
યૂક્રેન સાથેના યુદ્ધમાં ઉભી થયેલી સ્થિતિ વચ્ચે રશિયાના ઉચ્ચ અધિકારીઓ ઉત્તર કોરિયા પહોંચ્યા અને સુરક્ષા અધિકારીઓ સાથે પણ વાત કરવાના છે.
યૂક્રેન ઉપરાંત આંતરરાષ્ટ્રીય મુદ્દાઓ ચર્ચશે
સમાચાર એજન્સીના અહેવાલો મુજબ ઉત્તર કોરિયન નેતા કીમ જોંગ ઉન અને રશિયાના સુરક્ષા પરિષદના સચિવ શોઇગૂ વચ્ચે યુધ્ધ સંદર્ભે ચર્ચા થશે. એકબીજા દેશના સહયોગથી આગળ વધી શકાય એમ પણ ચર્ચા કરવામાં આવનાર છે. રણનૈતિક ચર્ચાઓ માટે રશિયાના રાષ્ટ્રપતિ પુતિન અને ઉત્તર કોરિયન નેતા કીમ જોંગ વચ્ચે હસ્તાક્ષર થયા હતા. યૂક્રેનની આસપાસની સ્થિતિ સહિત આંતરરાષ્ટ્રીય મુદ્દાઓ ઉપર ચર્ચા થવાની છે.
ઉત્તર કોરિયન સૈનિકોની પુતિને કરી પ્રસંશા
રશિયાના રાષ્ટ્રપતિ પુતિને ઉત્તર કોરિયન સૈનિકોની પ્રસંશા કરી હતી. રશિયાના રક્ષા મંત્રી રહી ચૂકેલા શોઇગૂ છેલ્લે માર્ચના અંતમાં ઉત્તર કોરિયા ગયા હતા. એપ્રિલમાં ક્રેમલીને પુષ્ટિ કરી હતી કે, ઉત્તર કોરિયાઈ સૈનિકોએ રશિયાની કુર્સ્ક વિસ્તારમાં યુક્રેની સૈનિકોની ઘૂસણખોરી રોકવામાં રશિયાની સાથે રહ્યા હતા. તે સમયે પુતિને ઉત્તર કોરિયન સૈનિકોની પ્રસંશા કરી હતી. તેમની માતૃભૂમિની રક્ષા કરી હોવાનું તેમણે કહ્યું હતું.
યુદ્ધ રોકવાના તમામ પ્રયાસો નિષ્ફળ
રશિયા અને યૂક્રેન વચ્ચેનું યુદ્ધ રોકવા માટે તમામ પ્રયાસો અસફળ રહ્યા છે. અમેરિકાના રાષ્ટ્રપ્રમુખ ડોનાલ્ડ ટ્રમ્પે પણ પ્રયાસ કર્યો હતો. જોકે હજુ જંગ યથાવત છે, તેનો કોઈ અંત આવે એમ લાગતું નથી. બંને દેશોના અસરગ્રસ્તો અને મૃતકોની સંખ્યા વધારે છે. લાખો લોકો વિસ્થાપિત થયા છે. આંતરરાષ્ટ્રીય રીતે પણ ઘણા દેશો એ યુદ્ધ વિરામની અપીલ કરી છે પરંતુ સ્થિતિ ગંભીર બની છે.
