ઈરાન અને ઈઝરાયલ વચ્ચે ચાલી રહેલા યુદ્ધની વચ્ચે હવે ઉત્તર કોરિયામાં પણ હલચલ વધી છે. શુક્રવારે જેવું ઈઝરાયલે ઈરાનના ન્યૂકિલર ઠેકાણાઓ પર હુમલાઓ કર્યા, ઉત્તર કોરિયાના તાનાશાહ કિમ જોંગ પણ એક્ટિવ થઈ ગયા. તેમણે તરત જ પોતાના દેશની હથિયારોની ફેક્ટરીની વિઝીટ કરી અને દારૂ ગોળાના ઉત્પાદનને લઈને મોટા આદેશ આપ્યા છે.
કિમે અધિકારીઓને કહ્યું હતું કે હાલની સ્થિતિને જોતા બોમ્બ અને ગોળા બનાવવાની પ્રક્રિયા ઝડપથી વધારવામાં આવે કારણકે આ દુનિયા એક આધુનિક યુદ્ધ તરફ આગળ વધી રહી છે. જ્યાં હથિયારો જ સાચી તાકાત હશે. સરકારી મિડીયા દ્વારા આ જાણકારી સામે આવી છે.
બોમ્બ બનાવનારી ફેક્ટરીઓની વિઝિટ કરી
કિમ જોંગ આ શુક્રવારે મેટલ પ્રેસિંગ અને અસેમ્બલી યુનિટ્સનુ નિરિક્ષણ કરવા પહોંચ્યા હતા. ત્યાં તેમણે 2025ની પહેલા છ મહિનામાં બનેલા દારુગોળાનું નિરિક્ષણ કર્યું. આ પછી અધિકારીઓને ફટકાર લગાવતા જણાવ્યું હતું કે જો આધુનિક યુદ્ધોની જરૂરિયાત પ્રમાણે જો શક્તિશાળી બોમ્બ બનાવવો હસે તો ઉત્પાદન ક્ષમતામાં વધારો કરવો પડશે.
કિમે ખાસ કરીને એ વાત પર મહત્વ આપ્યું હતું કે હથિયાર બનાવવાની ફેક્ટરીમાં ઓટોમેશન એટલે કે અનમેન્ડને પ્રોત્સાહિત કરવામાં આવે. તેમણે જણાવ્યું હતું કે જો આપણે નવા અને શક્તિશાળી હથિયારો બનાવવા છે તો પ્રોસેસ વધારવી પડશે. ફેક્ટરીને એ રીતે ડિઝાઈન કરો કે ઓછામાં ઓછા મેનપાવર વગર મશીનથી કામ થઈ શકે.
