ડેનમાર્કે એક મોટો નિર્ણય લીધો છે, ડેનમાર્કની સંસદે દેશમાં અમેરિકી મિલિટ્રી બેઝ બનાવવાની મંજૂરી આપી દીધી છે. તેના માટે એક બિલ પણ સંસદમાંથી પાસ કરવામાં આવ્યું છે. ડેનમાર્કે નિર્ણય એવા સમયે લીધો છે, જ્યારે અમેરિકી રાષ્ટ્રપતિ ડોનાલ્ડ ટ્રમ્પ ડેનમાર્કના અર્ધ-સ્વાયત્ત ગ્રીનલેન્ડ પર કંટ્રોલ કરવા ઈચ્છે છે. ડેનમાર્કના આ નિર્ણયની તેના જ દેશમાં આલોચના કરવામાં આવી રહી છે.
બિલના વિરોધમાં 11 વોટ પડ્યા
ડેનમાર્કની સંસદમાં આ બિલના પક્ષમાં 94 અને વિરોધમાં 11 વોટ પડ્યા છે. સંસદમાંથી પાસ થયા બાદ હવે આ બિલને દેશના રાજા ફ્રેડિરક દશનની પાસે સહી કરવા માટે મોકલવામાં આવશે. સંસદમાંથી પાસ થયેલા આ બિલનો વિરોધ કરનારા લોકો કહી રહ્યા છે કે તેનાથી ડેનમાર્કે પોતાની સંપ્રભુતા અમેરિકાના સામે ગીરવે મુકી દીધી છે. ગ્રીનલેન્ડના વડાપ્રધાને પણ પહેલા કહ્યું હતું કે દ્વીપ વિશે અમેરિકાનું નિવેદન અપમાનજનક છે. આ ક્યારેય એવી સંપતિ નહીં થાય, જેને કોઈ પણ ખરીદી શકે.
અમેરિકાને આ નિર્ણયથી શું થશે ફાયદો?
ડેનમાર્કની સંસદમાં પાસ થયેલું બિલ 2023માં બાઈડન તંત્રની સાથે કરેલા જુના સૈન્ય કરાર સાથે જોડાયેલું છે. કહેવામાં આવી રહ્યું છે કે તેનાથી અમેરિકી સૈનિકોને આ સ્કેન્ડિનેવિયન દેશના લશ્કરી એરબેઝ સુધી પહોંચ સુનિશ્ચિત થશે. બિલના નવા માપદંડો ટ્રમ્પની વ્યૂહાત્મક, ખનિજ સમૃદ્ધ આર્કટિક ટાપુને પોતાના કબજામાં લેવાની ઈચ્છા અનુરૂપ છે. અમેરિકા અને ડેનમાર્ક ઉત્તર એટલાન્ટિક સંધિ સંગઠન (નાટો)ના સાથી છે.
