રાઇઝિંગ સ્ટાર એશિયા કપ હાલમાં કતારમાં રમાઈ રહ્યો છે. ભારતીય ટીમના 14 વર્ષીય લેફ્ટ-હેન્ડ બેટ્સમેન વૈભવ સૂર્યવંશીની બેટિંગ દર્શકોના દિલ જીતી રહી છે. એશિયા કપમાં સૂર્યવંશી જે રીતે બોલરોને ફટકારી રહ્યો છે તેનાથી ફેન્સ તેને ભારતની મુખ્ય ટીમમાં પસંદ કરવા માટે માગ કરી રહ્યા છે. વૈભવ સૂર્યવંશીએ રાઇઝિંગ સ્ટાર એશિયા કપમાં યુએઈ સામે 144 રનની ધમાકેદાર ઇનિંગ રમી હતી. તેની ઇનિંગને કારણે ભારતીય ટીમે ચાર વિકેટ ગુમાવીને 297 રન બનાવ્યા હતા અને 148 રનથી જીત મેળવી હતી.
એશિયા કપ દરમિયાન 20 ચોગ્ગા અને 22 છગ્ગા ફટકાર્યા
વૈભવ સૂર્યવંશીની વાત કરીએ તો, રાઇઝિંગ સ્ટાર એશિયા કપની લગભગ દરેક મેચમાં વૈભવ સૂર્યવંશીએ શાનદાર બેટિંગ કરી હતી. તેણે યુએઈ સામે 144 રન બનાવ્યા હતા અને પાકિસ્તાન સામે પણ 28 બોલમાં 45 રનની શાનદાર ઇનિંગ રમી હતી, જેમાં પાંચ ચોગ્ગા અને ત્રણ છગ્ગાનો સમાવેશ થતો હતો. સૂર્યવંશીએ બાંગ્લાદેશ સામેની સેમિફાઇનલમાં 15 બોલમાં 38 રનની શાનદાર ઇનિંગ પણ રમી હતી.
સૂર્યવંશીએ એશિયા કપમાં સૌથી વધુ રન બનાવ્યા હતા
યુવા ભારતીય બેટ્સમેન વૈભવ સૂર્યવંશીની વાત કરીએ તો, તેણે આ એશિયા કપમાં કુલ ચાર મેચ રમી હતી. તેણે 98 બોલનો સામનો કર્યો હતો અને 59.58 ની સરેરાશ સાથે 239 રન બનાવ્યા હતા.
વૈભવ સૂર્યવંશી 239 રન સાથે ટોપ પર
આ સમગ્ર રાઇઝિંગ સ્ટાર એશિયા કપ દરમિયાન, તેણે 20 ચોગ્ગા અને 22 છગ્ગા ફટકાર્યા. ભારતીય ટીમ એશિયા કપમાંથી બહાર થઈ ગઈ હોવા છતાં, સૂર્યવંશીની બેટિંગ દર્શાવે છે કે તે ટૂંક સમયમાં ટીમ ઇન્ડિયામાં સ્થાન મેળવવાની કગાર પર હોઈ શકે છે. રાઇઝિંગ સ્ટાર એશિયા કપ 2025 માં સૌથી વધુ રન બનાવનારા ખેલાડીઓની યાદીમાં વૈભવ સૂર્યવંશી 239 રન સાથે ટોપ પર છે. પાકિસ્તાનનો માઝ સદકત બીજા સ્થાને છે, તેણે અત્યાર સુધી ચાર મેચમાં 235 રન બનાવ્યા છે.
આ પણ વાંચો -Smriti Mandhanaના પિતા પછી હવે પલાશ મુછલ પણ હોસ્પિટલમાં, અચાનક તબિયત બગડી!
