હોંગકોંગના ઇતિહાસની સૌથી ભીષણ આગમાં મરનારની સંખ્યા વધીને 55 પર પહોંચી ગઇ છે અને 279 લોકો હજુ પણ લાપતા છે. આ આગમાં અનેક ઉંચી બિલ્ડિંગ સામેલ છે. હોંગકોંગ સ્થિત સાઉથ ચાઇના મોર્નિગ પોઇન્ટના રિપોર્ટ અનુસાર હાલ ઓછામાં ઓછા 68 લોકો હોસ્પિટલમાં એડમિટ છે. જેમાં અનેકની હાલત ગંભીર છે. આગ લાગવાનુ કારણ શું છે આવો જાણીએ.
આગ લાગવાનું કારણ
પોલીસ તપાસમાં જાણવા મળ્યું છે કે બિલ્ડિંગને ઢાંકવા માટે વપરાયેલા સુરક્ષાત્મક જાળ, વોટરપ્રૂફ કેનવાસ અને પ્લાસ્ટિકના કાપડ અગ્નિ-પ્રતિરોધક ધોરણો અનુસાર ન હોઈ શકે. રિપોર્ટમાં જણાવાયું છે કે પોલીસને એ પણ મળ્યું કે રહેણાંક વિસ્તારમાં આવેલી એક અસરરહિત બિલ્ડિંગની લિફ્ટ લોબીની બારીઓને સીલ કરવા માટે પોલીયુરેથીન ફોમનો ઉપયોગ કરવામાં આવ્યો હતો અને આગ ઝડપથી ફેલાવાનું સંભવિત કારણ તરીકે આ જ્વલનશીલ સામગ્રીની તરફ ઇશારો કરે છે.
પોલીસ દ્વારા ધરપકડ કરાયેલા ત્રણ વ્યક્તિ એક બાંધકામ કંપનીના અધિકારીઓ હતા, જે બિલ્ડિંગના નવેસર નિર્માણ માટે આ સામગ્રી લગાડવા માટે જવાબદાર હતા. 52 થી 68 વર્ષની ઉંમરના શંકાસ્પદોમાં કંપનીના બે નિર્દેશકો અને એક પ્રોજેક્ટ સલાહકાર સામેલ છે, જેમની ગંભીર બેદરકારીના કારણે ભારે જાનહાનિ થઈ છે.
શી જિનપિંગના નિર્દેશ
ચીની રાષ્ટ્રપતિ શી જિનપિંગે બુધવાર રાત્રે રહેણાક બિલ્ડિંગમાં લાગી આવેલી આ ભયાનક આગ અંગે શોક વ્યક્ત કર્યો. સાથે જ અધિકારીઓને આગ હોલવવા માટે દરેક શક્ય પ્રયાસ કરવાનો નિર્દેશ આપ્યો. તેમણે તરત જ બચાવ કાર્ય અને જાનહાનિના આંકડા વિશે સંપૂર્ણ માહિતી માંગીને જણાવ્યું.
શિન્હુઆના રિપોર્ટ મુજબ, શીએ CPC સમય કેન્દ્રિય સમિતિના હોંગકોંગ અને મકાઓ કાર્યાલય તથા સંપર્ક કાર્યાલયને આગ બુઝાવવા માટે તમામ પ્રયાસ કરવાની, શોધ અને બચાવ કામગીરીમાં પૂરી મદદ કરવાની, ઘાયલોની સારવાર કરવા અને પીડિતોના પરિવારોને સાંત્વના આપવા માટે સરકારને સહયોગ આપવા સૂચના આપી છે.
આ પણ વાંચોઃ હોંગકોંગમાં ઊંચી ઇમારતો બનાવવા પાછળ શું છે કારણ?, જાણો
