અમદાવાદ શહેર પોલીસ દ્વારા ગુમ થયેલાઓને શોધવા માટે એક વિશાળ ડ્રાઇવ શરૂ કરવામાં આવી છે. ખાસ કરીને પૂર્વ વિસ્તારમાં આવેલા 22 પોલીસ સ્ટેશન વિસ્તારમાં ગુમ થયેલા લોકોની ખાસ ડ્રાઇવ યોજાઇ હતી
2007 થી ઓક્ટોબર 2025 દરમિયાન કુલ 2328 લોકો ગુમ
પોલીસે જણાવ્યું કે 2007 થી ઓક્ટોબર 2025 દરમિયાન કુલ 2328 લોકો ગુમ થયેલા હોવાના અહેવાલો મળ્યા હતા. આ મામલે શહેર પોલીસ કમિશનર અને સેક્ટર 2 જીસીબીની સુચના મુજબ ડ્રાઇવનું આયોજન કરવામાં આવ્યું હતું.
અત્યાર સુધીમાં 328 લોકોને શોધી કાઢવામાં આવ્યા
પોલીસની કાર્યવાહી હેઠળ, અત્યાર સુધીમાં 328 લોકોને શોધી કાઢવામાં આવ્યા છે. તેની અંદર 18 વર્ષથી ઓછી ઉંમરના 8 છોકરીઓ અને 13 છોકરા અને 18 વર્ષથી વધુ ઉંમરના 194 સ્ત્રીઓ અને 113 પુરુષોનો સમાવેશ થાય છે.
પ્રેમસંબંધના કારણે છોકરા-છોકરીઓ ફરાર થયા હતા
પોલીસે જણાવ્યું કે મોટાભાગના યુવાનો પોતાની જાતે ઘર છોડીને ફરાર થયા હતા. કેટલીકવાર પ્રેમસંબંધના કારણે છોકરા-છોકરીઓ એકબીજાને પસંદ કરીને ફરાર થઈ ગયા હતા. કેટલાક લોકો પોતાને ઘરે પરત આવી ગયા, પરંતુ પોલીસ સ્ટેશનમાં નોંધ કરાવ્યા વિના ગયા હોવાથી આ લોકોનું પહેલેથી રેકોર્ડ ન હતું.
ગુમ થયેલાઓને શોધવા માટે વધુ પગલાં
પોલીસે કહ્યું કે આ ડ્રાઇવ ચાલુ રહેશે અને બાકી ગુમ થયેલાઓને શોધવા માટે વધુ પગલાં લેવામાં આવશે. આ કામગીરી શહેરમાં સુરક્ષા અને નાગરિકો માટે સંજાગપણું વધારવાના પ્રયાસોમાં મહત્વપૂર્ણ ગણાય છે.
