જૂનાગઢ શહેરમાં એક 34 વર્ષીય યુવકના શંકાસ્પદ સંજોગોમાં મોત થતાં ચકચાર મચી ગઈ છે. આ ઘટના સી. એલ. કોલેજ પાસેના બીલખા રોડ પર બની હતી.મળતી માહિતી મુજબ, મૃતક યુવાન મોડી રાત્રે બીલખા રોડ પર બેભાન હાલતમાં પડ્યો હતો. આ અંગે કોઈ અજાણ્યા વ્યક્તિએ યુવકના પરિવારજનોને જાણ કરી હતી.
જૂનાગઢમાં 34 વર્ષના યુવકનું શંકાસ્પદ મોત
પરિવાર તાત્કાલિક ઘટનાસ્થળે દોડી આવ્યો હતો અને યુવાનને સારવાર અર્થે હોસ્પિટલ ખસેડવામાં આવ્યો હતો. જોકે, ફરજ પરના તબીબે યુવકને મૃત જાહેર કર્યો હતો. યુવકનું મોત કયા સંજોગોમાં થયું તે સ્પષ્ટ ન થતાં, પરિજનોએ આ સમગ્ર મામલે ઊંડાણપૂર્વક તપાસની માંગ કરી છે.
સી. એલ. કોલેજ પાસે યુવકનું શંકાસ્પદ મોત
ઘટનાની જાણ થતાં પોલીસે સ્થળ પર પહોંચી કાર્યવાહી હાથ ધરી હતી. યુવકનું મોત કુદરતી છે કે તેમાં કોઈ રહસ્ય છુપાયેલું છે તે જાણવા માટે પોલીસ દ્વારા આ મૃતદેહનું પેનલ પોસ્ટમોર્ટમ (PM) કરાવવામાં આવશે. પોલીસે હાલ અકસ્માત મોતનો ગુનો નોંધીને યુવકના મૃત્યુના ચોક્કસ કારણની તપાસ શરૂ કરી છે.
આ પણ વાંચો: સફેદ રણ અને ‘રોડ ટુ હેવન’ ‘નો-સ્પિટિંગ ઝોન’ જાહેર, સ્વચ્છતા જાળવવા કલેક્ટરનો નિર્ણય
વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d
